P̱ILIMUUN 1:21 - Uduk New Teatament and OT Portions

²¹ Gom jwam pem jin wuka/ /e i is mo gom gwom pini jin hana /e e mo tani aha/ ’kwarkina /e gwo yan mo, mmomishkika/ ki /e mini mii uni kan ki nyanye/ mo mmobol gwom pem jin oka/ /e e mo.

P̱ILIMUUN 1:21 Iomraidhean Croise

RUUMIYA 2:19

dhali waḵki/ /e mishkin ka jiŋ gana/ ki /e tana manshu ’kwani kun tana ja’da/ bway mo tani dhali ki /e ta moŋkush gom uni gun ’kon mo e mondhurumi’d mo tani

KURINṮH̱UUS SU/ 2:3

Dhali aha/ ’kwarkina a’di me’d jin miikika/ mo, wakan ki me’d jin p̱u’dkika/ mo tani aha/ minu ’koki c̱itha du ki uni gwansan kun mini ’taki ’koki mii aha/ ki bwaŋ ’kunyga/ mo. Haali/ aha/ misha ki isa duŋ gana/ gom umi ’baar mo ki moŋ’kuny bwam pem mo tani midi ’taki ta moŋ’kuny bwa gom umi ’baar mo be.

KURINṮH̱UUS SU/ 7:16

Aha/ ’kunykina bwa mo haali/ aha/ takina gi mo jin wuka/ um jwa i is mo jin ’boro’d ki ’bor gana/ mo be.

KURINṮH̱UUS SU/ 8:22

Dhali ki uni mo tani aman hashkina akam bam a’di jin nyo/kina aman mo me’d ka ris mo dhali gamkina aman mo ki a’di i/ona bwa ki oŋ gana/ goma ris to ’baar mo. Dhali hili a’di shwane/ a’di ona bwa ki dhan o jin shi/ashi/ mo gom dhan miim piti jin wukina a’di um jwa i is mo be.

GALATHIYYA 5:10

Aha/ wukina Tap̱a jwa i is mo ki um mini ’koki budha yisaŋa kamu/ mmodhal jim pem mo. Dhali a’di jin ṯo’c um bwa mo tani a’di midi mii bu’th gwon dwall jin minu mii tor ’twa/a ’cesh gom a’di mo, ma a’di yin jin tana a’di mo.

TASALUNIIKI SU/ 3:4

Dhali aman takina gi mo jin wukina aman Tap̱a jwa i is mo gom um mo ki um ’kon mmomii to shwanetan mo dhali ki um mini mii to kun ḵankina aman um gwo mo be.