ṮAKWIIN 1:3 - Uduk New Teatament and OT Portions

³ Dhali Arumgimis ki o gwo mo ki: Dhalki moŋkush piyi’d mo. Dhali moŋkush diki’d mo.

ṮAKWIIN 1:3 Iomraidhean Croise

ṮAKWIIN 2:4

Uni gwansan itana nyaḵum yil ki momis mo dhali mony’cesh mo me’d jin ’konu mmo/uḵ uni mo be. Ka tee jin uḵa Tap̱a Arumgimis mony’cesh mo dhali momis mo tani

GWAY GI IDAWUU’D 104:2

/e jin ’kamki is pini ki moŋkush me’d burrinye/ jin ’kamu is mo, /e jin bele’thki momis me’d gu’b burrinye/ mo,

GWAY GI IDAWUU’D 118:27

Tap̱a a’di ita’da Arumgimis mo, dhali a’di c̱iki ana moŋkush mo. Nyoŋi mo jin ḵalu ya goma yuḵ ma tul ’kup̱ ka biny cwa mo ntagi ce jin thumu e ’kup̱a gwaṯa/ jin miinuwa bas mo.

GWAY GI IDAWUU’D 148:5

Dhalki uni bway mo mmomaŋ gway gi Tap̱a mo. Haali/ a’di ḵanki’da ḵan mo dhali uni ’kokunu mo mmo/uḵ mo.

GWAY GI IDAWUU’D 33:6

Ki gwo gi Tap̱a mo tani momis uḵkunu mo dhali aris to kun ’koni bwaman uni ki shi/in jin shi/ini’d ’peni ’twam piti mo.

GWAY GI IDAWUU’D 33:9

Haali/ a’di ṯorki gwo mo tani dhali a’di p̱u’dki’d kan mo. Dhali a’di ḵanki gwo mo tani dhali gwo doshki’d mo.

GWAY GI IDAWUU’D 97:11

Moŋkush kushki mo mo gom uni kun miin ka ḵar/e mo, dhali moŋ’kuny bwa gom uni kun dhelel ma du mo.

MAṮṮA 8:3

Dhali a’di ki he’th me’d piti mo dhali ta a’di is ki me’d mo mmo/o gwo mo ki: Aha/ ona bwa mo be. Dheleli mo ma. Dhali ki jahanne/ monthus piti dhelelkunu mo be.

YOHAAN 1:5

Dhali moŋkush a’di ’twaḵki mondhurumi’d bwa mo dhali mondhurumi’d diki p̱i a’di e mo be.

YOHAAN 1:9

Dhali moŋkush gana/ a’di diki’d mmoyayu/ i ’kwaniny’cesh mo be, a’di jin ta moŋkush gana/ mmokusha ris ’kwaniny’ceshi ’baar mo ka ’deṯe/ ’deṯe/ mo be.

YOHAAN 11:43

Ki a’di oki gwo wakansan mo tani a’di cuuki’d ki dhan ’twa/ jin caaca mo ki: Li/aasar, piyu/ ka pije/ mo.

YOHAAN 3:19

Dhali miiwaḵ a’dan be ki moŋkush p̱u’dki’d e ’kwaniny’cesh mo tani dhali ’kwaniny’cesh enki mondhurumi’d mo, mmodhal moŋkush e i is mo haali/ miim buni kun miikina uni mo tani ta thus ki thus mo be.

KURINṮH̱UUS SU/ 4:6

Haali/ a’di ta’da Arumgimis jin o gwo mo ki: Dhalki moŋkush a’di ’twaḵki mondhurumi’d bwa mo, a’di jin kushki mo mo eya dum bana mo mmoc̱i moŋkush gi moyuḵ gi monyca ma Arumgimis e jis/e ma Ḵrisṯẖos mo be.

EP̱ASUS 5:14

Wakan a’di okunu gwo mo ki: Meri is mo, ayy /e jin ishki e mo, dhali cuyi mis mo ’peni mowu mo dhala Ḵrisṯẖos midi c̱i /e moŋkush mo be.

EP̱ASUS 5:8

haali/ ’thissa/ um ’kokin mo e mondhurumi’d mo, hili shwane/ um ta ku gi moŋkush e Tap̱a mo. Iiyi um mo me’d uc̱i gi moŋkush mo

ṮIMUṮH̱AWUUS ’DE/ 6:16

a’di jin ta a’di ki is piti a’di ’de/ mo jin dar gi mo jin wunu mo dhali jin c̱a’bki’d mo e moŋkush jin molu ii ’kup̱ki cine/ mo, jin dina wathiŋ kamu/ ṯal ’de/ ki p̱ar e mo ki sule/ sule/ mo walla jin mola wathiŋ kamu/ p̱ar e ki sule/ mo be. E a’di mo tani montaḵ midi di mo dhali mo jin tanu tap̱a midi di ki sule/ sule/ ya ye ’ba/ moonnii. Amen.

YOHAAN ’DE/ 1:5

Yan ta gwo be jin ciḵa aman ’peni a’di mo dhali jin c̱ina aman e um mo, ka Arumgimis ta moŋkush mo dhali e a’di mo tani mondhurumi’d p̱iyi’di ’baar mo be.

YOHAAN ’DE/ 2:8

Doḵ/e aha/ ’kwarkina um gwoŋḵan jin ta jin this jin ’kwarkunu mo, a’di jin ta jiŋ gana/ e a’di mo dhali e um mo, haali/ mondhurumi’d peki’d mo dhali moŋkush gana/ a’di ’twaḵki mo mo hila/ mo be.