ṮAKWIIN 10:9 - Uduk New Teatament and OT Portions

⁹ A’di ta wathi/ jin c̱a’bki dem dem mmopar ka yempa/ ibwambori Tap̱a mo. Gom gwo gi wakan mo tani a’di onu gwo mo ki: Wathi/ jin waga Nimruud jin c̱a’bki dem dem ibwambori Tap̱a mo.

ṮAKWIIN 10:9 Iomraidhean Croise

ṮAKWIIN 10:10

Dhali monṯel ’pen gi ’peŋkuman bampam piti mo ta Pam Baabil mo dhali Pan Arak mo dhali Pa Akkad mo, aris uni ’baar mo ’kon e mony’cesh gi Pan Shinaar mo.

ṮAKWIIN 10:8

Kush a’di warki’d ka baba ma Nimruud mo. A’di ta wathi/ en’thi/ jin ṯwa/a/ jin c̱a’bki dem dem e mony’cesh mo.

ṮAKWIIN 13:13

Dhali ’Kwani gi Pan Saduum mo tani uni ta uni gun ta thus ki thus mo dhali gun ta imanmii miinthus kun shi/ashi/ ap̱o/ Tap̱a mo.

ṮAKWIIN 25:27

Me’d jin cakina uc̱i su/ mo tani Iisu ta wathi/ jin kora e ki kor e mompar mo, a’di ta wathi/ ma shoŋ gana/ mo ka Yakuub ta wathi/ jin bu’th is piti ka mathaŋ’kur dhali c̱a’b e gu’b burrinye/ mo be.

ṮAKWIIN 27:30

Dhali ka Is/hak daḵa/ ’baarki mii i’dishesan mmo’bora Yakuub mii mo, ka Yakuub ’tilki is mo mmoya ka pije/ mo ’peni bwambor ma Is/hak mo jin ta com mo tani Iisu jin ta’da kam mo tani a’di p̱u’dki’d mo ’peni mompar mo be.

ṮAKWIIN 6:11

Hili mony’cesh a’di p̱u/ki’d e bwam/e ma Arumgimis mo dhali mony’cesh ’tu’dkunu ki piny piny ki mo jin bujurkunuwa bujur mo.

ṮAKWIIN 6:4

Dhan ḵampar ’kwani uni ’kokin e mony’cesh ka tee gwansan mo dhali uni ’koni ’ko’d si’da/ mo me’d jin p̱u’dkina iya/ ma Arumgimis e i’bwa/ gi ’kwani mo dhali uni dho’thki uni uc̱i mo. Uni gwansan ita ’kwani kun c̱a’bki dem dem ’peni kadhamo/ mo dhali kun tora gway ḵarash mo.

GWAY GI IDAWUU’D 52:7

Hili wathi/ yan jin ’tena bwa mmokara Arumgimis ki a’dim piti jin hura a’di jwa icine/ mo, hili a’di ki gam gwo is e tom piti jin ishin ka enthus jin tana a’di pa ki pa mo, dhali a’di ki ŋap̱ mo jin huru jwa e ’penkap̱an piti jin tana a’di mo.