ṮAKWIIN 1:4 - Uduk New Teatament and OT Portions

⁴ Dhali Arumgimis p̱arki moŋkush e ki a’di ’bora’bor mo. Dhali Arumgimis ki ḵwa/ moŋkush bwa ’peni mondhurumi’d mo.

ṮAKWIIN 1:4 Iomraidhean Croise

ṮAKWIIN 1:10

Arumgimis ki yuḵ mo jin ḵuthaḵu’th ki Mony’cesh mo, dhali aris yi’de/ gwansan kun tulu isi monṯal ’de/ mo tani yuḵkina a’di gway ki Ḵumma/ Yi’de/ mo be. Dhali Arumgimis ki p̱ar a’di e ki a’di ’bora’bor mo.

ṮAKWIIN 1:12

Mony’cesh a’di dho’thki ton dhii/in kun ’kana le/ mo, to kun sinu mo kun dhodhi maman mo isi ka ḵa’bany buni kun ’kona e uni ki she/ ki she/ mo, dhali cwa kun dho’thki maman ki emen buni ki she/ ki she/ kun c̱inu uni mo, uni ’baar ki isi e kuku/ mo. Dhali Arumgimis ki p̱ar a’di e mo ki a’di ’bora’bor mo.

ṮAKWIIN 1:18

mmoji mo jin yuḵu ki montee mo dhali ap̱o/ mon’thiny mo, dhali mmoḵwa/ moŋkush bwa ’peni mondhurumi’d mo. Dhali Arumgimis ki p̱ar a’di e mo ki a’di ’bora’bor mo.

ṮAKWIIN 1:25

Dhali Arumgimis ki uḵ tonycuḵ kun ’kon e mony’cesh mo isi ki em buni kun ’ko uni ki she/ ki she/ kuku/ mo dhali bip̱ isi ki em buni kun ’ko uni ki she/ ki she/ kuku/ mo, dhali aris to kun parana p̱o/ mony’cesh isi ki em buni kun ’ko uni ki she/ ki she/ kuku/ mo. Dhali Arumgimis ki p̱ar a’di e ki a’di ’bora’bor mo.

ṮAKWIIN 1:31

Dhali Arumgimis p̱arki aris to/e kun uḵkina a’di mo, dhali hili mo mo ma, a’di ’bora e ki ’bor mo. Dhali mom’pimpili/ diki’d mo, dhali mon’thamo/ diki’d mo, dhali a’di ta’da cim ma pe’de/ mo.

GWAY GI IDAWUU’D 145:10

Aris miin tom pini mini c̱i /e bwa jin ’boruwa ’bori is mo, ayy Tap̱a, dhali aris unim pini kun dhunu ki she/ ki dhelel dhelel mo tani uni mini ’bor /e mii mo.

GWAY GI IDAWUU’D 145:9

Tap̱a a’di ’bora’bor gom ’kwani ’baar mo, dhali bwam ma ’thimem piti ki mo/en diki’da p̱owa ris ’kwani ’baar mo kun uḵkina a’di mo.