P̱ILIMUUN 1:1 - Uduk New Teatament and OT Portions

¹ ABuulus jin ta’da habuus goma Ḵrisṯẖos jin ta’da Yesus mo dhala Ṯimuṯẖawuus jin ta’da kam bana mo, Eya P̱ilimuun jin enu mo, a’di jin ta’da mannyaḵa ṯu’c bana mii mo.

P̱ILIMUUN 1:1 Iomraidhean Croise

MII GUN MIINU MO 16:1

Dhali a’di p̱u’dki’d si’da/ mo e Pan Darba mo dhali e Pan Lisṯra mo dhali hili ma, amanciḵ gwoŋ kamu/ diki’di mun jin yuḵkunu ka Ṯimuṯẖawuus mo jin ta ya/ ma ’bom gi ’Kwani Yahuuda/ mo jin gamki gwo is mo hili com ta Wathiŋ Griḵi mo be.

KURINṮH̱UUS ’DE/ 3:9

Haali/ ana tana ci kun nyaḵ to mii goma Arumgimis mo be. Um ta mondhe’d ma Arumgimis mo, mo jin nyaŋ ma Arumgimis mo be.

KURINṮH̱UUS SU/ 1:1

ABuulus a’di jin karu ki she/ mo goma Ḵrisṯẖos jin ta’da Yesus mo ki bwa ma Arumgimis mo, dhala Ṯimuṯẖawuus jin ta’da kam bana mo. Eya ḵaniisa ma Arumgimis mo jin di’d e Paŋ Kurinṯẖuus mo nyaḵkaa ris uni kun dhunu ki she/ ki dhelel dhelel mo, uni ’baar mo kun ’kokin mo e Pa Aḵaa/iya mo.

GALATHIYYA 3:26

haali/ eya Ḵrisṯẖos jin ta’da Yesus mo tani umi ’baar mo ta iya/ ma Arumgimis mo ki moŋgam gwo is mo be.

EP̱ASUS 3:1

Gom ’kup̱ mii yansan mo aha/ jin tana aBuulus mo, aha/ jin tana habuus goma Ḵrisṯẖos jin ta’da Yesus mo gom gway bum mo um kun ’koki ta ’Kwani Yahuuda/ mo.

EP̱ASUS 4:1

Wakan aha/ jin tana habuus gom Tap̱a mo yuḵkina um mo mmoshuwa shum bway ki mii kun ha me’d mo ka yuḵ jin yuḵkunu um mo be

EP̱ASUS 6:20

Haali/ aha/ tana amanya eya jindhiir mo gom a’di mo jin miga/ ’taki bah a’di eya tente/ ki dar gi monyju/ mo me’d jin miga/ ḵa ’taki ṯor gwo mo ba/.

P̱ILIBBI 1:1

ABuulus dhala Ṯimuṯẖawuus kun ta c̱iŋkina/ goma Ḵrisṯẖos jin ta’da Yesus mo. E uni ’baar mo kun dhunu mo ki she/ ki dhelel dhelel eya Ḵrisṯẖos jin ta’da Yesus mo, e uni gun ’kon mo e Pam P̱ilibbi nyaḵki ’kwaniŋ gwanyjaḵa/ ma ḵaniisa dhali uni gun cila to hil mo.

P̱ILIBBI 2:25

Aha/ kuluma gwo ibwa ki kulum gana/ mo ki a’di minu mii mii mmohash ki uma Abap̱rudiṯus a’di jin ta’da kam pem mo dhali agarr jin nyaḵa’da ṯu’c mii mo dhali agarr jin ta’da askar mo dhali amanyam bum mo dhali amanmii to jin miga/ mii ta mo.

P̱ILIBBI 4:3

Dhali aha/ doṯkina /e si’da/ amannyaḵ dhaŋḵa’b ganam pem bu’th mo ki woṯẖi/ up̱ gwansan mo ma, haali/ uni nyaḵkina ṯu’c mii ki ’ban kuku/ nyaḵki aha/ mo e gwom ’borga/ nyaḵka Aḵlimandus mo dhali kun tiya kun nyaḵkana ṯu’c mii ki aha/ mo uni gun ’kona gway eya warka/ gi mondiki/e mo be.

KULUSSI 1:1

ABuulus, a’di jin karu ki she/ mo goma Ḵrisṯẖos jin ta’da Yesus mo ki bwa ma Arumgimis mo dhala Ṯimuṯẖawuus jin ta’da kam bana mo.

KULUSSI 4:11

dhala Yesuu/ a’di jin yuḵkunu gway ka Yusthus mo. ’Kwani gwansan uni ta jasi uni kun ’ciṯẖkunuwa munyjal yis mo e bwaman uni kun nyaḵkaa/ ṯu’c mii mo gom Bampa/ ma Arumgimis mo, dhali uni ita momalas pem mo be.

TASALUNIIKI ’DE 3:2

dhali aman hashkina aṮimuṯẖawuus mo, a’di jin ta’da kam bana mo dhali a’di jin ta’da manmii to mo goma Arumgimis mo gom gwom ’borga/ ma Ḵrisṯẖos mo, mmoṯel um sho’k mo e moŋgam gwo is bum mo dhali mmomalas um mo,

TASALUNIIKI SU/ 1:1

ABuulus dhala Silwaanus dhala Ṯimuṯẖawuus mo. Eya ḵaniisa gi Pan Tasaluniiki mo eya Arumgimis jin ta’da Babam bana mo dhali Tap̱a Yesus Ḵrisṯẖos mo be.

ṮIMUṮH̱AWUUS SU/ 1:8

Dhalku/ ki mii ’the is mo mmoc̱i gwo mo gom Tap̱am bana mo, walla gom aha/ mmotaka/ habuus mo, hili budhi isa nyor pini jin pwaḵu /e mo gom gwom ’borga/ mo e mom’bi’th ma Arumgimis mo,

P̱ILIMUUN 1:23

Abap̱raas, a’di jin ta’da garr pem jin nyaḵ aha/ c̱a’b eya sijin mo gom gway ma Ḵrisṯẖos jin ta’da Yesus mo tani hashki /e monthe me’d mo,

P̱ILIMUUN 1:24

dhala Markus si’da/ mii’d wakan mo dhala Aristarḵus mo dhala Dimas mo dhala Luuka mo, uni kun tana garr pem kun nyaḵ aha/ aṯu’c mii mo.

P̱ILIMUUN 1:9

hili gom gway gi mo/en mo tani aha/ ona bwa mo mmoyip̱ ’kup̱ ’kup̱ki /e mo – aha/ jin tana Buulus mo, aha/ jin tana amanya goma Ḵrisṯẖos mo dhali shwane/ aha/ tana habuus mo si’da/ goma Ḵrisṯẖos jin ta’da Yesus mo be –