ṮAKWIIN 10:1 - Uduk New Teatament and OT Portions

¹ Uni gwansan itana nyaḵum yil gi iya/ ma Nuuh mo uni gun ta Saam dhala Haam dhala Yap̱aṯẖ mo. Iya/ dho’thkunu uni mo ’ko’da gannu/ yi’de/ mo be.

ṮAKWIIN 10:1 Iomraidhean Croise

ṮAKWIIN 10:2

Iya/ ma Yap̱aṯẖ: a’di jin ṯwa/a/ yuḵu gway ka Jumar mo, dhala Majuuj mo dhala Maday mo dhala Yawan mo dhala Ṯubal mo dhala Maashik mo dhala Ṯiras mo.

ṮAKWIIN 2:4

Uni gwansan itana nyaḵum yil ki momis mo dhali mony’cesh mo me’d jin ’konu mmo/uḵ uni mo be. Ka tee jin uḵa Tap̱a Arumgimis mony’cesh mo dhali momis mo tani

ṮAKWIIN 5:1

A’di ta’da warka/ ma nyaḵum yil gi uc̱i ma Aadam mo. Ka Arumgimis ki uḵ wathimpa en’thi/ mo tani a’di ki uḵ a’di mmowa e ka Arumgimis mo.

ṮAKWIIN 5:32

Ka Nuuh taki’d ki yili iss ’kwanimpa i/iss ’de/ i’ce’dki iss ’kwanimpa imudhe’d mo tani a’di warki’d ka baba ma Saam dhala Haam dhala Yap̱aṯẖ mo.

ṮAKWIIN 6:9

Uni gwansan itana nyaḵum yil ma Nuuh mo. Nuuh a’di ita wathiŋ ḵar/e mo, dar gi mii ’ba/ e nyaḵum yil gi ’kwanim piti mo. Nuuh nyaḵ ya ka Arumgimis mo.

ṮAKWIIN 9:1

Dhali Arumgimis ki ’bora Nuuh mii mo dhali iya/m piti mo dhali o uni gwo mo ki: Dhodhi maman mo dhali mari is mo dhali ’tu’di mony’cesh mo.

ṮAKWIIN 9:19

Uniŋ kwaraŋ gwansan mo tani ita iya/ ma Nuuh mo, dhali ’peni uni gwansan mo tani mony’cesh taki’d gi ’kwani mo.

ṮAKWIIN 9:29

Dhali arisa tee ma Nuuh kun c̱a’bkina a’di ki e mo tani uni ’koni iss ’kwanimpa i/iss su/ i’ce’dki iss ’kwanimpa ipesu/ i’ce’dka ’kume’d ap̱o/ mo, dhali a’di wuki’d mo.

ṮAKWIIN 9:7

Dhali um mini dho’th maman dhali mar is mo, ki um mini ḵala dho’th ka enthus mo dhali mara mar is kagahara i mony’cesh nycine/ mo.

MAṮṮA 1:1

Gwo jin ’kwaru mo mmobele’th gwo mo goma Yesus Ḵrisṯẖos mo jin ta ya/ ma Dawuu’d mo dhali ya/ ma Ibrahiim mo.