ṮAKWIIN 23:2 - Uduk New Teatament and OT Portions

² Dhala Saarah a’di wuki’d mo e Paŋ Giryat/arba (a’di jin ta Habruun) e bampa/ gi Paŋ Kanaan mo dhala Ibrahiim yaki’d mo mmoko goma Saarah dhali ko ki gwony jabu’th goma yim mo be.

ṮAKWIIN 23:2 Iomraidhean Croise

ṮAKWIIN 13:18

Wakan Abraam ijoc̱ki gu’b burrinyem piti mo dhali a’di p̱u’dki’d mo dhali c̱a’bki’d mo e ’ko’d gwar gi dhan cwa jin wana e ka ’kwaṯṯan ma Mamra kun ’kon e Pa Habruun mo. Dhali e mun mo tani a’di ki nyaŋa gwaṯa/ jin miinuwa bas gom Tap̱a mo be.

ṮAKWIIN 23:1

Dhala Saarah diki’d ki e ki yili iss ’kwanimpa ipe’de/ i’ce’dka pesu/ ap̱o/ mo. Uni ta yil kun din ma Saarah ki e mo be.

ṮAKWIIN 23:19

Ŋ’ko’d mii yan mo tani Ibrahiim kanki’da Saarah jin ta ash mo e jurum wosh gi mom bunto jin ta Makp̱iilah mo jin di’d ’kup̱ki mis ki Pa Mamra mo (a’di jin ta Pa Habruun) jin ta bampa/ gi Paŋ Kanaan mo.

ṮAKWIIN 24:67

Dhali yan’ko’d Is/hak ki susa yim e gu’b burrinye/ mo dhali a’di ki butha Rip̱ka dhali ayim warki’d ki ash mo dhali a’di enki’da yim mo. Dhala Is/hak a’di malaskunuwa du mo ’ko’di jwa gi kum mo be.

ṮAKWIIN 27:41

Shwane/ Iisu shi/ki’da Yakuubi e mo gom mom’bor mii jin ’borkina com a’di mii mo, dhala Iisu oki gwo e is piti mo ki: Atee jin minu kowa ko goma babam pem a’di ’dishkina ’twa/ mo. Aha/ mina ’kosha kam pem ka Yakuub jwa mo ŋ’ko’d mo.

ṮAKWIIN 35:27

Dhala Yakuub p̱u’dki’di com ka Is/hak mo e Pa Mamra mo walla e Paŋ Giryat/arba mo a’di jin ta Pa Habruun mo e mo jin yakin ma Ibrahiim dhala Is/hak iinyc̱a/ mo be.

ṮAKWIIN 37:14

Wakan a’di oki a’di gwo mo ki: Yayi mo shwane/ dhali p̱ar mo e mo waḵki/ ikan ’kon ki ’bore/ mo dhali nyaḵka ma’diny ḵa’bal mo dhali ḵalaa/ gwo ka nyaŋ’ko’d mo. Wakan a’di hashki a’di mo ’peni embul wosh ma Habruun mo dhali a’di p̱u’dki’d mo e Pan Shakiim mo.

ṮAKWIIN 50:1

Dhali yan’ko’da Yuusup̱ biṯki’di ’ba/i com mo dhali ko eya p̱o/i a’di mo dhali p̱i a’di ’twa/ mo be.

ṮAKWIIN 50:10

Ki uni p̱u’dkin mo e ja’dam pos gi Pan Athaad mo a’di jin diki’d e bwamp̱o/ Yi’deŋ Ḵumma/ Uurdun mo tani uni ḵumki ko mo imun mo gom dhan bwan diṯi’d kagahara mo e kony jwa jin gwokina uni mmo/up̱ e ki jabu’th mo dhali a’di karki mo jin gwonu ki kony jwa gom com ka cima pesu/ mo.

YOHAAN 11:31

Ki ’Kwani Yahuuda/ kun ’kokin mo naskina/ e gu’b nyaḵka yim mo mmomalasa yim mo tani uni p̱arkina Mariyam e mo mmocukina a’di mis ki jahanne/ mo dhali ya ka pije/ mo tani, uni baṯẖkina yimi sho’k mo mmoṯosh ka yim yaki’d ka pije/ mo mmoko mo e moŋ’kup̱aje mo be.

YOHAAN 11:35

Yesus gwoki’d mo be.

MII GUN MIINU MO 8:2

Dhali ’kwani gun tana gayiin mo tani uni ikankina Isṯip̱anuus mo dhali gwon mo dhali ananki is kagahara gom a’di mo be.