ṮAKWIIN 10:5 - Uduk New Teatament and OT Portions

⁵ ’Peni uni ’kwani gwansan kun ’kokin e yana gap̱ mo tani uni a’di ipeperkin mo be. Uni gwansan kun ta iya/ ma Yap̱aṯẖ mo kun ’kon e mony’cesh buni mo, uni ka ’deṯe/ ’deṯe/ ki ’twam buni gun wala uni mo ka waḵ buni i’pen mo dhali ki kal buni ilu/ mo.

ṮAKWIIN 10:5 Iomraidhean Croise

ṮAKWIIN 10:20

Uni gwansan uni ta iya/ ma Haam mo ka waḵ buni i’pen mo dhali ki ’twam buni ilu/ mo dhali ki mony’cesh buni ilu/ mo dhali ki kal buni ilu/ mo be.

ṮAKWIIN 10:25

Eya Aabir mo tani iya/ su/ dho’thkunu mo. Dhali jan ’de/ yuḵu gway ka P̱aalaj mo haali/ ka teem piti mo tani mony’cesh ḵwa/kunu bwa mo, dhala kam jin ta ’ko’d piti mo tani yuḵu gway ka Yagthaan mo.

ṮAKWIIN 10:32

Uni gwansan itana waḵ gi iya/ ma Nuuh mo isi gi gwom buni jin bele’thkunu mo dhali gom kal buni mo, dhali ’peni uni gwansan mo tani kal gi ’kwani uni ihagaski mony’cesh ki lala’th mo ’ko’da gannu/ yi’de/ mo be.

ṮAKWIIN 10:4

Dhali iya/ ma Yawan: a’di jin ṯwa/a/ yuḵu gway ka Aliishah mo, dhala Tarshiish mo dhala Kittiim mo dhala Dudaniim mo.

ṮAKWIIN 10:6

Iya/ ma Haam: a’di jin ṯwa/a/ yuḵu gway ka Kush mo, dhala Masir mo dhala P̱uth mo dhala Kanaan mo.

ṮAKWIIN 9:19

Uniŋ kwaraŋ gwansan mo tani ita iya/ ma Nuuh mo, dhali ’peni uni gwansan mo tani mony’cesh taki’d gi ’kwani mo.

GWAY GI IDAWUU’D 72:10

Dhalki imaliḵ gi Pan Tarshiish dhali kum pa uḵa ’cesh mo c̱i a’diya thulp̱a/ mo, dhali imaliḵ gi Pan Shaba mo dhali Pan Saba mo ḵal to kun c̱inu ki me’d gom a’di mo.