P̱ILIMUUN 1:17 - Uduk New Teatament and OT Portions

¹⁷ Wakan waḵki/ /e mini o bwa ki aha/ mo mmota agarr pini mo tani budhi a’di mo ma me’d mii jin mina /e ’taki bu’th aha/yi.

P̱ILIMUUN 1:17 Iomraidhean Croise

MAṮṮA 10:40

A’diyin jin bu’thki um mo tani a’di bu’thki aha/ mo dhali a’diyin jin bu’thki aha/ mo tani a’di bu’thki a’di jin hashki aha/ mo be.

MAṮṮA 18:5

A’diyin jin midi budha ’ci gi wakansan ki gway pem mo tani a’di buthi aha/ mo be.

MAṮṮA 25:40

Dhali aMaliḵ ki thoḵ uni gwo mo ki: Ka jiŋ gana/ aha/ ṯora um gwo mo ki: Me’d jin miina um a’di gom a’din ’deŋ kamu/ jin p̱isi’d mo ’peni ushi uni gwansan kun tana waḵ pem mo tani um miiki a’di gom aha/ mo be.

MII GUN MIINU MO 16:15

Dhali a’di miikunu ki yi’de/ mo dhali ki kuŋ gu’b piti ilu/ mo tani a’di yuḵki am mo mmo/o gwo mo ki: Waḵki/ um nyiṯẖkin ki aha/ tana a’di jin ta isiŋ gana/ gom Tap̱a mo tani iiyu/ i gu’b pem mo ma dhali ’ko ise/ mo. Dhali a’di ṯu’cki am mo be.

KURINṮH̱UUS SU/ 8:23

Haali/ me’da Tiithus mo tani a’di ita’da manpwaḵ to bwa nyaḵki aha/ mo dhali agarr pem jin miiki to nyaḵki aha/ gom um mo. Dhali gom iwaḵ bana mo tani uni ita imandhunu ki she/ mo eya risa ḵaniisa mo gom monyca ma Ḵrisṯẖos mo be.

EP̱ASUS 3:6

Ba kani a’di ita gwo gom ’kwani kun ’koki ta ’Kwani Yahuuda/ mo mmonyaḵ mal mo, mmota waḵa ’de/ mo e buŋgwar is mo dhali mmonyaḵ gwo pwaḵ bwa jin onu is eya Ḵrisṯẖos jin ta’da Yesus ki gwom ’borga/ mo be.

P̱ILIBBI 1:7

A’di ’boro’d ki ’bor gana/ mo gom aha/ mmokulum gwo i bwa mo gom umi ’baar mo kansan mo haali/ aha/ dhuna um eya dum pem mo haali/ aris umi ’baar mo nyaḵu/ a’the pwaḵ ki aha/ mo me’d jin dika/ eya sijin mo dhali mmo’ce’d gwo she/ mo dhali mmoṯel gwom ’borga/ sho’k mo.

ṮIMUṮH̱AWUUS ’DE/ 6:2

Uni gwansan kun takin gi itap̱a kun gamki gwo is mo tani uni mini mii ’koki dhu uni ki mon’the is mo mmo/o gwo mo ki uni ta ikam mo ’te/. Hili uni mini mii dhal mii yan e i is mo mmomii aris to ’baar mo ki ’bore/ ki nyanye/ mo haali/ uni gwansan kun miina c̱iŋkinam buni to mo tani ta uni kun gamki gwo is mo dhali uni gun enu mo be. Ṯori gwo mo dhali ṯirrishi gwo mo goma ris to gwansan kun minu mii mii mo.

P̱ILIMUUN 1:10

Aha/ yip̱a ’kup̱ ’kup̱ki /e mo, goma ’cim pem jin ta’da Unisiimus mo, aha/ jin warkina a’di ki com mo me’d jin dikika/ mo eya sijin mo.

P̱ILIMUUN 1:12

Aha/ hashkina a’di ka nyaŋ’ko’di /e mo, isa dum pem gana/ a’di ihashkika/ mo niin.

P̱ILIMUUN 1:18

Waḵki/ a’di ṯẖu’thki /e toŋ kamu/ mii mo tani walla di ka murem pini ’ba/ mo gom toŋ kamu/ mo tani ’kwari a’di gom gway pem mo ma.

IBRANIYIIN 3:1

Wakan iwaḵ kun ḵogu mo, um gun pwaḵkunu to gi momis mo ka yuḵ jin yuḵu mo, mmoḵwo’c jasi eya Yesus mo, a’di jin karkunu ki she/ mo dhali ta’da gasiis jin ca’d mo gom gwom bana jin pikina ana mo.

IBRANIYIIN 3:14

Haali/ ana pwaḵkunu to eya Ḵrisṯẖos mo waḵki/ ana jasi ’te/ mo mina bu’th monyjwam bana jin wuna ana a’di i isi ṯwa/a/ mo mmoṯel sho’k mo ntagi ’pemen mo,

YAKUUB 2:5

Dhuyi ’ce mo ma, uma waḵ pem gun enka/ mo. Din ma Arumgimis ki kwany uni gwansan kun hatha’ko’d e mony’cesh mo mmota pa ki pa mo e moŋgam gwo is mo dhali mmota imanḵal mal gi bampa/ gi momis jin okina a’di gwo is gom uni gwansan kun eni a’di mo ’taa?

BUṮERUS ’DE/ 5:1

Wakan aha/ malaskina jwahaŋ ’kwaniŋ ḵaniisa mo e bwam um mo, me’d jin taka/ garr jin ta jwaha/ si’da/ mo dhali ta aman/o gwo mo gom isa nyor ma Ḵrisṯẖos mo dhali me’d jin bu’thkika/ monycam piti si’da/ jin minu ṯor eya tente/ mo be.

YOHAAN ’DE/ 1:3

a’di c̱aan jin misha aman mo dhali ciḵ mo tani ṯora aman um eya tente/ si’da/ mo ki um si’da/ mini nyaḵ to mii ki aman mo dhali tom bana jin nyaḵa ana mii mo tani nyaḵka Baba mo dhali nyaḵki Ya/m piti jin ta’da Yesus Ḵrisṯẖos mo be.