P̱ILIMUUN 1:24 - Uduk New Teatament and OT Portions

²⁴ dhala Markus si’da/ mii’d wakan mo dhala Aristarḵus mo dhala Dimas mo dhala Luuka mo, uni kun tana garr pem kun nyaḵ aha/ aṯu’c mii mo.

P̱ILIMUUN 1:24 Iomraidhean Croise

MII GUN MIINU MO 12:12

Dhali ki a’di mishki to eya tente/ kan mo tani a’di yaki’d e gu’b ma Mariyam jin ta KoYohaan jin yuḵu ki gwaya kamu/ ka Markus mo i mo jin tula ’kwani is ka ris mmonṯal ’de/ mo dhali uni ’kon mmo’tho mo be.

MII GUN MIINU MO 12:25

Dhala Barnaaba dhala Shawuul doḵkin ’peni Pa Urushaliim mo ki uni ’baarki mii jin iina uni mo mmomii mo tani uni suskina Yohaan nyaḵki uni mo, a’di jin yuḵkunu ki gwaya kamu/ ka Markus mo.

MII GUN MIINU MO 13:13

Dhala Buulus uni ki imannyaḵ iim piti mo tani uni ’cuḵkina ḵur yi’de/ jin bela ’tham mo mmo/ii ’peni Pam Pap̱uus mo dhali uni p̱u’dkin mo e Pam Parja gi Bampa/ gi Pam Pamp̱iliyya mo dhala Yohaan ya’d mo ’peni uni mo mmodoḵ ka nyaŋ’ko’d e Pa Urushaliim mo.

MII GUN MIINU MO 19:29

Dhali kum bampa/ yansan ’tu’du/ ki mo ma c̱ulma’th mo dhali uni ṯẖa’thkin ki bwan ṯal ’de/ e dhan mo jin ta montul is jin biruwa bir mo mmobu’thkina uniya Ghayuus mo dhala Aristarḵus kun ta ’Kwani gi Pam Makiduniyya kun ta imannyaḵ ii ka Buulus mo.

MII GUN MIINU MO 27:2

Dhali mmomerkina aman ap̱oŋ ḵur gi Pa Adramiṯiniyya jin bela ’tham mo jin muru ’cuḵ mo mmo/ii iyi’de/ e mon tiya eya gap̱ gi Pa Asiyya mo tani aman ’cuḵkina aḵur yi’de/ e yi’de/ mo dhali jan ṯal ’de/ jin ta’da Aristarḵus gi Pa Makiduniyya mo ’peni Pan Tasaluniiki mo tani a’di nyaḵ di ki aman mo.

KURINṮH̱UUS SU/ 8:23

Haali/ me’da Tiithus mo tani a’di ita’da manpwaḵ to bwa nyaḵki aha/ mo dhali agarr pem jin miiki to nyaḵki aha/ gom um mo. Dhali gom iwaḵ bana mo tani uni ita imandhunu ki she/ mo eya risa ḵaniisa mo gom monyca ma Ḵrisṯẖos mo be.

P̱ILIBBI 2:25

Aha/ kuluma gwo ibwa ki kulum gana/ mo ki a’di minu mii mii mmohash ki uma Abap̱rudiṯus a’di jin ta’da kam pem mo dhali agarr jin nyaḵa’da ṯu’c mii mo dhali agarr jin ta’da askar mo dhali amanyam bum mo dhali amanmii to jin miga/ mii ta mo.

P̱ILIBBI 4:3

Dhali aha/ doṯkina /e si’da/ amannyaḵ dhaŋḵa’b ganam pem bu’th mo ki woṯẖi/ up̱ gwansan mo ma, haali/ uni nyaḵkina ṯu’c mii ki ’ban kuku/ nyaḵki aha/ mo e gwom ’borga/ nyaḵka Aḵlimandus mo dhali kun tiya kun nyaḵkana ṯu’c mii ki aha/ mo uni gun ’kona gway eya warka/ gi mondiki/e mo be.

KULUSSI 4:10

Aristarḵus jin ta’da agarr pem jin nyaḵkaa/ c̱a’b eya sijin mo tani theki um me’d mo dhala Markus jin ta nam ma Barnaaba mo (isi gwo gom a’di jin bu’thkina um mmoye’thkunu um sho’k ki gwo mo – waḵki/ a’di midi p̱u’dku/ i um mo tani buthi a’di mo ma),

KULUSSI 4:14

ALuuka, a’di jin ta’da hakiim jin enu mo dhala Dimas mo theki um me’d mo.

BUṮERUS ’DE/ 5:13

Ayim jin diki’d e Pam Baabil mo, a’di jin kwanykunu wakan mo tani hashki um monthe me’d mo. Dhali ya/m pem ka Markus miiki’d kan si’da/ mo.

YOHAAN KWARA 1:8

Wakan ana ḵa ba/ imina han ’kwani kun wakan mo ki ana mina ta imannyaḵ to mii e gwoŋ gana/ mo be.