ṮAKWIIN 26:5 - Uduk New Teatament and OT Portions

⁵ Haala Ibrahiim haki gwo gi ’twam pem e mo dhali dhu gwo kun ḵanka/ a’di mo dhali gwoŋḵan pem mo dhali gwoŋḵan pem kun c̱inu ki ’twa/ mo dhali gwoŋḵan pem jin c̱inu mo be.

ṮAKWIIN 26:5 Iomraidhean Croise

ṮAKWIIN 12:4

Wakan Abraam yaki’d mo, me’d gwo jin ṯorkina Tap̱a a’di mo dhala Luuth yaki’d nyaḵki a’di mo. Dhala Abraam ’kokini yili issi kwara i’ce’dka ḵarpa’c mo me’d jin yakina a’di ’peni Pan Haraan mo.

ṮAKWIIN 17:23

Yan’ko’d a/Ibrahiim bu’thki’da Isma/iil jin ta ya/m piti mo dhali aris c̱iŋkina/ kun yolu mo, uni kun dho’thkunu mo e gu’b piti mo walla uni kun yolkunu mo ka guurush piti mo, aris gwasani ’baar ka ’deṯe/ ’deṯe/ mo kun ’koni bwaman ’kwaniŋ gwas gi gu’b ma Ibrahiim mo, dhali a’di ki ’ciṯẖ uni amunyjal yis mo e shuman is ma yi’c ma munyjal yis buni kun ’kuc̱kunu is mo ka tee yin gana/ mo, me’d jin okin ma Arumgimis a’di mo be.

ṮAKWIIN 18:19

Yisa, haali/ a’di kwanykika/ mo ki a’di midi ḵan uc̱im piti gwo mo dhali uni gi gu’b piti kun mini ’ko mo ŋ’ko’di a’di mo ki uni mini dhu bway gi Tap̱a mo mmo’ko mmomii mii ma ḵar/e mo dhali mii kun miinu ki dar gi mii ma gwar ’de/ mo. Ki a’di wakan mo tani a’di mina Tap̱a ’taki gu eya Ibrahiim mo a’di jin okina Tap̱a gwo is mo.

ṮAKWIIN 22:16

Dhali a’di ki o gwo mo ki: Aha/ ki is pem mo tani thulkina gwo me’da p̱o/ mo a’di ita gwo jin ona Tap̱a gom to yan jin miikina /e mo dhali mmodina /e ki non ya/m pini a’di jin ta ya/m piniŋ gana/ mo.

ṮAKWIIN 22:18

dhali e emen pini mo tani aris kal gi ’kwaniny’cesh minu ’bor mii mo haali/ /e haki gwo gi ’twam pem e mo.

ṮAKWIIN 26:6

Gom gwo gi wakan mo tani Is/hak a’di c̱a’bki’d mo e Pany Jaraar mo be.

MAṮṮA 5:19

A’diyin jin midi ’ce’d gwoŋḵana ’de/ ’peni uni gwansan kun ’kwarkunu mo kun p̱isin mo dhali ṯor ’kwani gwo wakan mo si’da/ tani a’di minu yuḵ ki a’di jin p̱isap̱is mo e Bampa/ gi Momis mo. Hili a’di jin mii uni mo dhali ṯor gwo ki uni mo tani a’di minu yuḵ gway ki a’di jin caaca mo e Bampa/ gi Momis mo be.

MAṮṮA 7:24

Aris ’kwani ’baar mo ka ’deṯe/ ’deṯe/ kun ciḵki gwom pem gwansan mo dhali mii uni mo tani uni wana e ki wathi/ jin yuḵayuḵ mo mmonyaŋ gu’b piti eya p̱o/ wosh mo be.

KURINṮH̱UUS ’DE/ 15:58

Wakan um pem gun enka/ mo, kun tana waḵ mo tani ṯeli mo dhali tayi ku gi minu mol joc̱ mo dhali ’dap̱i ’twa/ mo isa yempa/ eya ṯu’c gi Tap̱a mo mmomisha um ki um ’koki miiya ṯu’c gi Tap̱a ki p̱e’th mo be.

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

IBRANIYIIN 11:8

Ki moŋgam gwo is mo tani a/Ibrahiim haki gwo e mo ki a’di yuḵkunu mo mmoya ka pije/ mo e mo jin mina a’di bu’th mal mo. Dhali ki a’di yaki’d ka pije/ mo tani, mo misha a’diya jin yana a’di ya mo?

YAKUUB 2:21

Ibrahiim jin ta’da babam bana dinuki kar ki mo ma ḵar/e ki mii mo ki a’di c̱i ya/m piti ka Is/hak ap̱owa gwaṯa/ jin miinuwa basa ’cesh mo?