P̱ILIBBI 4:3 - Uduk New Teatament and OT Portions

³ Dhali aha/ doṯkina /e si’da/ amannyaḵ dhaŋḵa’b ganam pem bu’th mo ki woṯẖi/ up̱ gwansan mo ma, haali/ uni nyaḵkina ṯu’c mii ki ’ban kuku/ nyaḵki aha/ mo e gwom ’borga/ nyaḵka Aḵlimandus mo dhali kun tiya kun nyaḵkana ṯu’c mii ki aha/ mo uni gun ’kona gway eya warka/ gi mondiki/e mo be.

P̱ILIBBI 4:3 Iomraidhean Croise

GWAY GI IDAWUU’D 69:28

Dhalki uni ’koshu gway buni ’pena warka/ gi mondiki/e mo, dhali uni minu ’koki ’kwar gway buni e bwamana warka/ nyaḵki ’kwani kun tana ḵar/e mo.

LUUKA 10:20

Hili mo mo ma, dhalku/ bwa ki ’kuny mo gom mii yan mo, ka ruma ’cesh haki gwom bum e mo, hili ’kunyi bwa mo ma, gom gway bum kun ’kwarkunu mo e momis mo.

RUUMIYA 12:1

Haali/ a’di gi wakan mo tani aha/ yip̱a ’kup̱ ’kup̱ ki um mo, iwaḵ, gom momiimii ma Arumgimis jin mina umi c̱i is bum ka Arumgimis mo mmota to jin ’ciṯẖu/ ’kus jin di ki e mo, jin ḵogu mo, jin mish ma Arumgimis bu’th mo, jin ta to gi shi/in bum jin luŋa uma luŋ mo be.

RUUMIYA 16:12

Theki uni gwansan me’d mo kun miikina ṯu’c e Tap̱a mo uni kun ta iṮarip̱eena dhala Ṯarip̱uusa mo. Theka Barsiis me’d mo ma jin enu mo, a’diyim jin miiki’da ṯu’c jin ’batha’ba’th e Tap̱a mo.

RUUMIYA 16:9

Theka Urbanus me’d mo ma a’di jin ta’da mannyaḵ to mii jin ta jim bana eya Ḵrisṯẖos mo. Dhali a’dim pem jin enka/ jin ta’da Isṯaḵis mo.

P̱ILIBBI 1:12

Aha/ ŋap̱a um mmomish mo mo, iwaḵ, gom to gun mii aha/ mo ka jiŋ gana/ tani a’di ta ’pemen mmop̱al gwom ’borga/ mo be.

P̱ILIBBI 1:16

Ku gi ’ban yansan mii a’di ki mo/en mmomisha uni ki aha/ karkunu mo gom gwo mmo’ce’d she/ mo gom gwom ’borga/ mo.

P̱ILIBBI 1:27

Jasi a’di imina umi mii mo: Dhali dhalki um ta kum paŋ gana/ mo kun mini ha me’d mo gom gwom ’borga/ ma Ḵrisṯẖos mo. Wakan waḵki/ aha/ mina yaku/ mo dhali p̱ar um e mo walla aha/ mina p̱i mo tani aha/ mina ’taki ciḵ gwo gom um mo ki um ṯelki sho’k mo e shi/ina ’de/ mo ka dun ṯal ’de/ mo mmobira bir ki ’ban kuku/ mo gom moŋgam gwo is gi gwom ’borga/ mo be.

P̱ILIBBI 1:5

Mmo’bora ’bor bwa i is mo gom gwom ’borga/ jin nyaḵu um pwaḵ ki aha/ ’pena tee jin ṯwa/a/ ntagi shwane/ mo be.

P̱ILIBBI 1:7

A’di ’boro’d ki ’bor gana/ mo gom aha/ mmokulum gwo i bwa mo gom umi ’baar mo kansan mo haali/ aha/ dhuna um eya dum pem mo haali/ aris umi ’baar mo nyaḵu/ a’the pwaḵ ki aha/ mo me’d jin dika/ eya sijin mo dhali mmo’ce’d gwo she/ mo dhali mmoṯel gwom ’borga/ sho’k mo.

P̱ILIBBI 4:2

Aha/ malaskina Ap̱uudiya mo dhali aha/ malaskina Sinṯiiḵi mo mmogam gwo me’d mo e Tap̱a.

KULUSSI 1:7

me’d jin da/arkina um a’di mo ’pena Abap̱raas mo, a’di jin ta’da garr bam jin enu jin mii to mo. A’di ta a’di isiŋ gana/ mo jin mii to goma Ḵrisṯẖos mo gom gway bam mo

GWO JIN ’CEENU MO 13:8

dhali aris uni gun ’koni mony’cesh yan mo tani uni mini luŋ a’di mo, aris uni ka ’deṯe/ ’deṯe/ mo kun ’konuki ’kwar gway buni nṯwa/a/ ki mony’cesh yansan ’konuki ḵa’b mo eya warka/ gi mondiki/e gi Ari Ḵa’bal jin ’koshkunu mo.

GWO JIN ’CEENU MO 17:8

Dhali to/e c̱aan jin p̱arkina /e e jin piki’d mo tani a’di diki di mo dhali a’di minu shinu/ ’peni jis jin dar gi ’pemen mo dhali ya mo e mo jin minu daḵ gwo me’d mo. Dhali uni gwansan kun ’kon e mony’cesh mo uni kun ’konuki ’kwar gway buni eya warka/ gi mondiki/e mo ’peni mo ma muŋ’kup̱ ki mony’cesh yansan ’konuki ḵa’b mo tani uni mini mer ki mer jin shiyi’d mo mmohil to/e mo haali/ a’di diki’d mo dhali midi diki di mo dhali a’di midi p̱u’du/ mo.

GWO JIN ’CEENU MO 20:12

Dhali aha/ p̱arkina uni gun wukin e mo, uni kun cakin mo dhali kun gwa’dkin mo, mmodosh mo mbwambor ma ḵursi ma maliḵ mo, dhali arisa warka/ ḵa’dkunu mo be. Dhali awarkaŋ kamu/ si’da/ ḵa’dkunu mo, a’di jin ta’da warka/ gi mondiki/e mo. Dhali uni gun wukin mo tani uni dwallkunu gwo mo me’d gwo jin ’kwarkunu mo e bwam ma risa warka/ mo ki mii kun miikina uni mo be.

GWO JIN ’CEENU MO 20:15

Dhali waḵki/ jan ṯal ’deŋ kamu/ ’konuki gam gway piti jin ’kwarkunu mo eya warka/ gi mondiki/e yan mo tani a’di si’da/ minu biṯ mo eya al o’d mo be.

GWO JIN ’CEENU MO 21:27

Hili to nyo/o’da kamu/ yisa midi diya jin midi cic̱ e a’di mo, walla jan ṯal ’de/ jin midi boṯki miinthus jin shi/ashi/ mo walla ta manc̱i gwonthus mo, hili jasi uni gwansan kun ’kwarkunu gway eya warka/ gi Ari Ḵa’bal gi mondiki/e mo tani, uni a’di imini ’ko mo be.

GWO JIN ’CEENU MO 3:5

A’di jin p̱iki mii e mo tani a’di minu shum isi kan ki burrinyeŋ kush mo, dhali aha/ mina diki ’kosh gway piti mo ’pena warka/ gi mondiki/e mo. Aha/ mina pi gway piti ibwambor ma Babam pem mo dhali ibwambori iman’doyu gwom piti mo.