ṮAKWIIN 24:4 - Uduk New Teatament and OT Portions

⁴ Hili /e mini ya mo e bampam pem mo dhali e ’kwani ma bas pem mo dhali gama ’bom gom ya/m pem ka Is/hak mo be.

ṮAKWIIN 24:4 Iomraidhean Croise

ṮAKWIIN 11:25

Dhala Nahur c̱a’bki’d ki e mo ’ko’di dho’th ma Taarah mo ki yili iss ’kwanimpa ipe’de/ i/aṯẖ ’de/ mo, dhali a’di ta’dki iya/a tiya mo dhali i’bwa/a tiya mo.

ṮAKWIIN 12:1

Dhali Tap̱a ki owa Abraam gwo mo ki: Yaku/ mo ’peni bampam pini mo dhali ’peni ’kwani ma bas pini mo dhali ’peni ’kwani gi gu’b gi cim mo e mony’cesh jin miga/ ṯor /e mo.

ṮAKWIIN 12:7

Dhali yan’ko’d Tap̱a ki piya Abraam i is mo mmo/o gwo mo ki: E emen pini mo tani aha/ mina c̱i uni mony’cesh yansan mo. Wakan a’di ki nyaŋ agwaṯa/ jin miinuwa bas gom Tap̱a mo a’di jin piki a’di i is mo.

ṮAKWIIN 24:38

Hili /e mini ya mo e gu’b ma babam pem mo e ’kwani ma bas pem mo dhali gama ’bom gom ya/m pem mo be.

ṮAKWIIN 24:5

Dhali c̱iŋkina/ ki o a’di gwo mo ki: Wariba/ a’bom midi diki hayaa/ gwo e mmobaṯẖaa/ e bampa/ yan mo. Waḵki/ wakan mo tani ya/m pini miga/ mii sus mo ka nyaŋ’ko’d e bampam pini jin yayina /e ’peni nycine/ mo?

ṮAKWIIN 28:1

Dhali yan’ko’d Is/hak yuḵki’da Yakuub mo dhali ’bor a’di mii mo dhali ḵan a’di gwo mo ki: /E mini dhalku/ ki mii masha ’boma kamu/ ’de/ ’peni ’Kwani gi Paŋ Kanaan mo.

ṮAKWIIN 28:2

Cuyi mis mo dhali yayi mo e Pam P̱addaan/araam e gu’b ma Baṯu/iil jin ta’da baba gi kwan mo dhali butha ’bom ’peni mun mo jan ’de/ ’peni i’bwa/ ma Laabaan jin ta’da kam gi kwan mo.

IBRANIYIIN 11:15

Waḵki/ uni mini kulum gwo ibwa mo gom mony’cesh c̱aan jin iikina uni ka pije/ ’peni cine/ mo tani uni mini ’taki ta gi embula ’borga/yi mmodoḵ ka nyaŋ’ko’d i a’di mo be.