ṮAKWIIN 26:3 - Uduk New Teatament and OT Portions

³ Tayi ac̱a/ eya ’cesh yan mo dhali aha/ mina di nyaḵki /e mo dhali ’bor /e mii mo, dhali gom /e mo dhali gom emen pini mo tani aha/ mina c̱i aris bampa/ gwan ki /e mo dhali aha/ mina thim gwom pem jin oka/ is mo mmothul gwo me’da p̱o/ goma Ibrahiim jin ta’da babam pini mo be ki:

ṮAKWIIN 26:3 Iomraidhean Croise

ṮAKWIIN 12:7

Dhali yan’ko’d Tap̱a ki piya Abraam i is mo mmo/o gwo mo ki: E emen pini mo tani aha/ mina c̱i uni mony’cesh yansan mo. Wakan a’di ki nyaŋ agwaṯa/ jin miinuwa bas gom Tap̱a mo a’di jin piki a’di i is mo.

ṮAKWIIN 13:15

haali/ aris mony’cesh ’baar mo jin misha /e mo tani a’di miga/ c̱i gom /e mo dhali gom emen pini kun mini pi ’peni /e mo ki sule/ sule/ mo be.

ṮAKWIIN 13:17

Cuyi mis mo ma, dhali ya ki sho’k ki tur mo e mony’cesh yan mo ka luc̱ piti mo dhali ki beem piti mo haali/ aha/ mina c̱i a’di ki /e mo be.

ṮAKWIIN 15:18

Ka tee yin mo tani Tap̱a gamki gwo me’d mo nyaḵka Abraam mo mmo/o gwo mo ki: E emen kun mini pi mo ’peni /e mo tani aha/ mina c̱i bampa/ yan mo ’peni yi’deŋ ḵumma/ ma Masir mo ntagi dhan yi’deŋ ḵumma/ ma Elp̱uraat mo

ṮAKWIIN 17:19

Dhali Arumgimis oki gwo mo ki: Yisa. Hili Saarah jin ta ashim pini mo midi dho’th /e ya/in mo dhali gway piti mina /e iyuḵ ka Is/hak mo. Gwom pem jin gamka/ me’d mo tani miga/ ṯel sho’k mo nyaḵki a’di mo mmota gwo jin gamu me’d mo jin di’d ki sule/ sule/ mo gom emen piti kun mini pi ’peni a’di mo ’ko’di a’di mo be.

ṮAKWIIN 17:8

Dhali e /e mo dhali e emen pini kun mini pi ’peni /e mo ’ko’di /e mo tani aha/ mina c̱i um mony’cesh gi mo/ii ki iiŋ ’kus bum mo dhali aris mony’cesh gi Paŋ Kanaan mo mmota mom bum jin mina um ibu’th ki sule/ sule/ mo dhali aha/ mina ta Arumgimis buni mo be.

ṮAKWIIN 20:1

Dhali ’peni maṯṯaan mo tani Ibrahiim yaki’di yam pe mo ’kup̱ ki bampa/ jin di’d e ’ko’d gwar ga biny jam mo dhali a’di c̱a’bki’d mo ibwaman gi Paŋ Kaadish mo dhali gi Pan Shur mo dhali a’di p̱u’dki’d ki yaŋ’kus e Pan Jaraar mo.

ṮAKWIIN 25:11

’Ko’di jwa ma Ibrahiim mo tani Arumgimis ’borki’da Is/hak mii mo a’di jin ta ya/m piti mo. Dhala Is/hak a’di c̱a’bki’d mo e pam Birlahayru/i mo be.

ṮAKWIIN 26:12

Dhala Is/hak siki to mo e bampa/ yan mo dhali a’di ’ciṯẖki to mo ki yila ’de/ yan mo ki iss ’kwanimpa imudhe’d mo. Haali/ Tap̱a a’di ’borki a’di mii mo be.

ṮAKWIIN 26:14

A’di taki’d ga ma’diny ḵa’bal kun jinu mo dhali bip̱ mo dhali aris c̱iŋkina/ tana ris mo kun ’kokin e gu’b piti mo, dhali gom gwo gi wakan mo tani ’Kwani P̱ilisthiin uni taki dhap̱an ap̱o/ a’di mo be.

ṮAKWIIN 26:24

Dhali Tap̱a piki a’di i is mon’thiny mo dhali o gwo mo ki: Aha/ tana Arumgimis ma Ibrahiim jin ta’da babam pini mo, dhalku/ is ki ḵo/ mo haali/ aha/ mina nyaḵ di ki /e mo dhali ’bor /e mii mo dhali mar emen pini is mo gom gway gi c̱iŋkinam pem ka Ibrahiim mo be.

ṮAKWIIN 28:13

Dhali hili mo mo ma, Tap̱a doshki’di ’kup̱i a’di mo dhali o gwo mo ki: Aha/ tana Tap̱a Arumgimis ma Ibrahiim jin ta’da babam pini mo dhali Arumgimis ma Is/hak mo. Mony’cesh yan jin isha /e ap̱o/ mo tani aha/ mina c̱i a’di ki /e mo dhali emen pini mo be.

ṮAKWIIN 28:15

Hili mo mo ma, aha/ mina di nyaḵki /e mo dhali kar /e mo eya ris mo gunn kun mina /e iya mo dhali susi /e ka nyaŋ’ko’d e bampa/ yansan mo. Haali/ aha/ yisa mina dhal /e ’pen yisa ntagi aha/ mina thim gwom pem jin okika/ /e mo be.

ṮAKWIIN 31:3

Dhali yan’ko’d Tap̱a ki owa Yakuub gwo mo ki: Doḵi /e eya ’cesh gi ibabam pini ka nyaŋ’ko’d mo dhali e ’kwani ma bas pini mo dhali aha/ mina di e /e mo.

ṮAKWIIN 35:12

Mony’cesh jin c̱ikika/ ka Ibrahiim dhala Is/hak mo tani aha/ mina c̱i a’di /e mo dhali aha/ mina c̱i a’di ki emen pini i’ko’d mo be.

ṮAKWIIN 39:2

Dhali Tap̱a nyaḵki di ka Yuusup̱ mo dhali a’di warki’d ki wathi/ jin hana mii me’d mo dhali a’di diki’d e gu’b gi tap̱am piti jin ta Wathi/ Masir mo.

ṮAKWIIN 39:21

Hili Tap̱a a’di nyaḵki di ka Yuusup̱ mo dhali ṯor a’di mo/en piti jin ṯelu sho’k mo dhali c̱i a’di mii ma ’the i jis/e ma manhila sijin mo.

ṮAKWIIN 48:21

Dhali yan’ko’da Israyiil oki’da Yuusup̱ gwo mo ki: Hili mo mo ma, aha/ ’dishkina ’twa/ mmowu mo, hili Arumgimis midi nyaḵ di ki /e mo dhali a’di midi susi /e bway pa ka nyaŋ’ko’d e mony’cesh gi ibabam pini mo.

ṮAKWIIN 50:24

Dhala Yuusup̱ oki ikam piti gwo mo ki: Aha/ ’dishkina ’twa/ mmomuri wu mo hili Arumgimis a’di midi yayu/ mmobuṯi um mo dhali a’di midi susi um bway pa ka nyaŋ’ko’d mo ’peni bampa/ yansan e mony’cesh jin thulkina a’di a/Ibrahiim gwo me’da p̱o/ mo goma Is/hak dhala Yakuub mo be.

GWAY GI IDAWUU’D 105:8

A’di tana bwam piti pa ki pa gom gwom piti jin gama a’di me’d ki sule/ sule/ mo, gom gwom piti jin ḵankina a’diya ḵan goma alip̱ ma risa nyaḵum yil ’kwani mo,

GWAY GI IDAWUU’D 105:9

gwo jin gamkina a’di me’d nyaḵka Ibrahiim mo, dhali gwom piti jin thulkina a’di me’da p̱o/ mmo/o is goma Is/hak mo,

GWAY GI IDAWUU’D 32:8

Aha/ mina ye’th /e sho’k mo dhali ṯor /e bway jin mina /e iya mo be. Aha/ mina logom /e ki gwo mo ki em pem jin midi di ap̱o/ /e mo.

GWAY GI IDAWUU’D 39:12

Ciḵi mon’thom pem mo ma, ayy Tap̱a, dhali ḵa’di ’cem pini gom moŋkom pem mo. Dhalku/ ki bu’th moŋḵu’th is pini ’peni jabu’th em pem mo. Haali/ aha/ takina yilkinam pini jin yaki’d ki yam pe mo, a’di jin tani pa mo, mmowa e ki ibabam pemi ’baar kadhamo/ mo.

Mmo/ii ka Pije/ mo 2:24

Dhali Arumgimis ciḵki mo/ohon buni mo dhali a’di kakina gwo e mo jin gamkina a’di me’d ki mondeḵ nyaḵka Ibrahiim mo dhali nyaḵka Is/hak mo dhali nyaḵka Yakuub mo be.

Mmo/ii ka Pije/ mo 3:12

Arumgimis ki thoḵ a’di gwo mo ki: Aha/ mina nyaḵ di ki /e mo. Dhali ki /e mini dili ’kwani sho’k ka pije/ ’peni Pam Masir mo tani um mini mii mii mmotaḵ aha/ e ’kuwosh yan mo. Dhali mii yansan midi ta jamas mii mo gom /e mo ki aha/ tana a’di jin hashkina /e mo be.

Mmo/ii ka Pije/ mo 6:4

Aha/ si’da/ ṯela gwom pem jin gamga/ me’d ki mondeḵ nyaḵki uni mmoc̱iki uni Paŋ Kanaan mo e bampa/ jin ’kona uni ’pena gush ki hilkina/ mo be.

Mmo/ii ka Pije/ mo 6:7

Dhali aha/ mina bu’th um ki ’kwanim pem mo dhali aha/ mina ta Arumgimis bum mo. Dhali um mini mish mo mo ki aha/ tana TAP̱A Arumgimis bum mo a’di jin suski um ka pije/ mo ’peni aris ton diṯin gi ’Kwani Masir mo be.

Mmo/ii ka Pije/ mo 6:8

Dhali aha/ mina sus um ka pije/ mo e bampa/ jin oka/ gwo is ki gwon deḵ mo mmoc̱ika Ibrahiim mo dhala Is/haḵ mo dhala Yakuub mo be. Aha/ mina c̱i ki um a’di mo mmota mo jin mina umi bu’th is mo. Aha/ be i tana TAP̱A mo be.

P̱ILIBBI 4:9

To gun da/ara um mo dhali kun budha um mo dhali kun ciḵa um mo dhali kun p̱arkina um e mo e aha/ mo tani to gwansan miiyi uni mo ma dhali Arumgimis gi moŋḵu’th is midi di e um mo be.

IBRANIYIIN 11:9

Ki moŋgam gwo is mo tani a’di warki’d ki yilkina/ e mony’cesh jin onu gwo is mo, e mony’cesh jin diki ta jim pitiŋ gana/ mo, mmoc̱a’b e gu’b burrinye/ jin nyaŋu mo nyaḵka Is/hak mo dhala Yakuub mo, uni gun ta imanḵal mal mo nyaḵki a’di mo ki gwon ’de/ jin onu is mo be.

IBRANIYIIN 6:17

Wakan ka Arumgimis dina gwo ibwa mo mmoṯor mo jin p̱ina a’di gwo jip̱i e ki nyanye/ mo gom uni gun mini ḵal mal gi gwo jin onu is mo tani a’di diki aḵ buyempam pitiŋ gana/ e mo gom ’kup̱ bwaŋ ganam piti mo tani a’di hurki ’pen bway bwaman mo ki gwo jin thulkina a’di me’da p̱o/ mo be.