ṮAKWIIN 19:3 - Uduk New Teatament and OT Portions

³ Hili a’di ṯirrishki uni ki gwom ’bi’thga/ mo. Wakan uni ṯu’kki mo ’peni bway buni e a’di mo dhali cic̱ki gu’b piti mo. Dhali a’di miiki uni dhan mo jin shwanu to mo dhali shunki maaŋḵuthu’d jin miinu ki dar ka cumaṯ mo dhali uni ishwakin mo be.

ṮAKWIIN 19:3 Iomraidhean Croise

ṮAKWIIN 19:2

Dhali a’di oki gwo mo ki: Itap̱am pema, aha/ doṯkina um mo. Ṯuki mo ma ’peni bway bum mo e gu’b gi c̱iŋkinam bum mo dhali ’baari mon’thiny mo dhali lami sho’k bum mo. Yan’ko’d um mini mish cu mis mo ki jahanne/ mon’thamo/ mo dhali ii ki bway bum mo. Uni oki gwo mo ki: Yisa. Am mina i’baar mon’thiny mo e bway tur mo.

ṮAKWIIN 21:8

Dhali a’di ca’d mo dhali a’di dhalkunuwa koŋ kum ’pen mo dhala Ibrahiim miiki’da dhan mo jin yuḵunuwa yuḵ mo ka cim jin dhalkunuwa koŋ kum ’pen mo goma Is/hak mo.

ṮAKWIIN 24:31

A’di ki o gwo mo ki: Yayi mo. Ayy mom’bor mii gi Tap̱a mo. Atinta dosha /eya pije/ kan mo? Haali/ aha/ thosonkina /e gu’b mo dhali mo gom kalman mo be.

ṮAKWIIN 26:30

Gom gwo gi wakan mo tani a’di miiki uni tonṯe/ jin shwanu ka tul ’kup̱ mo dhali uni shwaki to mo dhali uni p̱iki to mo be.

Mmo/ii ka Pije/ mo 12:15

Um mini shwa maaŋḵuthu’d jin miinu ki dar ga cumaṯ goma cimi pesu/ mo. Dhali ka cim jin ṯwa/a/ mo tani um mini ḵala cumaṯ bum sho’k ka pije/ mo ’peni aris gu’b bum mo. Jan ṯal ’deŋ kamu/ midi diki shwa ji gi din ma cumaṯi e mo’pena cim jin ṯwa/a/ ntaga cimi pesu/ mo. Haali/ waḵki/ wathiŋ kamu/ shwa to ka maḵ tani minu ’ciṯẖ ’twa/ mo ’peni ’kwani ma Israyiil mo be.

Mmo/ii ka Pije/ mo 12:39

Dhali uni ’thoḵki maaŋḵuthu’d ki dar ga cumaṯ i e mo ’pena gana’th jin ḵalina uni mo ka pije/ ’peni Pam Masir mo. Uni ’konuki miiya cumaṯ i e mo haali/ uni dhi’thunu sho’k ka pije/ mo ’peni Pam Masir mo. Uni yisa tan ga tenteŋ kamu/ mo mmothoson is buniŋ gana/ mo gom tonṯe/ gom bway mo yisa.

LUUKA 11:8

Aha/ ṯora um gwo mo, ba a’di midi diki cu mis mo dhali c̱i a’di toŋ kamu/ mo haali/ a’di ta’da mugum piti mo, hili gom mmodina a’di ki ’the is mo tani a’di midi cu mis mo dhali c̱i a’di to yin jin mina a’di mii ta mo be.

LUUKA 14:23

Dhali tap̱a ki o c̱iŋkina/ gwo mo ki: Yayi e bway tur ka pije/ mo kun ’kon is’ko’d mo dhali e bwaagoŋ mo dhali malasi ’kwani ki gwo mo mmo/iiyu/ mo, ki gu’b pem minu ’tu’d mo be.

LUUKA 5:29

Dhali Lawi ki miiya dhana yuḵ caaca gom a’di e gu’b piti mo be. Dhali a’di nyaḵki c̱a’b ki imantera thulp̱a/ ka ris mo dhali kun tiya si’da/ kun nyaḵki ’kowa tharabeesa nyaḵki uni mo be.

YOHAAN 12:2

Dhali uni miiki a’di tonṯe/ mo. Marṯẖa a’di miiki’da ṯu’c mo, hila Li/aasar a’di ta jan ṯal ’de/ e bwam uni gwansan kun ’kokina tharabeesa nyaḵki a’di mo be.

KURINṮH̱UUS ’DE/ 5:8

Gom a’di gi wakan mo tani dhalki ana nyoŋa montul is jin yuḵuwa yuḵ mo, yisa ka cumaṯa dhamo/ mo, a’di jin ta’da cumaṯ gi mii kun dup̱a dup̱i e mo dhali mii kun ’koki ta miiŋḵar/e mo yisa, hili ki maaŋḵuthu’d jin dar ga cumaṯi e mo, a’di jin dar ki washila/ mo dhali jin ta gwoŋ gana/ mo be.

KURINṮH̱UUS SU/ 5:14

Haali/ mo/en ma Ḵrisṯẖos mo tani a’di ’timkina amana du mo haali/ aman su’kkunuwa du mo ki ṯal ’deŋ kamu/ wu’d mo gom ’kwani ’baar mo. Wakan aris ’kwani ’baar mo wukin mo be.

IBRANIYIIN 13:2

Dhalku/ ki mii mii ma p̱inykin is mo mmoṯor mii jin minu ta gu’b bum ŋal mo goma ris yilkina/ mo, haali/ gom mii gi wakan mo tani kun tiya suski iman’doyu gwo gu’b buni mo ki mii jin molkina uni uni mo be.