ṮAKWIIN 3:6 - Uduk New Teatament and OT Portions

⁶ Wakan ka ’bom ki p̱ar cwa e ki a’di ’bora’bor mmoshwa mo, dhali a’di ’kunya’kuny e jis/em piti mo, dhali cwa a’di iminu o bwa mmokar jan ṯal ’de/ mmoyuḵa yuḵ mo tani ayim ki bu’th maman cwa mo dhali shwa a’di, dhali ayim si’da/ ki c̱iki a’di ka kaṯẖim piti mo, dhali a’di shwaki’d mo.

ṮAKWIIN 3:6 Iomraidhean Croise

YOHAAN ’DE/ 2:16

Haali/ aris to ’baar mo kun ’kon e mony’cesh mo kun ta mon’dap̱ e gi buŋgwar is mo dhali mon’dap̱ e gi e mo dhali mii mmodhu is ki ca mo tani a’di diki di ’pena Baba mo hili a’di ta jany ’cesh mo be.

ṮIMUṮH̱AWUUS ’DE/ 2:14

Dhala Aadam yisa ihe’kkunu eya, hila ’bom a’di ihe’kkunu e mo dhala yim warki’d ka mandhaŋ gwo mo be.

ṮAKWIIN 6:2

iya/ ma Arumgimis mo uni p̱arki i’bwa/ gi ’kwani e mo ki uni ’bora’bor mo dhali uni ki mash uni mo mmota i/ash mo me’d jin kwanykina uni uni wakan mo.

MAṮṮA 5:28

Hili aha/ ona um gwo mo ki aris ’kwani ’baar mo ka ’deṯe/ ’deṯe/ uni gun hili ’kup̱ ki up̱ mo mmo’dap̱ e mo tani ki jahanne/ uni miiki miinyc̱al nyaḵki up̱ mo eya dum buni mo be.

ṮAKWIIN 39:7

Dhali ki ara cima kamu/ mo tani a’bom gi tap̱am piti, ayim ’cemi’dki’da Yuusup̱ ki e mo dhali o a’di gwo mo ki: Ishi nyaḵki aha/ mo ma.

ṮAKWIIN 3:17

Dhali a’di ki owa Aadam gwo mo ki: Gom miim pini jin ciḵa /e ’twa/ gi ashim pini mo dhali shwa cwa yansan jin ḵanka/ /e gwo mo ki: /E mini mii dhalku/ ki shwa a’di mo tani mony’cesh jeenu mo gom /e mo be. Aris to kun mina /e shwa mo tani uni mina /e gam ’peni mii jin mina /e ’kosha shir shir mo ka tee gi mondiki/em pini ’baar mo.

ṮAKWIIN 3:12

Dhali wathi/ ki o gwo mo ki: A’bom a’di jin c̱ikina /e mmonyaḵ c̱a’b ki aha/ mo tani ayim a’di ic̱iki aha/ maman cwa mo dhali aha/ shwakina a’di mo.