ṮAKWIIN 12:3 - Uduk New Teatament and OT Portions

³ Aha/ mina ’bor uni gwansan mii gun ’bor /e mii mo dhali a’di jin midi jee /e mo tani aha/ si’da/ mina jee a’di mo, dhali gom /e mo tani arisa waḵ gi ’kwaniny’cesh mo tani minu ’bor mii mo be.

ṮAKWIIN 12:3 Iomraidhean Croise

ṮAKWIIN 18:18

Haali/ Ibrahiim midi war mo ki kal gi ’kwaniny’cesh jin caaca mo dhali jin eḵa/ eḵ mo dhali e a’di mo tani aris kal gi ’kwaniny’ceshi ’baar mo minu ’bor mii mo be.

ṮAKWIIN 18:19

Yisa, haali/ a’di kwanykika/ mo ki a’di midi ḵan uc̱im piti gwo mo dhali uni gi gu’b piti kun mini ’ko mo ŋ’ko’di a’di mo ki uni mini dhu bway gi Tap̱a mo mmo’ko mmomii mii ma ḵar/e mo dhali mii kun miinu ki dar gi mii ma gwar ’de/ mo. Ki a’di wakan mo tani a’di mina Tap̱a ’taki gu eya Ibrahiim mo a’di jin okina Tap̱a gwo is mo.

ṮAKWIIN 22:18

dhali e emen pini mo tani aris kal gi ’kwaniny’cesh minu ’bor mii mo haali/ /e haki gwo gi ’twam pem e mo.

ṮAKWIIN 24:35

Tap̱a a’di ’borki tap̱am pem mii kagahara mo dhali a’di caki’d mo. Dhali Arumgimis c̱iki a’di toŋkal mo dhali bip̱ mo dhali ’dolkon kush dhali ’dolkon gana/ dhala ris c̱iŋkina/ kun miina ṯu’c mo kun ta gwaṯẖ mo dhala ris c̱iŋkina/ kun miina ṯu’c kun ta nyara/ mo dhala ris kalman dhala ris thuluny mo be.

ṮAKWIIN 25:11

’Ko’di jwa ma Ibrahiim mo tani Arumgimis ’borki’da Is/hak mii mo a’di jin ta ya/m piti mo. Dhala Is/hak a’di c̱a’bki’d mo e pam Birlahayru/i mo be.

ṮAKWIIN 26:29

Ki /e mini diki mii to shiyi’da kamu/ ap̱o/ aman mo, me’d jin ’kona aman ki ta /e is ki cwa mo dhali aman si’da/ ’konaki mii toŋ kamu/ mo hili jasi tom ’boro’d mo dhali hashki /e mo ki moŋḵu’th is mo. /E shwane/ ’borkina Tap̱a mii mo be.

ṮAKWIIN 26:4

Aha/ mina mar emen pini is mo me’da cul gi momis mo dhali aha/ mina c̱i emen pini aris bampa/ yani ’baar mo. Dhali gom gway gi emen pini mo tani aris kal gi mony’cesh mini ’bor is buni mii ki uni mo be.

ṮAKWIIN 27:29

Dhalka ris ’kwani ’baar mo mii /e to ime’d mo, dhali aris kal gi mony’cesh mina ’ko ka bamambor mmoluŋ /e mo. Tayi tap̱a ap̱o/ ikam pini mo dhali dhalki iya/in gi kwan mini ’ko ka bamambor mmoluŋ /e mo. Monyjee midi di ap̱o/ aris ’kwani ’baar ka ’deṯe/ ’deṯe/ kun jeeki /e mo, dhali mom’bor mii midi di ap̱o/ aris ’kwani ’baar mo kun ’borki /e mii mo.

ṮAKWIIN 28:14

Dhali emen pini uni mina e waki bu’da ’cesh mo dhali /e mini hakas mo ka bor mo ntaga bora luŋgu’b mo dhali ’kup̱ki mom’pesho’k mo dhali ’kup̱ka ’bana bim poros mo dhali ’kup̱ka ’bana biny cam mo, dhali ki /e mo dhali emen pini mo tani arisa waḵ gi ’kwaniny’cesh mini ’bor is buni mii mo be.

ṮAKWIIN 30:27

Hila Laabaan o a’di gwo mo ki: Waḵki/ /e mini dhalaa/ bway mmo/o gwo gi wakan mo si’da/ tani aha/ da/arkina gwo mo ki to jin mishu ki jamas mii mo tani Tap̱a a’di ’borki aha/ mii gom /e mo be.

ṮAKWIIN 30:30

Haali/ /e tan jasi ushi’ceenne/ kagush mo nṯwa/a/ ki aha/ dina ki p̱u’du/ mo dhali shwane/ uni markunu is ka enthus mo dhali Tap̱a ’borki /e mii eya ris mo gunn kun ṯu’kka/ mo. Hili dhali aha/ kakasja si’da/ miga/ mii thoson to gom ku gi gu’b pem mo?

ṮAKWIIN 39:5

’Pena cim yan jin karkina a’di a’di mo mmota amanhil to gom gu’b piti mo dhali kar a’di ki tap̱a ap̱owa ris tom piti jin tana a’di mo tani Tap̱a ’borki ’kwani gi gu’b gi Wathi/ Masir mii mo gom gway ma Yuusup̱ mo. Dhali mom’bor mii gi Tap̱a diki’da p̱o/ aris to ’baar mo kun tana a’di mo e bwaŋ gu’b mo dhali e bwam bunto mo.

GWAY GI IDAWUU’D 72:17

Dhalki gway piti ’dim ’kup̱ ki sule/ sule/ mo. Dhalki yir piti di’d ki sule/ sule/ me’da tente/ mo. Dhalki ’kwani ’bori is buni mii ki a’di mo, dhali aris kal gi ’kwaniny’cesh yuḵi a’di mo ki a’di jin ’boru mii mo.

MAṮṮA 25:40

Dhali aMaliḵ ki thoḵ uni gwo mo ki: Ka jiŋ gana/ aha/ ṯora um gwo mo ki: Me’d jin miina um a’di gom a’din ’deŋ kamu/ jin p̱isi’d mo ’peni ushi uni gwansan kun tana waḵ pem mo tani um miiki a’di gom aha/ mo be.

MAṮṮA 25:45

Dhali yan’ko’d a’di midi thoḵ uni gwo mo ki: Ka jiŋ gana/ aha/ ṯora um gwo mo ki: Me’d jin ’kona um ki mii a’di gom jan ṯal ’deŋ kamu/ ’peni uni gwansan kun p̱isin mo tani um ’koki mii a’di gom aha/ mo be.

LUUKA 24:27

Dhali mmoṯel ’pen ’pena Musa mo dhali imanc̱i gwo ma Arumgimis kadhamo/ mo tani a’di ki ṯor uni aris ’pemen gwo kun ’kwarkunu mo e Gwo ma Arumgimis mo goma ris to gi isi gom is piti mo be.

RUUMIYA 4:11

Dhali a’di bu’thki mo jin ’ciṯẖuwa munyjal yis mo me’d jamas mii mo walla to jin ’dap̱a’d ki mo ma ḵar/e gi moŋgam gwo is jin takina a’di ki a’di di’d ka munyjal yis i e naskina/ mo be. Ki a’di midi ’taki ta adhana baba ka ris ’kwani ’baar mo kun gamki gwo is mo be, uni gwansan kun darkin ki mo ma munyjal yis jin ’ciṯẖu naskina/ mo, ki mo ma ḵar/e minu ’taki kar gom uni mo be.

KURINṮH̱UUS ’DE/ 1:30

A’di ta ’kus gi mondiki/em pini eya Ḵrisṯẖos jin ta’da Yesus mo, a’di jin kar ma Arumgimis mmota yuḵ bana mo dhali mmota mo ma ḵar/em bana mo dhali mmota mo jin dhunuwa dhu ki she/ ki dhelel dhelel gom ana mo dhali mmota mo jin wanu ana ’ba/ mo.

GALATHIYYA 3:16

Dhali gwo kun okunu is mo dhukunu mo goma Ibrahiim mo dhali gom emen piti mo. A’di diki o gwo mo ki: Dhali e emen piti mo, mmo/o gwo goma ris mo. Hili mmo/o gwo mo gom a’din ’de/ mo ki: Dhali gom emen pini mo, a’di jin ta’da Ḵrisṯẖos mo be.

GALATHIYYA 3:28

Wakan walla Wathi/ Yahuuda/ yisa di’da walla Wathiŋ Griḵi mo, walla wathi/ jin ta c̱iŋkina/ jin yolu mo yisa di’da walla moŋ’ko ki ’kus mo, walla kun tana gwaṯẖ yisa di’da walla iyima ’bomi mo. Haali/ umi ’baar mo ṯal ’de/ mo eya Ḵrisṯẖos jin ta’da Yesus mo be.

GALATHIYYA 3:8

Dhali Gwo ma Arumgimis kun ’kwarkunu mo, mmonyiṯẖkina a’di nṯwa/a/ mo ka Arumgimis midi dhu ’kwani kun ’koki ta ’Kwani Yahuuda/ ki mo ma ḵar/e ki moŋgam gwo is mo tani a’di c̱iki gwo ki gwom ’borga/ nṯwa/a/ ka Ibrahiim mo mmo/o gwo mo ki: E /e mo tani aris kal gi ’kwaniny’ceshi ’baar mo tani minu ’bor mii mo be.

EP̱ASUS 1:3

Mom’bor mii midi di mo goma Arumgimis mo dhali Ababa gi Tap̱a Yesus Ḵrisṯẖos bana mo, a’di jin ’borki ana mii mo eya Ḵrisṯẖos ka ris mii kun ’boruwa ’bor mii mo e to gi shi/in mo e mo kun ’kon e momis mo be.

KULUSSI 3:11

Mmahan mo tani Wathiŋ Griḵi dhali Wathi/ Yahuuda/ mini mol ’ko ki she/ mo, dhali mo ma munyjal yis jin ’ciṯẖu/ mo dhali mo ma munyjal yis jin ’konuki ’ciṯẖ mo, dhali wathi/ jin diki wal ’twaŋ Griḵi mo dhali jin mii mii kun ḵaŋkama ḵaŋkam mo, dhali c̱iŋkina/ jin yolu mo dhali wathi/ jin di ki ’kus mo, hili aḴrisṯẖos a’di ta to ’baar mo dhali e ana ’baar mo be.

GWO JIN ’CEENU MO 7:9

’Ko’di mii yansan mo tani aha/ hilkina mo mo dhali hili mo mo ma, adhana buhany wathimpa caaca mo jin mina wathin ṯal ’deŋ kamu/ mol deŋ e mo, ’peni aris kal gi ’kwaniny’ceshi ’baar mo, dhali ’peni arisa waḵ gi ’kwani ki she/ ki she/ mo, dhali ’peni ’kwani kun ’kona e ki she/ ki she/ mo, dhali ’peni ’kwanin tiya kun wal ’twa/ ki she/ mo, mmodoshkina uni mbwambor ma ḵursi ma maliḵ mo dhali mbwambori Ari Ḵa’bal mo, mmohi’th burrinyen turga/ kun ta kuŋ kush mo, dhali abiny jeṯẖkum e me’d buni mo be.