ṮAKWIIN 13:8 - Uduk New Teatament and OT Portions

⁸ Dhali yan’ko’d Abraam ki owa Luuth gwo mo ki: Dhalku/ ki dhal mo jin biruwa bir bway mo mmodi ibwaman ana mo, aha/ dhali /e mo, dhali ibwaman imanhil to/em pini mo dhali imanhil to/em pem mo haali/ ana tana ikam mo.

ṮAKWIIN 13:8 Iomraidhean Croise

ṮAKWIIN 13:9

Dina bampa/ isi ’baar mo ki di ibwambori /e mo ’taa? Ḵwa/ki is pini bwa mo ’peni aha/ mo ma. Waḵki/ /e mini bu’th ’ban ma biny cam mo tani wakan aha/ mina ya ki ’ban ma bim poros mo, walla waḵki/ /e mini bu’th ’ban ma bim poros mo tani wakan aha/ mina ya ki ’ban ma biny cam moyi.

ṮAKWIIN 14:14

Dhali ka Abraam ciḵki gwo mo ki a’di jin ta’da bas piti ibu’thkunu mo mmota habuus mo tani a’di ki shu ’kwanim piti kun ye’thkunu sho’k ka pije/ mo uni kun dho’thkunu mo e gu’b piti mo, uni kun ’kon ki iss ’kwanimpa ḵarpa’c i’ce’dka ’kume’d i’ce’dka pekwara ap̱o/ mo dhali uni iikin mo mmo/ur uni isho’k mo ntagi Pan Daan mo.

ṮAKWIIN 45:24

Dhali yan’ko’d a’di dhuki ikam piti ’pen mo, dhali ki uni ḵwa/ is bwa mo tani a’di oki uni gwo mo ki: Dhalka wala ki wal i bway mo.

ṮAKWIIN 46:34

um mini o gwo mo ki: C̱iŋkinam pini uni ita imanhil to/e mo ’peni dhuru’c bam kun tana aman mo ntagi shwanesan mo, aman dhali ibabam bam mo, ki um mini mish ’ko mo e mony’cesh gi Pan Jaasaan mo haala ris ’kwani kun ta imanhil ḵa’bal mo tani uni ita thus ki thus e jis/e gi ’Kwani Masir mo be.

GWAY GI IDAWUU’D 133:1

Hili mo mo ma, wa’di ’bora dhali bwaŋ ’kunyu’d wakata sa/ ki ’kwani kun ta ikam mmonyaḵ ’ko ki isa ṯal ’de/ mo.

Mmo/ii ka Pije/ mo 2:13

Ka cim jiŋ ’ko’d, a’di yaki’d ka pije/ i ’kwanim piti doḵ e mo dhali a’di ki mish ’kwani Ibraniyiin i su/ ḵalkin ki as c̱em buni mo. Dhali a’di ki o wathi/ jin dina mii i ’ba/ gwo mo ki: Atinta i dorkina /eya waḵ pini mo kan?

MAṮṮA 5:9

Mom’bor mii gom uni gun dhuna dhu ka ḵu’th is mo ki uni minu yuḵ ki iya/ ma Arumgimis mo be.

MII GUN MIINU MO 7:26

Dhali ka cim jiŋ ’ko’d mo tani a’di pi uni i is mo uni kun ’koni mo/as mo dhali a’di midi ’taki dhu uni mmogwam mo doḵ/e mmo/o gwo mo ki: Kana, um ta ikan mo be. Ata miina um ki shi/ ka rem ’kup kan mo?

RUUMIYA 12:10

Eni ka rem ’kup̱ mo mmota ikam gana/ mo dhali tayi ashu/um bway mo mmotaḵa taḵ ka rem ’kup̱ mo mmoṯor montaḵ mo.

P̱ILIBBI 2:14

Miiyi aris to ’baar mo ki dar ga gumgum mo ma walla ki gwo jin doṯuwa doṯ mo.

TASALUNIIKI ’DE 4:9

Hili isi gwo gom mo/eni e mo iwaḵ mo um yisa mini mii ta gi jan ’deŋ kamu/ jin midi ’kwar um to mo, haali/ um ki is bum ṯorkunu gwo ka Arumgimis mo ki um mini ena en ka rem ’kup̱ mo

IBRANIYIIN 12:14

Biriya bir mo gom moŋḵu’th is mo nyaḵka ris ’kwani ’baar mo dhali gom mo ma dhelel mo, a’di jin mola wathiŋ kamu/ p̱ar Tap̱a e ki sule/ mo ki dar gi a’di mo be.

IBRANIYIIN 13:1

Dhalki mo/en jin en ma waḵ ka rem ’kup̱ mo ṯikir di mo.

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

BUṮERUS ’DE/ 2:17

Taḵi aris ’kwani ’baar mo. Eni iwaḵ bumi ’baar mo. Ḵoki Arumgimis mo. Taḵi imaliḵ mo.

BUṮERUS ’DE/ 3:8

Ḵwalany ’te/ be. Aris umi ’baar mo, tayi gi mo jin gamu gwo me’d e shi/in mo, dhali ḵoci e mo, dhali eni iwaḵ bum mo, dhali tayi ka duŋ ’ka’dga/ mo dhali bwa kun dhunu ki gwa’d mo.

BUṮERUS ’DE/ 4:8

Ap̱owa ris mii gwansani ’baar mo tani buthi/ mii ki ri’d mo mmo/ena en ka rem ’kup̱ mo jin diki ush me’d mo, haali/ mo/en a’di kumki’da ris miinthus kun dhukunu ka maḵamp̱o/ ’twa/a ’cesh mo.

BUṮERUS SU/ 1:7

dhali mii ma gayiin mo ki momish jin mishu ikam ka rem ’kup̱ mo, dhali mii jin mishu ikam ka rem ’kup̱ mo ki mo/en mo.

YOHAAN ’DE/ 4:7

Um gun enu mo, dhalki ana ena ka rem ’kup̱ mo ma, haali/ mo/en ta ji ma Arumgimis mo dhali a’di jin ene’da en mo tani dho’thkunu ’peni Arumgimis mo dhali a’di mishki’da Arumgimis mo be.