ṮAKWIIN 15:1 - Uduk New Teatament and OT Portions

¹ ’Ko’di to gwansan mo tani gwo gi Tap̱a p̱u’dki’d mo eya Abraam mo ki tonyjan mo mmo/o gwo mo ki: Dhalki is ki ḵo/ mo ma, Abraam. Aha/ tana goŋgorom pini mo. Adhan to jin ish ḵumma/ jin caaca kagahara mo tani a’di midi ta jim pini mo.

ṮAKWIIN 15:1 Iomraidhean Croise

ṮAKWIIN 15:2

Hili Abraam oki gwo mo ki: Ayy Tap̱a Arumgimisa ki to jin ta’da ta imina /e c̱iyaa/ mo? haali/ aha/ ṯikirkina di mo ki dar gi uc̱i mo dhali a’di jin midi ḵal mal gom gu’b pem mo tani a’di ita Eli/aasar gi Pan Dimashk mo.

ṮAKWIIN 15:4

Dhali hili mo mo ma, gwo gi Tap̱a p̱u’dki’d mo e a’di mo mmo/o gwo mo ki: Wathi/ yan midi ta amanḵal mal pini mo yisa. Ya/m piniŋ gana/ a’di imidi ta amanḵal mal pini mo be.

ṮAKWIIN 21:17

Dhali Arumgimis ciḵki ’twa/ ma ara ’ci mo dhala man’doyu gwo ma Arumgimis yuḵki’da Haagar mo ’peni momis mo dhali owa yim gwo mo ki: Ata mii /e mo, Haagar? Dhalku/ is ki ḵo/ mo haali/ Arumgimis ciḵki ’twa/ ma ara ’ci e mo jin dina a’di mo.

ṮAKWIIN 22:1

Dhali ki a’di warki’d ki mo jin pekin ma ris to gwansan mo tani Arumgimis nyo/ki’da Ibrahiim mo dhali o a’di gwo mo ki: Ibrahiim. Dhali a’di ki thoḵ a’di ’twa/ mo ki: Aha/ dina mmahan mo be.

ṮAKWIIN 22:20

Dhali a’di warki’d ki mo jin peki’d mo ’ko’da ris to gwansan gun ṯorkunu Ibrahiim mo mmo/o ki: Hili mo mo ma, aMilkah a’di dho’thki uc̱i mo ka kan ka Nahur mo,

ṮAKWIIN 26:24

Dhali Tap̱a piki a’di i is mon’thiny mo dhali o gwo mo ki: Aha/ tana Arumgimis ma Ibrahiim jin ta’da babam pini mo, dhalku/ is ki ḵo/ mo haali/ aha/ mina nyaḵ di ki /e mo dhali ’bor /e mii mo dhali mar emen pini is mo gom gway gi c̱iŋkinam pem ka Ibrahiim mo be.

ṮAKWIIN 31:7

Dhali hili ababam bum a’di di’d mmohe’k aha/ e mo dhali aḵ tom pem e mo jin gamka/ ki ji gi miiga/ to mo me’di ’kume’d mo. Hili Arumgimis diki dhal a’di bway mo mmo’kosh aha/ mo.

GWAY GI IDAWUU’D 115:10

Ayy gu’b ma Haruun, kari moŋgam gwo is e Tap̱a mo. Haali/ a’di ita mowoṯẖ buni mo dhali agoŋgorom buni mo.

GWAY GI IDAWUU’D 119:114

/E ta mo jin bagka/ mo dhali agoŋgorom pem mo. Aha/ takina ga ’teŋ kap̱e/ e gwom pini mo.

GWAY GI IDAWUU’D 142:5

Aha/ gwona ’twa/ e /e mo, ayy Tap̱a. Aha/ ona gwo mo ki: /E ta jim pem jin hurga/ jwa icine/ mo, tom pem jin ’tuntulka/ bwa ime’d mo, a’di jin di’d nyaḵki ’kwani kun ’kon ki e e mony’cesh mo.

GWAY GI IDAWUU’D 18:2

Tap̱a a’di ta wosh pem mo, dhali acur pem mo, dhali aman’cuḵ aha/ mo, dhali Arumgimis pem mo, dhali wosh pem mo, e a’di jin bu’thkika/ mo jin hurga/ jwa mo, a’di jin ta’da goŋgorom pem mo, dhali ce gi bway gi mowoṯẖ pem mo, dhali mo ma cur pem jin ṯenu gwo mo.

GWAY GI IDAWUU’D 27:1

Tap̱a a’di ta moŋkush pem mo dhali bway gi mowoṯẖ pem mo, kaja a’di imiga/ ḵo/ mo? Tap̱a a’di ta’da cur jin ṯelu gwo sho’k mo gom mondiki/em pem mo, dhali kaja a’di imiga/ ḵo/ is mo?

GWAY GI IDAWUU’D 3:3

Hili /e, ayy Tap̱a, itana goŋgoro/ gom aha/ mo, dhali monycam pem mo dhali aman’de’k ’kup̱ pem ki mis mo.

GWAY GI IDAWUU’D 3:4

Aha/ ’thera cuuwa/ ki nyanye/ e Tap̱a mo, dhali a’di thoḵki aha/ ’twa/ ’peni ’kuwosh piti jin ḵogu mo. Doshi ma dhali ’cunycuri yan mo.

GWAY GI IDAWUU’D 5:12

Haali/ /e ’borki uniŋ ḵar/e mii mo, ayy Tap̱a, /e kumki uni ki mo ma ’them pini me’da goŋgoro/ mo.

GWAY GI IDAWUU’D 58:11

’Kwani mini o gwo mo ki: Ka jiŋ gana/ to jin ish ḵumma/ mo tani di’d gom ’kwaniŋ ḵar/e mo. Ka jiŋ gana/ Arumgimis di’d mmodwall gwo ap̱o/ mony’cesh mo be.

GWAY GI IDAWUU’D 84:11

Haali/ Tap̱a Arumgimis a’di ta’da tente/ dhali agoŋgoro/ mo. A’di c̱iki mo ma ’the dhali montaḵ mo. Tom ’boro’da kamu/ mina Tap̱a non yisa ’peni uni gwansan kun iikin ki iiŋ gana/ mo.

GWAY GI IDAWUU’D 84:9

Hila goŋgoro/ me’d bam mo ma, ayy Arumgimis. Hili ’kup̱ ki jis/e gi a’dim pini jin ’koshu ki monyca mo.

GWAY GI IDAWUU’D 91:4

A’di midi kum /e ’kup̱ ki thulas piti mo, dhali e bwaŋ’kwariny ma bim piti mo tani /e mini gam mo jin huru jwa mo. Mii ma isiŋ ganam piti a’di ta’da goŋgoro/ mo dhali p̱a’dal mo.

Mmo/ii ka Pije/ mo 14:13

Dhala aMusa oki ’kwani gwo mo ki: Dhalku/ is ki ḵo/ mo. Doshi ṯel shoka ’cesh ’te/ mo dhali p̱ar mowoṯẖ gi TAP̱A e mo a’di jin mina a’di i miiya ṯuca p̱o/ shwane/ gom um mo. ’Kwani Pam Masir kun p̱arkina um e mo shwane/ tani mina umi ’koki p̱ar e doḵ e ki sule/ sule/ mo.

MAṮṮA 28:5

Hila man’doyu gwo ki o up̱ gwo mo ki: Dhalku/ is ki ḵo/ mo ma, haali/ aha/ misha ki um ŋap̱kina Yesus jin ’koshkunu jwa mo ki cwany’ciṯẖan dhul mo be.

MAṮṮA 8:26

Dhali a’di ki o uni gwo mo ki: Atinta ḵo/ka um is mo kan, ayy um ’kwani kun gwa’da moŋgam gwo is ki gwa’d kan mo? Dhali yan’ko’d a’di ki cu mis mo dhali ḵucur ’tham ki gwo mo dhali yi’de/ mo dhali adhan mo dosh ki biyuu mo be.

LUUKA 1:13

Hili aman’doyu gwo ki o a’di gwo mo ki: Dhalki is ki ḵo/ mo ma, Sakariyya, haala ’thom pini ciḵkunu mo be dhali ashim pini ka Ilisabaaṯ midi dho’th /e ya/in mo dhali gway piti mina /e iyuḵ ka Yohaan mo be.

LUUKA 1:30

Dhali aman’doyu gwo ki o a’di yim gwo mo ki: Dhalku/ is ki ḵo/ mo ma, Mariyam, haali/ /e gamkina ’the ’peni Arumgimis mo be.

LUUKA 12:32

Dhalku/ is ki ḵo/ mo ma, usha ma’diny mo, haali/ bwa ma Ababam bum midi ’bor mo mmoc̱i um bampa/ mo be.

MII GUN MIINU MO 10:22

Dhali uni o gwo mo ki: Karniliyuus jin ta’da mancil ma askar iss ’kwanimpa mudhe’d jin ta wathi/ jin mii’d ka ḵar/e mo dhali ta a’di jin ḵo/ki’da Arumgimis si’da/ mo dhali jin maŋa ’kwani gi Bampa/ Yahuuda/ ’baar mo tani a’di c̱in ma Arumgimis gwo nṯwa/a/ ka man’doyu gwo jin dheleladhelel mo mmohashi /e e gu’b piti mo dhali mmociḵ gwo ’peni /e mo.

KURINṮH̱UUS ’DE/ 3:22

waḵki/ ta ji ma Buulus mo walla ji ma Abulluus mo walla Sap̱a mo walla mony’cesh mo walla mondiki/e mo walla mowu mo walla mo kun ’kon shwane/ mo walla mo kun mini ’ko yilaŋ kamu/ mo tani aris to gwansani ’baar mo tani uni ta kum bum mo be.

IBRANIYIIN 1:1

Eya ris bway kun ’ko ki she/ ki she/ mo tani Arumgimis ṯorki gwo e ibabam bana kadhamo/ mo ki imanc̱i gwom piti kadhamo/ mo.

GWO JIN ’CEENU MO 1:17

Ki aha/ p̱arkina a’di e mo tani aha/ biṯkina mo e sho’k piti mo, ma mmowa e ki wathi/ jin wuki’d mo. Hili a’di karki me’da bim poros piti ap̱o/ aha/ mo mmo/o gwo mo ki: Dhalku/ is ki ḵo/ mo. Aha/ tana ja muŋ’kup̱ mo dhali jiŋ ’ko’d mo be,