P̱ILIBBI 4:1 - Uduk New Teatament and OT Portions

¹ Wakan iwaḵ pem, um gun enka/ mo dhali kun ’kosha ṯe/ aha/ mo dhali kun ta bwaŋ ’kunygam pem mo dhali kun ta toŋ’kup̱ pem mo tani ṯeli sho’k wakan e Tap̱a mo ma um gun enka/ ki mo/en gana/ mo.

P̱ILIBBI 4:1 Iomraidhean Croise

GWAY GI IDAWUU’D 125:1

Uni gwansan kun gami gwo is e Tap̱a mo tani uni wana e ki ’Kuwosh ma Sihyuun mo, a’di jin molu joc̱ mo, hili a’di c̱a’bki’d ki sule/ sule/ ya ye ’ba/ mo.

GWAY GI IDAWUU’D 27:14

C̱ori Tap̱a mo ma, dhali ’bithi is mo dhali dhalka dum pini bu’th mo jin roc̱u sho’k mo. Nye, c̱ori Tap̱a mo ma.

MAṮṮA 10:22

Dhali um minu ishi/ i e mo gom gway pem mo be. Hili a’diyin jin midi ’dim ’kup̱ ntagi ’pemen mo tani a’di minu woṯẖ mo be.

YOHAAN 8:31

Dhali yan’ko’d Yesus ki o ’Kwani Yahuuda/ gwo mo, uni kun gamki a’di gwo is mo ki: Waḵki/ um mini ṯikir ’ko mo e gwom pem mo tani um ka jiŋ gana/ mini ta imanciḵ aha/ gwo mo be.

MII GUN MIINU MO 11:23

jin ’bora bwa mo me’dyin p̱u’da/ a’di mo, dhali a’the ma Arumgimis mishkina a’di mo be. Dhali a’di malaski uni ’baar mo ki gwo mo, ki gwo kun dhuna uni adu mo mina uni ’dim ’kup̱ gom Tap̱a mo.

MII GUN MIINU MO 14:22

mmoṯel bwa gi imanciḵ gwo sho’k mo mmomalas uni ki gwo mo ki uni mini ’ko ki sule/ e moŋgam gwo is mo dhali ki monṯo’c bwa kun mini mii ta aris mo tani ana mina se Bampa/ ma Arumgimis mo be.

MII GUN MIINU MO 2:42

Dhali uni ’kon mmoroc̱ sho’k ki sule/ e gwo kun ṯora imandhun ma Yesus ki she/ mo dhali e mombuṯ si’da/ mo, mmo’ce’d maaŋḵuthu’d mo be dhali e mon’tho si’da/ mo be.

RUUMIYA 2:7

A’di midi c̱i moŋ’koki/e ki sule/ ya ye ’ba/ mo ki uni gwansan kun miiki mii gun ’boron ki bwa gun ’kuc̱u mo ki ’kari’th mmosimm monyca e mo dhali montaḵ mo dhali mo gi molu wu mo be.

KURINṮH̱UUS ’DE/ 15:58

Wakan um pem gun enka/ mo, kun tana waḵ mo tani ṯeli mo dhali tayi ku gi minu mol joc̱ mo dhali ’dap̱i ’twa/ mo isa yempa/ eya ṯu’c gi Tap̱a mo mmomisha um ki um ’koki miiya ṯu’c gi Tap̱a ki p̱e’th mo be.

KURINṮH̱UUS ’DE/ 16:13

’Koyi ki montim mo mo ma. Doshi mmoṯel shoka ’cesh e moŋgam gwo is bum mo. ’Bithi adu is mo dhali ’bithi ki ’bi’th mo.

KURINṮH̱UUS SU/ 1:14

Me’d jin mishkina um a’di ’ban ki ’bana kamu/ mo tani ki um mini mish dhu ’ba/ ki ca mo gom aman mo me’d jin misha aman ’ba/ dhu gom um mo ka tee gi Tap̱a Yesus mo be.

GALATHIYYA 5:1

Haali/ gom mo jin ’konu ki ’kus mo tani aḴrisṯẖos a’di dhu ana ki ’kus mo. Gom gwo gi wakan mo tani doshi ma dhali ṯeli sho’k mo. Dhali dhalku/ ’ba/ ki mii ’ce’d mo doḵ/e mmonyaḵ dhaŋḵa’b ’ba/ bu’th ki mii jin tanu c̱iŋkina/ mo.

P̱ILIBBI 1:27

Jasi a’di imina umi mii mo: Dhali dhalki um ta kum paŋ gana/ mo kun mini ha me’d mo gom gwom ’borga/ ma Ḵrisṯẖos mo. Wakan waḵki/ aha/ mina yaku/ mo dhali p̱ar um e mo walla aha/ mina p̱i mo tani aha/ mina ’taki ciḵ gwo gom um mo ki um ṯelki sho’k mo e shi/ina ’de/ mo ka dun ṯal ’de/ mo mmobira bir ki ’ban kuku/ mo gom moŋgam gwo is gi gwom ’borga/ mo be.

P̱ILIBBI 1:8

Haali/ Arumgimis ta’da man/o gwo gom aha/ mo mmo’kosha ṯe/ aha/ mo gom umi ’baar mo ka du ma Ḵrisṯẖos jin gama gam mo jin ta’da Yesus mo.

P̱ILIBBI 2:16

Mmolana um gwo gi mondiki/e bu’th mo wakan ka tee ma Ḵrisṯẖos mo tani aha/ mina kar is ki ca mo ki aha/ dinaki gus mo ka wuny is walla miiya ṯu’c ka wuny is mo be.

P̱ILIBBI 2:26

Haali/ a’di ’kosha ṯe/ umi ’baar kagahara mo dhali a’di butha ’tham mo haali/ um ciḵ gwo mo gom a’di ki a’di ’ba’thki’d mo be.

KULUSSI 4:12

Abap̱raas, a’di jin ta jan ṯal ’de/ ki is bum mo, jin ta’da manmii to goma Ḵrisṯẖos jin ta’da Yesus mo tani theki um me’d mo, isa yempa/ mmoka um e mo ka dun dara’d mo e mon’thom piti mo, ki um mini ’taki dosh mo me’d ku gi isin mo dhali mmomish mo ki isi mish gana/ ’baar mo a’di jin ta bwa ma Arumgimis mo be.

TASALUNIIKI ’DE 3:13

Wakan ki a’di midi ṯela dum bum sho’k mo ki dar gi mii kun ’koni ’ba/ mo e mii gun ḵogu mo ibwambor ma Arumgimis bana mo dhali Ababa mo ki p̱u’d jin mina Tap̱a Yesus bana p̱u’du/ mo nyaḵka ris unim piti kun dhelelkin mo be.

TASALUNIIKI SU/ 2:15

Wakan mo tani iwaḵ mo, doshi mo dhali ṯeli sho’k mo dhali budhi gwo kun luḵu um mo, a’di jin ṯorkunu um ki aman mo, wakan, ki gwo jin onu ki ’twa/ mo walla ki gwo jin ’kwaru mo be.

ṮIMUṮH̱AWUUS SU/ 2:1

/E si’da/ jin ta ya/m pem mo, ’bithi /e is mo eya ’the jin di’d eya Ḵrisṯẖos jin ta’da Yesus mo,

IBRANIYIIN 10:23

Dhalki ana budha ki ri’d mo ma ’teŋ kap̱em bana jin mina ana pi ki dar gi monṯosh mo, haali/ a’di jin oki gwo is mo tani a’di ta a’diŋ gana/ mo be.

IBRANIYIIN 3:14

Haali/ ana pwaḵkunu to eya Ḵrisṯẖos mo waḵki/ ana jasi ’te/ mo mina bu’th monyjwam bana jin wuna ana a’di i isi ṯwa/a/ mo mmoṯel sho’k mo ntagi ’pemen mo,

IBRANIYIIN 4:14

Me’d jin takina ana ka dhana gasiis jin caaca mo, a’di jin peki’d ki tur mo eya ris momis mo, a’di jin ta’da Yesus mo, jin ta Ya/ ma Arumgimis mo tani, dhalki ana budha a’di ki ri’d mo mmoṯel sho’k mo e gwom bana jin pina ana mo be.

BUṮERUS SU/ 3:17

Wakan um gun enu mo mmomisha um a’di nṯwa/a/ mo tani jiyi mo ki e mo isi ciki/ mo ki um minu ’koki ’de’k shoki mis mo ki gwo jin thamu mo ’peni ’kwani kun ush gwoŋḵan mii mo dhali this mom bum gana/ jin ṯela um sho’k e mo.