ṮAKWIIN 1:12 - Uduk New Teatament and OT Portions

¹² Mony’cesh a’di dho’thki ton dhii/in kun ’kana le/ mo, to kun sinu mo kun dhodhi maman mo isi ka ḵa’bany buni kun ’kona e uni ki she/ ki she/ mo, dhali cwa kun dho’thki maman ki emen buni ki she/ ki she/ kun c̱inu uni mo, uni ’baar ki isi e kuku/ mo. Dhali Arumgimis ki p̱ar a’di e mo ki a’di ’bora’bor mo.

ṮAKWIIN 1:12 Iomraidhean Croise

ṮAKWIIN 1:11

Dhali Arumgimis ki o gwo mo ki: Dhalka ’cesh ’ka to ale/ ki ton dhii/in mo, to kun minu si kun mini dho’th maman ki emen buni mo, dhali cwa kun mini dho’th maman ki emen buni kun c̱inu uni mo, uni ’baar ka ’deṯe/ ’deṯe/ isi ki e jin ’ko uni ki she/ ki she/ kuku/ mo, ap̱o/ mony’cesh mo. Dhali a’di waki’d kan mo.

ṮAKWIIN 1:13

Dhali mom’pimpili/ diki’d mo dhali mon’thamo/ diki’d mo, a’di jin ta’da cimi kwara mo.

GWAY GI IDAWUU’D 104:14

/E raḵkina sho ca’d gom to/e mo, dhali dhu emen to jin mina ’kwani si mo, ki a’di midi dho’th maman tonṯe/ ’peni mony’cesh mo,

MARKUS 4:28

A’cesh a’di dho’thki to ki is piti mo, ale/ a’di i’ka’di ṯwa/a/ mo dhali yan’ko’d akulp̱e/ mo dhali yan’ko’d maman gana/ mo.

LUUKA 6:44

Haali/ aris cwa ’baar mo ka ’deṯe/ ’deṯe/ mo uni mishu ki maman buniŋ gana/ mo. Haali/ mamana p̱u/ ’konuki ho mo ’pena ’de/ mo walla amura’th si’da/ ’konuki ho mo ’pena buyy mo be.

KURINṮH̱UUS SU/ 9:10

A’di jin c̱iki’da ḵa’bany to ka mansi to mo dhali tonṯe/ goma manshwa to mo tani a’di midi thip̱a thip̱ mo dhali mara ḵa’bany bum is mo dhali ganan mondhe’d bum jin ta mii ma ḵar/e mo be.

GALATHIYYA 6:7

Dhalku/ ki ta ku gi hegu e mo. Arumgimis yisa ta ji gi minu mii ka maḵa. Haali/ ma to yin jin mina wathi/ si mo tani a’di si’da/ imina a’di i’ciṯẖ mo be.

IBRANIYIIN 6:7

Haali/ mony’cesh jin p̱iki yi’den sho’k mo jin ṯa’kki ’twa/ me’d ka ris ap̱o/ a’di mo dhali a’di ki dho’th ’cemen to kun ha me’d mo gom gway gi uni gwansan kun ḵorki a’di mo tani mony’cesh bu’thki mom’bor mii ’peni Arumgimis mo be.