ṮAKWIIN 14:3 - Uduk New Teatament and OT Portions

³ Dhali aris ’kwani ma mee gwansan gamki ’twa/ ’kup̱ mmonṯal ’de/ mo e Embul ma Siddiim mo (yansan ita a’di jin ta Al ’Doŋkoro/ mo).

ṮAKWIIN 14:3 Iomraidhean Croise

ṮAKWIIN 10:19

Dhali mo gi ’Kwani gi Paŋ Kanaan p̱ar ’twa/ ki ribi/ ribi/ ’peni Pan Sidun e mo jin c̱utha a’di bway ’kup̱ ki Pany Jaraar ki si’d piti jin si’da a’di ntagi Paŋ Ghassa mo dhali ’peni mo jin c̱utha a’di bway ’kup̱ ki bway Pan Saduum mo dhali Paŋ Gamuura mo dhali Pa Admah mo dhali Pa Sabuyiim ki si’d piti jin si’da a’di ntagi Pan Laasha/ mo.

ṮAKWIIN 14:10

Dhali Embul ma Siddiim mo tani a’di i’tu’dkunu ki jis ma dena ma sip̱ti mo, dhali me’d jin soyina maliḵ gi Pan Saduum mo dhala maliḵ gi Paŋ Gamuura mo tani kun tiya ṯa’kkin e uni mo, dhali kun tiya sokin mo e ’kuwosh mo.

ṮAKWIIN 14:4

Dhali yil ’koni ’kume’d i’ce’dka su/ mo kun miikina uni to mo goma Kadarla/oomar mo, hili ki yil ’koni ’kup̱i ’kume’d i’ce’dka kwara mo tani uni pishki is ka le’d mo.

ṮAKWIIN 14:8

Dhali yan’ko’d mo tani maliḵ gi Pan Saduum mo dhala maliḵ gi Paŋ Gamuura mo dhala maliḵ gi Pa Admah mo dhala maliḵ gi Pan Sabuyiim mo dhala maliḵ gi Pam Baala/ mo (yansan ita Pan Suugar mo), uni iikin ka pije/ mo dhali uni gamki ’twa/ ’kup̱ mo e mo ma mee mo e Embul ma Siddiim mo

ṮAKWIIN 19:24

Dhali yan’ko’d mo tani Tap̱a a’di he’thki’da p̱o/ Pan Saduum mo dhali ap̱o/ Paŋ Gamuura mo to jin si’du/ mo dhala kap̱any o’d ’peni Tap̱a mo ’peni bwaman momis mo.

GWAY GI IDAWUU’D 107:34

Mony’cesh jin dhotha to a’di ki ṯu’k a’di mo mmota a’cesh jin ’balatha’bala’th jin shiyi’d mo, gom miim buni kun ta thus ki thus kun ’kokin e a’di mo.