ṮAKWIIN 13:2 - Uduk New Teatament and OT Portions

² Dhala Abraam ta pa ki pa mo e to/e mo dhali e ’dolkon kush mo dhali e ’dolkon gana/ mo.

ṮAKWIIN 13:2 Iomraidhean Croise

ṮAKWIIN 12:16

Dhali gom gway ma yim mo tani a’di mii’d ki ’bore/ goma Abraam mo. Dhali a’di ta’dki ḵa’bal mo dhala morbip̱ mo dhali gwasin thuluny mo dhali ’kwani kun miina ṯu’c mo dhali c̱iŋkina/ nyara/ mo dhali kuman thuluny mo dhali kalman mo.

ṮAKWIIN 13:6

Ki a’di wakan mo tani bampa/ mol uni thip̱ mo uni su/ mmonyaḵ uni ’ko mo mmonṯal ’de/ mo, haali/ tom buni kun takina uni mo tani uni tana ris ka ris kagahara mo. Wakan uni moli nyaḵ ’ko mo mmonṯal ’de/ mo.

ṮAKWIIN 24:1

Dhala Ibrahiim ta’da dhan mo, a’di ta dhana dhan gana/ ki yil piti mo. Dhali Tap̱a a’di ’borki’da Ibrahiim mii ka ris to ’baar mo be.

ṮAKWIIN 24:35

Tap̱a a’di ’borki tap̱am pem mii kagahara mo dhali a’di caki’d mo. Dhali Arumgimis c̱iki a’di toŋkal mo dhali bip̱ mo dhali ’dolkon kush dhali ’dolkon gana/ dhala ris c̱iŋkina/ kun miina ṯu’c mo kun ta gwaṯẖ mo dhala ris c̱iŋkina/ kun miina ṯu’c kun ta nyara/ mo dhala ris kalman dhala ris thuluny mo be.

ṮAKWIIN 26:14

A’di taki’d ga ma’diny ḵa’bal kun jinu mo dhali bip̱ mo dhali aris c̱iŋkina/ tana ris mo kun ’kokin e gu’b piti mo, dhali gom gwo gi wakan mo tani ’Kwani P̱ilisthiin uni taki dhap̱an ap̱o/ a’di mo be.

ṮAKWIIN 30:43

Ki mii wakan mo tani wathi/ ta pa mo ijasa/? dhali a’di taki’d ka ma’diny ḵa’bal jin caaca mo dhali up̱ piti si’da/ takin gi up̱ c̱iŋkina/ ka ris mo kun mii uni to ime’d mo dhali ’kwaniŋ gwaṯẖ tana ris kun ta c̱iŋkinam piti mo kun mii a’di to ime’d mo dhali aris kalman mo dhali aris thuluny mo be.

MAṮṮA 6:33

Hili simmi bampam piti e nṯwa/a/ mo ma dhali mo ma ḵar/em piti mo, dhali aris to gwansani ’baar mo tani uni mini ta kum bum si’da/ mo be.

ṮIMUṮH̱AWUUS ’DE/ 4:8

haali/ me’d jin hana a’di ari me’d mo mmonyoŋ buŋgwar is mo ’te/ mo tani mii ma gayiin a’di ha me’d mo eya ris ’twaŋkal kuku/ mo haali/ a’di gam mii adu is mo gom mondiki/e jin di’d shwane/ mo dhali si’da/ gom mondiki/e jin midi p̱u’du/ yilaŋ kamu/ mo be.