P̱ILIMUUN 1:6 - Uduk New Teatament and OT Portions

⁶ dhali aha/ ’thokina ki moŋgam gwo is pini jin pwaḵkunu /e mo midi um mo mmonyiṯẖa ris to kun ’boron mo kun ta kum bana mo eya Ḵrisṯẖos mo be.

P̱ILIMUUN 1:6 Iomraidhean Croise

MAṮṮA 25:16

A’di jin bu’thki adhan kuluny ’dolkoni mudhe’d mo tani a’di yaki’d mo ki jahanne/ mo dhali yol to ki uni mo dhali a’di ki ṯa/ a’di mo mmota adhan kuluny ’dolkoni mudhe’d ki nyanye/ mo be.

MAṮṮA 5:16

Dhalki moŋkush bum kushi mo mo wakan mbwambori ’kwani mo, ki uni mini p̱ar miim ’boron bum e mo dhali c̱i monyca ka Babam bum jin di’d e momis mo be.

KURINṮH̱UUS ’DE/ 14:25

Adum piti jin di’d ki kup̱ mo tani thisu ṯor mo be. Dhali wakan mmobiṯkina a’di bwam/em piti a’cesh mo tani a’di midi luŋa Arumgimis mo dhali ṯor eya tente/ ka Arumgimis ka jiŋ gana/ a’di di’d e bwam um mo be.

KURINṮH̱UUS ’DE/ 16:9

Haala campur waŋgala waŋgal mo dhali mo jin midi uma ṯu’c mo tani a’di ḵa’dkunu aha/ mo dhali ’kwani kun ta ’kup̱ mo tani tana ris ka ris mo be.

P̱ILIBBI 4:8

Gom gwo jin boc̱o’d mo gom um, iwaḵ mo tani aris to gun ta kuŋ gana/ mo, aris to gun ta kun taḵu mo, aris to gun ta kuŋ ḵar/e mo, aris to gun ta kun dhelelin mo, aris to gun ta kun ŋa/u mo, aris to gun ta kuny jaro/ mo, waḵki/ akamu/ midi ’taki di jin bol tiya e ki ’bor gana/ mo tani waḵki/ ṯal ’deŋ kamu/ midi ’taki di jin ta jin ha me’d mo ki momaŋ mo tani kulumi gwo gwansani bwa mo ma.

KULUSSI 1:9

Dhali wakan ’pena tee jin ciḵkina aman a’di mo tani aman yisa daḵkina ’tho mo mmo’tho mo gom um mo, mmodoṯa/ doṯ mo ki um minu ’taki ’tu’d mo ki monyiṯẖ bwam piti mo eya ris miin to gi shi/in gi moyuḵ mo dhali momish gwo ’ban mo,

KULUSSI 3:10

Dhali um ki hi’th miim buyempan this mo, a’di jin uḵkunu mo doḵ/e e monyiṯẖa/ nyiṯẖ mo ’ko’di jamas gi a’di jin uḵki’da uḵ mo.

TIITHUS 3:14

Dhali dhalki ’kwanim bana da/ar mii mo si’da/ mmoc̱i is buni ki miim ’boro’d mo, wakan ki uni mini woṯẖ miin tiya ’twa/ mo kun mini mii ta gi to mo dhali yisa mmomol maman gana/ dho’th mo.

IBRANIYIIN 6:10

Haali/ Arumgimis diki mola ḵar/e ta mo wakan mmoshampar miin tom bum ki e mo dhali mo/en jin ṯorkina um gom gway piti mo e miin to gun miikina um mo gom uni kun dhunu ki she/ ki dhelel dhelel mo, me’d mii gun ’kokina um mmomii a’di shwanesan mo.

YAKUUB 2:14

Dhali gwo bala nyo/u kata mo, iwaḵ pem mo, waḵki/ wathi/ o gwo ki a’di ta’d gi moŋgam gwo is mo hili idiki mii to mo tani a/mina moŋgam gwo is piti ita a’di is ki me’d mo ’taa?

YAKUUB 2:17

Wakan si’da/ moŋgam gwo is ki is piti mo waḵki/ a’di dinuki mii to mo tani a’di wu’d mo be.

BUṮERUS ’DE/ 2:12

Hali miim ’borga/ mo mmonyoŋ is mo e bwaman ’kwani kun ’koki ta ’Kwani Yahuuda/ mo, wakan waḵki/ uni mini ’taki o gwo ap̱o/ um mo me’d imanṯẖu’th to mii mo tani uni mini ’taki p̱ar miim ’borgam bum e mo dhali kara Arumgimis ki ca mo eya tee gi mowoṯẖ mo be.

BUṮERUS ’DE/ 3:1

Wakan si’da/ um up̱a, ’dap̱i ’twa/ mo e ikaṯẖim bum mo, wakan ki kun tiya mo, ba kun tiya yisa ha gwo eya, uni minu ’taki gama du is ki dar gi gwo mo goma nyoŋ is gi i/ashim buni mo

BUṮERUS ’DE/ 3:16

Dhali dhuyi ’twa/ ma dum bum ki dhelel dhelel mo, wakan waḵki/ um minu ’taki sor mo tani uni gwansan kun sorki um mo goma nyoŋ bum jin nyoŋa um is ki ’bore/ mo eya Ḵrisṯẖos mo tani uni minu dhu ki mo ma ’the is mo be.

BUṮERUS SU/ 1:8

Haali/ waḵki/ to gwansan ta kum bum mo dhali ish ka enthus mo tani uni mini non um ’peni mii kun ushi me’d mo walla ’peni mo jin molu maman dho’th mo e monyiṯẖ jin mina umi nyiṯẖ Tap̱a Yesus Ḵrisṯẖos bana mo be.