ṮAKWIIN 2:9 - Uduk New Teatament and OT Portions

⁹ Dhali ’pena ’cesh mo tani Tap̱a Arumgimis ki kara ’cesh jin mina cwa ’ka a’diya p̱o/ mo, aris cwa ’baar mo kun ’bora’bor kun minu hil mo dhali kun ’boron kun minu shwa maman ’peni nycine/ mo. Dhali cwa gi mondiki/e si’da/ di’d e bwaman ma goŋ mo dhali cwa jin minu nyiṯẖ to jin ’boro’d dhali jin shiyi’d diki’d si’da/ mo.

ṮAKWIIN 2:9 Iomraidhean Croise

ṮAKWIIN 2:17

hili cwa jin minu ’bi’th e ki miim ’boro’d mo dhali ki mii shiyi’d mo tani /e mini dhalki a’di ki shwa mo, haali/ ka tee jin mina /e shwa a’di mo tani /e mini wu mo be.

ṮAKWIIN 3:22

Dhali yan’ko’d Tap̱a Arumgimis ki o gwo mo ki: Hili mo mo ma, wathi/ a’di wakina e ki jan ṯal ’dem bana mo, mmomish jin ’boro’d dhali jin ta thus ki thus mo. Dhali shwane/ isi ciki/ ki a’di midi kar me’d piti dhali bu’th cwa gi mondiki/e si’da/ mo dhali shwa a’di mo dhali a’di midi c̱a’b ki e ki sule/ sule/ mo.

ṮAKWIIN 3:24

A’di ki ur wathi/ ka pije/ mo dhali e mom’pesho’k gi bwaagoŋ ma Idin mo tani a’di ki dhu karubiim kun ta iman’doyu gwo mo dhali gandal jin kaaka jin shwa’d ki o’d ki bar bar mo a’di jin ṯu’kki’d ki washar washar ’ban kuku/ mo, mmoji bway gi maman cwa jin di ki e mo.

ṮAKWIIN 3:3

Hili Arumgimis ki o gwo mo ki: Um mini mii dhalku/ ki shwa maman cwa jin di’d e bwaman gi bwaagoŋ mo, walla dhalku/ ki ta a’di is ki me’d mo gom isi ciki/ um mini wu mo.

ṮAKWIIN 3:5

Haali/ Arumgimis mishki’d ki um mini shwa a’di mo tani em bum minu ḵa’d mo dhali um mina e wa ka Arumgimis mo mmonyiṯẖ jin ’boro’d dhali jin ta thus ki thus mo.

YOHAAN 6:48

Aha/ tana maa gi mondiki/e mo be.

KURINṮH̱UUS ’DE/ 8:1

Dhali isi gwo gom tonṯe/ jin thenu tomp̱inycon mo tani ana misha ki ana ’baar mo tana gi monyiṯẖ yani ’baar mo. Monyiṯẖ jin p̱e’di mis mo hili mo/en a’di nyaŋki’da nyaŋ mo be.

GWO JIN ’CEENU MO 2:7

A’diyin jin ta’d gi gu’ban’ce mo tani dhalki a’di ciḵ gwo jin ona Shi/in eya ḵaniisa gwansan mo. E a’di jin p̱iki mii e mo tani aha/ mina c̱i a’di tonṯe/ mmoshwa mo ’peni cwa gi mondiki/e mo, a’di jin diki’d e monyjaro/ ma Arumgimis mo be.

GWO JIN ’CEENU MO 22:14

Mom’bor mii gom uni gwansan kun wuski burrinyen tur buni mo dhali kun mii gwoŋḵan piti mo, ki uni mini ta gi moshirr mo gom cwa gi mondiki/e mo, dhali ki uni mini ’taki cic̱ ’peŋkuman bampa/ ki ’twaŋkal ma goŋ mo be.

GWO JIN ’CEENU MO 22:2

ki tur mo isi bwaman bway tur gi ’peŋkuman bampa/ mo. Dhali si’da/ e ’ban kuku/ mo gi yi’de/ jin guski’d mo tani cwa gi mondiki/e mo nyaḵki maman pitiŋ gana/ kun ’kona e i’kume’d i’ce’dka su/ mo gwono’dki maman piti mo ka ppe ki she/ ki she/ mo. Dhali ’cemen gi cwa a’di karkunu mo mmowac̱a ris kal gi ’kwaniny’cesh mo.