ṮAKWIIN 1:1 - Uduk New Teatament and OT Portions

¹ Ka muŋ’kup̱ mo tani Arumgimis uḵki momis dhali mony’cesh mo.

ṮAKWIIN 1:1 Iomraidhean Croise

GWAY GI IDAWUU’D 102:25

’Peni kadhamo/ mo tani /e ’thiki moŋḵa’b gi mony’cesh mo, dhali momis a’di ta mii ki me’d pini mo.

GWAY GI IDAWUU’D 104:24

Ayy Tap̱a, mii gi me’d pini wan ma p̱o/ e diṯa/. E moyuḵ mo tani /e uḵki uni ’baar mo. Aris mony’cesh ’tu’dkunu ki tom pini kun uḵkina /e mo.

GWAY GI IDAWUU’D 104:30

Ki /e hashki Shi/in pini mo tani uni uḵkunu mo be dhali /e ki ta bwam/e gi mony’cesh this mo doḵ/e mo.

GWAY GI IDAWUU’D 115:15

Dhalki um ’boru mii ki Tap̱a mo, a’di jin uḵki momis mo dhali mony’cesh mo.

GWAY GI IDAWUU’D 121:2

Mowoṯẖ pem p̱u’dki’d ’peni Tap̱a mo, a’di jin uḵki momis dhali mony’cesh mo.

GWAY GI IDAWUU’D 124:8

Mowoṯẖ bana a’di diki’d e gway gi Tap̱a mo, a’di jin uḵki momis dhali mony’cesh mo.

GWAY GI IDAWUU’D 134:3

Dhalki Tap̱a ’bor um mii ’pena Sihyuun mo, a’di jin uḵki momis dhali mony’cesh mo.

GWAY GI IDAWUU’D 136:5

E a’di jin uḵki momis ki gwo jin mishu ’ban mo, haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.

GWAY GI IDAWUU’D 146:6

a’di jin uḵki momis dhali mony’cesh mo, dhali ḵumma/ yi’de/ mo dhali aris to kun ’kon e bwaman uni mo, a’di jin dhu’da dhu ka dhu ma isiŋ gana/ ki sule/ sule/ mo,

GWAY GI IDAWUU’D 33:6

Ki gwo gi Tap̱a mo tani momis uḵkunu mo dhali aris to kun ’koni bwaman uni ki shi/in jin shi/ini’d ’peni ’twam piti mo.

GWAY GI IDAWUU’D 33:9

Haali/ a’di ṯorki gwo mo tani dhali a’di p̱u’dki’d kan mo. Dhali a’di ḵanki gwo mo tani dhali gwo doshki’d mo.

GWAY GI IDAWUU’D 8:3

Ki aha/ p̱arkina momis pini e mo, jin ta’da ṯu’c gi me’d pini mo tani mmop̱ara ppe e mo dhala risa cul kun ṯelkina /e sho’k mo,

GWAY GI IDAWUU’D 8:4

wathi/ gi wakata mo, jin mina /e i/o bwa ki a’di mo, walla ya/ gi wathi/ mo ki /e mini hil a’di i e mo?

GWAY GI IDAWUU’D 90:2

Nṯwa/a/ ka dhan wosha turga/ ’kokunu mmo’doyu/ ka pije/ mo, walla isi me’dyini jin uḵa /eya ’cesh dhali mony’cesh mo, ’peni mo jin ’konuki/e ki sule/ sule/ ya ye ’ba/ mo itan mo jin ’konuki/ e ki sule/ sule/ ya ye ’ba/ mo tani /e tana Arumgimis mo.

GWAY GI IDAWUU’D 96:5

Haali/ arisa rum p̱inycon gi ’kwani mo tani uni ta tomp̱inycon kun luŋa ’kwani mo. Hili Tap̱a a’di uḵki momis mo.

Mmo/ii ka Pije/ mo 20:11

Haali/ acim pe’de/ mo tani aha/ jin tana TAP̱A uḵkina momis mo dhali mony’cesh mo dhali ḵumma/ yi’de/ mo dhali aris to kun ’kokin e bwaman uni mo. Bahili ka cim ma pesu/ mo aha/ sikina is mo. Gom gwo gi wakan mo tani aha/ ’borkina cim ma pesu/ mii mo dhali kar a’di ki ji gi ḵogu mo be.

MAṮṮA 11:25

Dhali ki mo c̱aan mo tani Yesus ki ṯor gwo mo eya tente/ mo ki: Aha/ ’bora /e bwa i is mo. Ababa jin ta Tap̱a gi momis mo dhali mony’cesh mo, ki /e bagki to gwansan ’peni ’kwani kun yuḵayuḵ mo dhali kun mishi gwo ’ban mo mmoṯor a’di eya tente/ ki uni gun tana ’pereny mo be.

MARKUS 13:19

Haali/ ka cim gwansan mo tani monṯo’c bwa midi di jin diki di wakan mo ’peni ka muŋ’kup̱ mo me’d jin uḵ ma Arumgimis to mo ntagi shwane/ mo ba/, dhali midi diki di ki sule/ sule/ mo be.

MII GUN MIINU MO 14:15

dhali o gwo mo ki: Kana ’kwani, ata miina um to gwahan kan mo. Am si’da/ tana ’kwanim ’ba’ban du me’d um dhali am guyina um gwom ’borga/ ki um mini ’taki ṯu’k mo ’peni tomp̱inycon gwahan kun luŋa um mo eya Arumgimis jin di ki e mo, jin uḵki momis mo dhali mony’cesh mo dhali yi’de/ mo dhala ris to ’baar mo kun ’koni bwaman uni mo be,

MII GUN MIINU MO 17:24

Arumgimis yan jin uḵki mony’cesh mo dhala ris to kun ’koni bwaman a’di mo tani a’di mmotana a’di Tap̱a gi momis mo dhali ji gi mony’cesh mo tani a’di diki c̱a’b e moŋ’ko kun ḵogu mo kun uḵu ki me’d mo be.

MII GUN MIINU MO 4:24

Dhali uni, ki uni ciḵki a’di mo tani uni ’de’kki ’twam buniya Arumgimis ki bwan ṯal ’de/ mo dhali o gwo mo ki: Ayy Tap̱a, /e jin uḵki momis mo dhali mony’cesh mo dhali dhan ḵumma/ yi’de/ mo dhala ris to ’baar kun ’kon ibwaman uni mo,

RUUMIYA 11:36

Haali/ ’peni a’di mo dhali ki a’di mo dhali e a’di mo tani aris to ’baar ’kokin mo. Dhali e a’di mo tani dhalki monyca di’d ki sule/ sule/ ya ye ’ba/ mo. Amen.

KURINṮH̱UUS ’DE/ 8:6

hili gom ana mo tani Arumgimis ṯal ’de/ mo a’di jin ta’da Baba mo dhali ’peni a’di mo tani aris to ’baar mo ’kokin mo dhali gom a’di mo tani ana ’kokina mo, dhali Tap̱an ’de/ mo jin ta’da Yesus Ḵrisṯẖos mo dhali e a’di mo tani aris to ’baar mo ’kokin mo dhali e a’di mo tani ana ’kokina mo be.

EP̱ASUS 3:9

dhali mmodhala ris ’kwani ’baar mo mmop̱ar e mo a’di yan jin ṯi’thkunu mo ki jim bag mo mmoba’kkunu a’di ki yil ka ris mo eya Arumgimis jin uḵki’da ris to ’baar mo be.

IBRANIYIIN 1:10

Dhali, /E jin ta Tap̱a mo, /e ḵa’bki mony’cesh sho’k mo ’peni ka muŋ’kup̱ mo, dhali aris momis uni ta mii kun miina /e ki me’d pini mo be.

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

IBRANIYIIN 11:3

Ki moŋgam gwo is mo tani ana mishkina gwo ’ban mo ki mony’cesh uḵkunu ki gwo ma Arumgimis mo, wakan ki a’di jin p̱arkunu e mo tani uḵkunu ki to kun ’koki piyu/ is ka pije/ mo be.

IBRANIYIIN 3:4

(Haali/ aris gu’b ki she/ ki she/ nyaŋkunu ki ’kwani mo, hili amannyaŋa ris to ’baar mo tani a’di ta’da Arumgimis mo be.)

BUṮERUS SU/ 3:5

Uni c̱i mii ’ko’d mo ki bwam buni mo, ki, ki gwo ma Arumgimis mo tani aris momis ’kokin kadhamo/ innii mo ba/, dhali mony’cesh uḵkunu ’peni yi’de/ mo dhali ki yi’de/ jin ta yi’de/yi

YOHAAN ’DE/ 1:1

A’di c̱aan jin diki’d ’peni ka muŋ’kup̱ mo dhali a’di c̱aan jin ciḵa aman mo dhali a’di c̱aan jin misha aman mo ki em bam mo dhali a’di c̱aan jin hila aman mo dhali jin tana aman is ki me’d bam mo isi gwo gi mondiki/e mo be,

GWO JIN ’CEENU MO 10:6

mmothul gwo me’da p̱o/ mo ki a’di jin diki’d goma sule/ mo dhali ki sule/ mo, a’di jin uḵki momis mo dhali to kun ’koni bwaman a’di mo dhali mony’cesh mo dhali to kun ’koni bwaman a’di mo dhali ḵumma/ yi’de/ mo dhali to kun ’koni bwaman a’di mo ki miiŋ kamu/ minu ’taki ’koki mii miiyu/ ka diiṯe/ mo,

GWO JIN ’CEENU MO 14:7

Dhali a’di ki o gwo ka dhan ’twa/ jin caaca mo ki: Ḵoki Arumgimis mo dhali c̱i a’di monyca mo haali/ mo p̱u’dki’d mo gom gwon dwall piti jin toru gwo ’twa/a ’cesh mo, dhali luŋi a’di mo, a’di jin uḵki momis mo dhali mony’cesh mo dhali ḵumma/ yi’de/ mo dhali yi’de/ kun kasha e ki kash mo.

GWO JIN ’CEENU MO 21:6

Dhali a’di ki o aha/ gwo mo ki: A’di miikunu mo. Aha/ tana ji ma Muŋ’kup̱ mo dhali jiŋ ’Ko’d mo, aha/ tana ji gi mo jin ṯelkunu ’pen mo dhali mo jin midi di ’kup̱ mo be. E uni kun butha yi’de/ gom miiŋḵar/e mo tani aha/ mina c̱i uni yi’de/ ki dar gi yol mo ’peni yi’de/ jin kashkina e ki kash mo jin ta mondiki/e mo be.

GWO JIN ’CEENU MO 22:13

Aha/ tana ja Muŋ’kup̱ mo dhali jiŋ ’Ko’d mo, aha/ cila mo jin ṯwa/a/ mo dhali mo jiŋ ’ko’d mo, dhali aha/ cilkina mo jin ṯelkunu ’pen mo dhali mo jin di ’kup̱ mo.

GWO JIN ’CEENU MO 3:14

Dhali eya man’doyu gwo ma ḵaniisa gi Pa Lawudikiyya mo tani ’kwari gwo mo ki: Gwo gi a’di ma Amen mo, a’di jin ta isiŋ gana/ mo dhali jin ta’da man/o gwo jin ta jiŋ gana/ mo, jin ta mo ma muŋ’kup̱ me’d jin uḵkin ma Arumgimis aris to mo be, mmo/o gwo mo ki:

GWO JIN ’CEENU MO 4:11

/E a’di ha me’d mo, Tap̱am bam mo dhali Arumgimis bam mo mmobu’th monyca mo dhali montaḵ mo dhali mom’bi’th mo haali/ /e uḵkina ris to ’baar mo dhali ki bwam pini mo tani uni ’kokin mo dhali uni ’konu mmo/uḵ mo be.