ṮAKWIIN 2:7 - Uduk New Teatament and OT Portions

⁷ dhali yan’ko’d Arumgimis ki ’diḵil wathimpa en’thi/ ’peni bu’da’cesh mo, dhali p̱i shi/in e shush piti, shi/in jin di ki e mo dhali wathimpa en’thi/ warki’d ki jin di ki e mo.

ṮAKWIIN 2:7 Iomraidhean Croise

ṮAKWIIN 1:27

Wakan Arumgimis uḵki wathi/ en’thi/ mo ki jamas pitiŋ gana/ mo, ki jamas ma Arumgimis gana/ mo tani a’di i/uḵkina a’di a’di mo. A’di jin ta wathiŋ gwaṯẖ mo dhali a’di jin ta wathim ’bomi mo, uni i/uḵkina a’di mo.

ṮAKWIIN 2:6

Hili jasa shile/ a’di icuki mis ’peni mony’cesh mo dhali ya’th bwam/e gi mony’cesh ki jap̱em piti mo –

ṮAKWIIN 3:19

/E mini shwa tonṯe/ ki jiṯi/ bwam/em pini mo ntagi /e mini doḵ ki bu’da’cesh ka nyaŋ’ko’d, haali/ ’peni bu’da’cesh mo tani /e bu’thkunu mo be. /E ta bu’d gana/ mo, dhali e bu’da’cesh mo tani /e mini doḵ ki a’di ka nyaŋ’ko’d mo.

ṮAKWIIN 3:23

Dhali gom gwo gi wakan mo tani Tap̱a Arumgimis ki kar a’di ’pen ka pije/ ’peni bwaagoŋ ma Idin mo, mmoya ḵora ’cesh ki me’d piti mo ’peni mo jin bu’thkunu a’di ’peni cine/ mo.

ṮAKWIIN 7:22

aris to kun ’kon eya ’cesh jin ḵuthaḵu’th mo kun p̱inu shush buni mmo’ko ki e mo tani uni wukin mo be.

GWAY GI IDAWUU’D 100:3

Mishi mo mo ki a’di ta Tap̱a jin ta’da Arumgimis mo. A’di ta a’di jin uḵki ana mo dhali ana tana kum piti mo be. Ana tana ’kwanim piti mo dhali ana tana ḵa’bal ma shon dhii/i’d piti mo.

GWAY GI IDAWUU’D 103:14

Haali/ a’di mishki’da yi’c bana mo, dhali a’di kaki gwo e ki ana tana bu’da’cesh mo.

YOHAAN 20:22

Dhali ki a’di oki gwo yansan mo tani a’di shi/inki’da p̱o/ uni mo dhali o uni gwo mo ki: Budhi Shi/in Dheleladhelel mo ma.

MII GUN MIINU MO 17:25

A’di si’da/ idinuki mii to ki me’d gi ’kwani en’thi/ mo, ma me’d jin mina a’di mii diki ta gi toŋ kamu/ haali/ a’di ki is piti c̱i’da ris moŋ’koki/e dhali shi/in dhala ris to ’baar mo be.

RUUMIYA 9:20

Hili ki /e wathi/ ja midi thoḵa Arumgimis gwo ka nyaŋ’ko’d mo? Mina to jin uḵu o a’di jin uḵ a’diya ki: Atinta uḵa /e aha/ kan mo?

KURINṮH̱UUS ’DE/ 15:45

A’di i’kwarkunu gwo gi wakan mo be ki: Dhala Aadam yan jin ta jin ṯwa/a/ mo tani warki’d ki to jin di ki e mo, dhala Aadam jin ta jiŋ ’ko’d mo tani warki’d ki shi/in jin c̱i mondiki/e mo be.

KURINṮH̱UUS ’DE/ 15:47

Wathi/ jin ta jin ṯwa/a/ mo tani a’di ta jany ’cesh mo, wathi/ jin cila bu’d mo. Dhali wathi/ jin ta jiŋ ’ko’d mo tani a’di ’peni momis mo be.

KURINṮH̱UUS SU/ 4:7

Hili aman tana gi ḵumman to yan e toŋ’kul bwa mo jin ta’da je mo mmoṯor gwo ki mom’bi’th yan ta gummp̱a/ gi monyca ma Arumgimis mo dhali a’di ta jim bam yisa.

KURINṮH̱UUS SU/ 5:1

Haali/ aman misha ki waḵki/ gu’ba’ku/ gi mony’cesh yan mo jin ’kona aman nycine/ ’ce’dkunu sho’k mo tani aman tana gi monyaŋ ’peni Arumgimis mo, gu’b jin nyaŋu ki me’d yisa, a’di jin midi di ki sule/ sule/ e momis mo be.

ṮIMUṮH̱AWUUS ’DE/ 2:13

Haala Aadam a’di ta a’di jin uḵu nṯwa/a/ mo dhala Hawwa ŋ’ko’d mo.

IBRANIYIIN 12:9

Ki gwo yansan jin ’ce’de’d ap̱o/ mo tani ana takina gi ibabam bana mo e mony’cesh mo mmoc̱i ana ajisa mmoye’th ana sho’k mo dhali ana taḵkina uni mo be. Dhali bunya/ mina ana ’koki ’dap̱ ’twa/ mo eya Babam bana gi ku gi shi/in mo dhali ’ko mowa?