ṮAKWIIN 13:4 - Uduk New Teatament and OT Portions

⁴ e mo jin nyaŋkina a’diya gwaṯa/ jin miinuwa bas mo iṯwa/a/ mo. Dhali e mun mo tani a/Abraam a’di yuḵki gway gi Tap̱a mo.

ṮAKWIIN 13:4 Iomraidhean Croise

ṮAKWIIN 13:18

Wakan Abraam ijoc̱ki gu’b burrinyem piti mo dhali a’di p̱u’dki’d mo dhali c̱a’bki’d mo e ’ko’d gwar gi dhan cwa jin wana e ka ’kwaṯṯan ma Mamra kun ’kon e Pa Habruun mo. Dhali e mun mo tani a’di ki nyaŋa gwaṯa/ jin miinuwa bas gom Tap̱a mo be.

ṮAKWIIN 26:25

Gom gwo gi wakan mo tani a’di nyaŋki’da gwaṯa/ jin miinuwa basa ’cesh mo e mun mo dhali yuḵ gway gi Tap̱a mo dhali thum gu’b burrinyem piti i mun mo. Dhali e mun mo tani c̱iŋkina/ ma Is/hak uni c̱wanyki jis yi’de/ ka ris mo.

ṮAKWIIN 4:26

Dhala Shiiṯ si’da/ ta’dki ya/ jin dho’thkina a’di mo dhali a’di ki yuḵ a’di gway ka Anuush mo. Dhali ka tee c̱aan mo tani ’kwani ṯelki mii ’pen mo mmoko ’twa/ ap̱o/ Tap̱a mo.

GWAY GI IDAWUU’D 107:1

Ayy, c̱iyi mo jin ’boruwa ’bor bwa i is ki Tap̱a mo, haali/ a’di ’bora’bor mo, haali/ mo/en piti jin ṯelu sho’k mo a’di ’dimki ’kup̱ ki sule/ sule/ mo.

GWAY GI IDAWUU’D 107:15

Dhalki uni c̱i mo jin ’boruwa ’bor bwa i is gom Tap̱a mo gom mo/en piti jin ṯelu sho’k mo, gom miin to gi momer piti e iya/ gi ’kwani mo.

GWAY GI IDAWUU’D 107:8

Dhalki uni c̱i mo jin ’boruwa ’bor bwa i is gom Tap̱a mo gom mo/en piti jin ṯelu sho’k mo, gom miin to gi momer piti e iya/ gi ’kwani mo.

GWAY GI IDAWUU’D 116:17

Aha/ mina c̱i to jin ’ciṯẖu/ ’kus ki bwa jin ’boruwa ’bor i is mo dhali yuḵ gway gi Tap̱a mo.

GWAY GI IDAWUU’D 116:2

Haali/ a’di ḵa’dki bwany’cem piti ki aha/ mo wakan aha/ mina yuḵ a’di isi ki me’d jin dika/ ki e mo.

GWAY GI IDAWUU’D 145:18

Tap̱a a’di ’disha’dish goma ris uni gwansan kun yuḵki a’di mo, eya ris uni gun yuḵki a’di gom miiŋ gana/ mo,

GWAY GI IDAWUU’D 26:8

Ayy Tap̱a, aha/ ena mo kun ’konu e gu’b pini mo, dhali e mo jin dina monycam pini mo.

GWAY GI IDAWUU’D 84:10

Haali/ atee gi mo ki monyc̱a’b pini mo tani a’di ’boro’d mo, mmobola alip̱ gi mo gunn e mo. Aha/ mina ’taki dhal mii gunn e i is ’te/ sayi mmota manhil ’twaŋkal gu’b ma Arumgimis pem mo mmobol mo jin ’konu e gu’ba’ku/ gi ’kwani kun ta thus ki thus e mo.

KURINṮH̱UUS ’DE/ 1:2

A’di ’kwarkunu goma ḵaniisa ma Arumgimis jin di’d e Paŋ Kurinṯẖuus mo, e uni gwansan kun dhukunu ki she/ mo eya Ḵrisṯẖos jin ta’da Yesus mo, uni gun yuḵkunu mo mmodhu ki she/ ki dhelel dhelel mo imonṯal ’de/ nyaḵka ris uni gwansan kun ’kokin mo e mo ’baar mo kun yuḵki gway gi Tap̱am bana jin ta’da Yesus Ḵrisṯẖos mo, a’di jin ta Tap̱am buni mo dhali Tap̱am bana mo be.