ṮAKWIIN 3:1 - Uduk New Teatament and OT Portions

¹ Dhali tasha/ a’di kora e ki kor mo mmobola ris tombwaasho kun uḵu mo, uni gun uḵkina Tap̱a Arumgimis mo. A’di ki owa ’bom gwo mo ki: A/Arumgimis o gwo mo ki: Um mini mii dhalku/ cwan ṯal ’de/ ki shwa ’peni bwaagoŋ ’te/o?

ṮAKWIIN 3:1 Iomraidhean Croise

MAṮṮA 10:16

Hili mo mo ma, aha/ hashkina um mo ka pije/ mo me’d ḵa’bal mo e bwaman ma wu mo, wakan yuḵi ki yuḵ mo me’d tasha/ mo, dhali dari ga maḵ mo me’d gurko/ mo.

MAṮṮA 4:3

Dhali amanpal a’di p̱u’dki’d mo dhali o a’di gwo mo ki: Waḵki/ /e ta Ya/ ma Arumgimis mo tani ḵani wosh gwansan gwo mo ma mmowar ki tonṯe/ mo.

MAṮṮA 4:6

dhali a’di ki o a’di gwo mo ki: Waḵki/ /e ta Ya/ ma Arumgimis mo tani biṯi is pini ka ’cesh mo ma haali/ a’di ’kwarkunu mo ki: A’di midi c̱i iman’doyu gwom piti mo mmoji /e mo, dhali, E me’d buni mo tani uni mini ’de’k /e mo, isi ciki/ ki /e mina sho’k pini diki ṯorosha p̱o/ wosh mo be.

MAṮṮA 4:9

Dhali a’di ki o a’di gwo mo ki: Aris uni gwansani ’baar mo tani miga/ c̱i /e mo be waḵki/ /e mini biṯa ’cesh mo dhali luŋ aha/ mo be.

KURINṮH̱UUS SU/ 11:14

Dhali mo jin meru di’da? Haali/ isi kani aSeṯaan warki is pitiŋ gana/ ka man’doyu gwo gi moŋkush mo be.

KURINṮH̱UUS SU/ 11:3

Hili aha/ ḵo/kina is mo, me’d mii jin miina tasha/ mo mmoheka Hawwa e mo ka maḵ piti mo tani ki gwom bum kun kulumkina umi bwa mo tani mini sus um mmoper mo ’peni mii gun daru gi washila/ mo dhali miin dhelelga/ kun ta mii ma gayiin eya Ḵrisṯẖos mo be.

BUṮERUS ’DE/ 3:7

Wakan si’da/ um gwaṯẖa, ’koyi ki isi ’kom pa mo nyaḵki up̱ bum mo, mmoc̱i montaḵ goma ’bom mo me’d jin ’ka’da isa yim mo ki buŋgwar ma yim mo, haali/ um nyaḵki mal buthi mon’de/ mo ka ’the ki mondiki/e mo, ki mii gi wakan mo tani ka ’thom bum kun ’thona um mo tani minu ’koki ’taki non ’kup̱ mo be.

GWO JIN ’CEENU MO 12:15

Dhali tasha/ gac̱ki yi’de/ ’peni ’twam piti me’d ḵumma/ yi’de/ mo ’ko’da ’bom mo mmodhidha yim sho’k ka dhana gannu/ yi’de/ mo.

GWO JIN ’CEENU MO 12:9

Dhali adhan tasha/ a’di biṯkunu ka ’cesh mo, dhan tashan dhamo/ yin mo, a’di jin yuḵkunu gway ki Tap̱a ma Ruma ’Cesh mo dhali ka Seṯaan mo, a’di jin ta’da manhe’k ’kwaniny’cesh e ’baar mo – a’di biṯkunu mo ka ’cesh mo dhali iman’doyu gwonthus piti si’da/ mo, uni ṯa’kkunu ka ’cesh nyaḵki a’di mo.

GWO JIN ’CEENU MO 20:2

Dhali a’di ki ’dap̱ dhan tasha/ yan ka nyoḵ mo, dhan tashan dhamo/ yin, jin yuḵkunu gway ki Tap̱a ma Ruma ’Cesh mo dhali ka Seṯaan mo dhali a’di ki deḵ a’di mo gom yil alip̱ mo.