ṮAKWIIN 2:4 - Uduk New Teatament and OT Portions

⁴ Uni gwansan itana nyaḵum yil ki momis mo dhali mony’cesh mo me’d jin ’konu mmo/uḵ uni mo be. Ka tee jin uḵa Tap̱a Arumgimis mony’cesh mo dhali momis mo tani

ṮAKWIIN 2:4 Iomraidhean Croise

ṮAKWIIN 1:1

Ka muŋ’kup̱ mo tani Arumgimis uḵki momis dhali mony’cesh mo.

ṮAKWIIN 1:28

Dhali Arumgimis ki ’bor uni mii mo, dhali Arumgimis ki o uni gwo mo ki: Dhodhi maman mo, dhali mari is mo, dhali ’tu’di mony’cesh mo, dhali dili a’di abora ’cesh mo, dhali tayi gi mom’bi’th ap̱o/ to yi’de/ gi ḵumma/ yi’de/ mo dhali ap̱owa ris ’dii kun p̱en e mis mo, dhali ap̱owa ris to kun ’kon ki e kun ḵalki ya ap̱o/ mony’cesh mo.

ṮAKWIIN 1:3

Dhali Arumgimis ki o gwo mo ki: Dhalki moŋkush piyi’d mo. Dhali moŋkush diki’d mo.

ṮAKWIIN 1:31

Dhali Arumgimis p̱arki aris to/e kun uḵkina a’di mo, dhali hili mo mo ma, a’di ’bora e ki ’bor mo. Dhali mom’pimpili/ diki’d mo, dhali mon’thamo/ diki’d mo, dhali a’di ta’da cim ma pe’de/ mo.

ṮAKWIIN 1:4

Dhali Arumgimis p̱arki moŋkush e ki a’di ’bora’bor mo. Dhali Arumgimis ki ḵwa/ moŋkush bwa ’peni mondhurumi’d mo.

ṮAKWIIN 10:1

Uni gwansan itana nyaḵum yil gi iya/ ma Nuuh mo uni gun ta Saam dhala Haam dhala Yap̱aṯẖ mo. Iya/ dho’thkunu uni mo ’ko’da gannu/ yi’de/ mo be.

ṮAKWIIN 11:10

Uni gwansan uni ita emen ma Saam mo. Ka Saam ’kokina yil iss ’kwanimpa imudhe’d ka dhan piti mo tani a’di warki’d ka baba ma Arp̱akshaad mo ’ko’di yili su/ mo i’ko’di gannu/ yi’de/ mo.

ṮAKWIIN 2:3

Wakan Arumgimis ki ’bora cim ma pesu/ mii mo dhali kar a’di ki she/ ki dhelel dhelel mo, haali/ eya cim ma pesu/ yan mo tani Arumgimis ki si is mo ’pena ris tom piti kun miikina a’di ki uḵ jin uḵkina a’di to mo.

ṮAKWIIN 25:12

Uni kun ta emen ma Isma/iil kun yerkunu gwayi ’ko’d mo a’di jin ta ya/ ma Ibrahiim mo ka Haagar jin ta ji Masir mo a’di jin ta c̱iŋkina/ nyara/ ma Saarah a’di jin dho’thkina a’di ka Ibrahiim mo be.

ṮAKWIIN 25:19

Gway gi iya/ ma Is/hak uni kun ta emen piti mo a’di jin ta ya/ ma Ibrahiim mo: Ibrahiim jin ta’da baba ma Is/hak mo.

ṮAKWIIN 36:1

Uni gwansan ita emen ma Iisu mo (a’di jin ta Aduum mo).

ṮAKWIIN 36:9

Uni gwansan ita emen ma Iisu mo jin ta’da baba gi ’Kwani gi Pan Aduum mo e bampa/ paŋ ’kuwosh ma Si/iir mo be.

ṮAKWIIN 5:1

A’di ta’da warka/ ma nyaḵum yil gi uc̱i ma Aadam mo. Ka Arumgimis ki uḵ wathimpa en’thi/ mo tani a’di ki uḵ a’di mmowa e ka Arumgimis mo.

GWAY GI IDAWUU’D 18:31

Haali/ aja a’di ta’da Arumgimis mo? hili a’di jin ta Tap̱a mo. Dhali aja a’di ita wosh? isi ciki/ Arumgimis bana mo.

GWAY GI IDAWUU’D 86:10

Haali/ /e caaca mo dhali miina dhan to gi momer mo, dhali /e ’de/ itana Arumgimis mo.

Mmo/ii ka Pije/ mo 15:3

TAP̱A a’di i ta a’di gi mo/as mo, gway piti i ta TAP̱A mo.

Mmo/ii ka Pije/ mo 6:16

Gwansan si’da/ i ta gway gi iya/ ma Lawi mo isi me’da nyaḵum yil buni kun tana uni mo: Jirshuun dhala Gahaat dhala Maraari mo. Dhali yil ma Lawi jin dikina a’di ki e mo tani ’koni 137 mo be.

GWO JIN ’CEENU MO 1:4

Yohaan eya ḵaniisa kun ’koni pesu/ mo e Pa Asiyya mo: A’the e um mo dhali moŋḵu’th is ’peni a’di jin di’d mo dhali a’di jin diki’d mo dhali a’di jin midi p̱u’du/ mo dhali ’peni shi/in kun ’koni pesu/ mo, uni gun doshkini bwambor ma ḵursi ma maliḵ piti mo be.

GWO JIN ’CEENU MO 1:8

Aha/ tana ja Muŋ’kup̱ mo dhali jiŋ ’Ko’d mo. A’di ta gwo jin ona Tap̱a Arumgimis mo, a’di jin di’d mo dhali a’di jin diki’d mo dhali a’di jin midi p̱u’du/ mo, a’di jin ta a’di jin Eḵa/ Eḵ mo be.

GWO JIN ’CEENU MO 11:17

mmo/o gwo mo ki: Aman c̱ikina /e mom’bor bwa i is mo, Tap̱a Arumgimis jin Eḵa/ Eḵ mo, /e jin din mo dhali /e jin dikin mo haali/ /e bu’thki dhan mom’bi’th pini mo dhali ṯel mii ’pen mo mmota tap̱a mo.

GWO JIN ’CEENU MO 16:5

Dhali aha/ ciḵkina man’doyu gwo gi yi’de/ mmo/o gwo mo ki: Gwon dwall pini gwansan kun torkina /e gwo ’twa/a ’cesh mo tani uni ta kuŋ ḵar/e mo, /e jin ta a’di jin din mo dhali jin diki’d mo, ayy /En ’De/ jin Ḵogu mo.