ṮAKWIIN 1:7 - Uduk New Teatament and OT Portions

⁷ Dhali Arumgimis ki uḵa balany mmoḵwa/a ris ḵumma/ yi’de/ bwa mo, uni kun ’kokin e bwaŋ’kwariny ma balany ’pena ris ḵumma/ yi’de/ mo, uni kun ’kokina p̱owa balany mo. Dhali uni ’kokin kan mo.

ṮAKWIIN 1:7 Iomraidhean Croise

ṮAKWIIN 1:11

Dhali Arumgimis ki o gwo mo ki: Dhalka ’cesh ’ka to ale/ ki ton dhii/in mo, to kun minu si kun mini dho’th maman ki emen buni mo, dhali cwa kun mini dho’th maman ki emen buni kun c̱inu uni mo, uni ’baar ka ’deṯe/ ’deṯe/ isi ki e jin ’ko uni ki she/ ki she/ kuku/ mo, ap̱o/ mony’cesh mo. Dhali a’di waki’d kan mo.

ṮAKWIIN 1:15

dhali dhalki uni kushi mo mo ’pena balany gi momis mo mmoc̱i moŋkusha p̱o/ mony’cesh mo. Dhali a’di waki’d kan mo.

ṮAKWIIN 1:24

Dhali Arumgimis ki o gwo mo ki: Dhalki mony’cesh dhodho’da ris to kun ’kon ki e kun uḵu mo isi ki em buni kun ’ko uni kuku/ mo: bip̱ dhali to kun parana ’cesh mo dhali tombwaasho mo kun ’kon e mony’cesh mo isi ki em buni kun ’ko uni ki she/ ki she/ kuku/ mo. Dhali a’di waki’d kan mo.

ṮAKWIIN 1:8

Dhali Arumgimis ki yuḵa balany ki Momis mo. Dhali mom’pimpili/ diki’d mo dhali mon’thamo/ diki’d mo, a’di jin ta’da cim su/ mo.

ṮAKWIIN 1:9

Dhali Arumgimis ki o gwo mo ki: Dhalka ris ḵumma/ yi’de/, uni kun ’kokin e bwaŋ’kwariny momis mo minu tul isi monṯal ’de/ mo e mon ’de/ mo, dhali dhalki moŋḵuthu’d piyi’d mo. Dhali a’di waki’d kan mo.

GWAY GI IDAWUU’D 104:10

/E ki dhu yi’de/ kun ’du’dun mmogac̱ ka pije/ e embul wosh mo. Uni yakina ŋwac̱a/ e embul ma ris wosh mo.

GWAY GI IDAWUU’D 136:5

E a’di jin uḵki momis ki gwo jin mishu ’ban mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

GWAY GI IDAWUU’D 148:4

Maŋi a’di mo, um momis kun ḵa’dama/ ḵa’dam mo, dhali um yi’de/ kun ’kona p̱o/ momis mo.

GWAY GI IDAWUU’D 19:1

Aris momis uni ṯorki monyca ma Arumgimis mo, dhala balany bahki miin tom piti ki me’d mo.

GWAY GI IDAWUU’D 19:2

Ka yempa/ ka yempa/ mo a’di ki gac̱ gwonṯor piti mo, dhali mon’thiny ka yempa/ mon’thiny mo tani a’di ki ṯor monyiṯẖ piti mo,

MAṮṮA 8:27

Dhali ’kwani merkin mo mmo/o gwo mo ki: Ki wathi/ jana a’danne, ki ’tham dhali yi’de/ ha a’di gwo e mo kan?