ṮAKWIIN 21:1 - Uduk New Teatament and OT Portions

¹ Dhali Tap̱a a’di yayi’d mo mmobuṯa Saarah me’d jin okina a’di mo, dhali Tap̱a a’di miiki eya Saarah mo me’d jin okina a’di gwo is mo be.

ṮAKWIIN 21:1 Iomraidhean Croise

ṮAKWIIN 17:16

Aha/ mina ’bora yim mii mo dhali bahili aha/ mina c̱i /e ya/m ka yim mo. Aha/ mina ’bora yim mii mo dhala yim midi ta kum gi kal gi ’kwaniny’cesh mo, dhali imaliḵ gi ’kwaniny’cesh mini p̱u’du/ mo ’pena yim mo be.

ṮAKWIIN 17:19

Dhali Arumgimis oki gwo mo ki: Yisa. Hili Saarah jin ta ashim pini mo midi dho’th /e ya/in mo dhali gway piti mina /e iyuḵ ka Is/hak mo. Gwom pem jin gamka/ me’d mo tani miga/ ṯel sho’k mo nyaḵki a’di mo mmota gwo jin gamu me’d mo jin di’d ki sule/ sule/ mo gom emen piti kun mini pi ’peni a’di mo ’ko’di a’di mo be.

ṮAKWIIN 17:21

Hili gwom pem jin gamka/ me’d mo tani miga/ ṯel sho’k mo nyaḵka Is/hak mo jin min ma Saarah dho’th /e mo ka yir yan ka yil jiŋ ’ko’d mo.

ṮAKWIIN 18:10

Dhali a’di oki gwo mo ki: Ka jiŋ gana aha/ mina mii doḵu/ e /e mo ki yil midi ta jin this mo, dhala Saarah jin ta ashim pini midi dho’th ya/ mo be. Dhala Saarah di’d mmociḵ gwo mo eya campur gi gu’b burrinye/ jin di’di bwamp̱o/ a’di mo.

ṮAKWIIN 18:14

Ton ṯal deŋ kamu/ di’da jin mola Tap̱a mii mo ’taa? Ka tenteŋ ḵar/e mo tani miga/ doḵu/ e /e mo e mo jin tana yil this mo dhala Saarah midi dho’th ya/ mo be.

ṮAKWIIN 24:36

Dhala Saarah jin ta ash gi tap̱am pem mo tani a’di dho’thki ya/ mo gom tap̱am pem mo ka yim ta’da dhan mo dhali ki a’di mo tani a’di c̱iki’da ris to ’baar mo kun tana a’di ki a’di mo.

ṮAKWIIN 50:24

Dhala Yuusup̱ oki ikam piti gwo mo ki: Aha/ ’dishkina ’twa/ mmomuri wu mo hili Arumgimis a’di midi yayu/ mmobuṯi um mo dhali a’di midi susi um bway pa ka nyaŋ’ko’d mo ’peni bampa/ yansan e mony’cesh jin thulkina a’di a/Ibrahiim gwo me’da p̱o/ mo goma Is/hak dhala Yakuub mo be.

GWAY GI IDAWUU’D 106:4

Kayi aha/ e mo, ayy Tap̱a, ki /e din mmoṯor mii ma ’them pini e ’kwanim pini mo. Woṯẖi/ aha/ mo me’d jin mina /e ’cuḵ uni mo,

GWAY GI IDAWUU’D 12:6

Aris gwo kun ona Tap̱a is mo tani uni ta gwo kun onu is mo kun dhelelkin mo, ’dolkon kush uni iṯo’dkunu ki o’d jin c̱a’b ki wur wur mo ’pena ’cesh mo, uni dhukunu i o’d me’di pesu/ mmodhelel a’di mo.

Mmo/ii ka Pije/ mo 20:5

/E mini mii dhalku/ ki mii luŋ to/uḵa kamu/ mo walla mii uni to mo. Haali/ aha/ tana TAP̱A Arumgimis pini mo. Aha/ yisa mina dhal /e bway mmoluŋa ruma kamu/ mo. Aha/ dora ’kwani gun shi/aa/ i e dhali gun ush gwom pem mo. Dhali aha/ dora emen buni ka lonthoṯẖ i taga p̱o/ doŋon mo.

Mmo/ii ka Pije/ mo 3:16

Yaku/ mo dhali tuli jwahaŋ ’kwani ma Israyiil gun jina ji isi monṯal ’de/ mo dhali oyi uni gwo mo ki: TAP̱A jin ta’da Arumgimis gi ibabam bum mo a’di jin ta’da Arumgimis ma Ibrahiim mo dhali Arumgimis ma Is/hak mo dhali Arumgimis ma Yakuub mo a’di i piki aha/ i is mo mmo/o gwo mo ki: Aha/ nyiṯẖkina um mo gom to kun miikunu um mo e Pam Masir mo be.

Mmo/ii ka Pije/ mo 4:31

Dhali ’kwani gamki gwo is mo. Dhali uni ciḵki gwo ki TAP̱A yaya’di ’kwani ma Israyiil mo dhali ki a’di si’da/ ta gi bwaŋ kulum ki nyanye/ gom isa nyor buni jin wo’cki uni is she/ mo. Dhali uni luŋkina luŋ mo be.

MAṮṮA 24:35

Momis dhali mony’cesh mini pe mo tani hili gwom pem mini ’koki pe mo be.

LUUKA 1:68

Mom’bor mii e Tap̱a Arumgimis gi ’Kwani ma Israyiil mo, haali/ a’di yayi’d mo mmobuṯ mo dhali mmowan ’kwanim piti ’ba/ mo be.

LUUKA 19:44

dhali /e minu mu/i ’baar mo eya ’cesh mo, /e dhali uc̱im pini kun ’koni bwam/e mo dhali uni mini ’koki dhal wosha kamu/ ka maḵamp̱o/ e /e mo haali/ /e diki nyiṯẖ mo mo gom mowoṯẖ pini mo be.

GALATHIYYA 4:23

Hili ya/ ma ’bom jin ta c̱iŋkina/ mo tani a’di dho’thkunu mo me’d isi gwo gom buŋgwar is mo dhali ya/ ’pena ’bom jin di ki ’kus mo tani a’di e gwo jin onu is mo be.

GALATHIYYA 4:28

Dhali ana iwaḵ mo, wana e ga Is/hak mo mmota uc̱i gi gwo jin onu is mo be.

TIITHUS 1:2

e mo ma ’teŋ kap̱e/ mo gom mo gi ’konu ki e ya ye ’ba/ mo, a’di jin okin ma Arumgimis gwo is ’peni kadhamo/ dhamo/ nnii mo, a’di jin diki ta aṯor ki sule/ mo be.