P̱ILIBBI 3:5 - Uduk New Teatament and OT Portions

⁵ Aha/ ’ciṯẖkunuwa munyjal yis mo ka cim pekwara mo dhali aha/ tana wathi/ ’peni ’Kwani ma Israyiil mo dhali aha/ tana ja waḵ ma Benyamiin mo, dhali aha/ tana ji Ibraniyiin mo jin dhodhu e ’Kwani ma Ibraniyiin mo be. Me’d gwo gi gwoŋḵan jin c̱inu ki ’Kwani P̱arisiyiin mo tani

P̱ILIBBI 3:5 Iomraidhean Croise

ṮAKWIIN 14:13

Dhali yan’ko’d jan ’de/ jin yeki’d mo tani a’di p̱u’dki’d mo dhali a’di ki ṯora Abraam, a’di jin ta ji Ibraani gwo mo, a’di jin diki’d mmoc̱a’b mo e ’ko’d gwar gi dhan cwa jin wana e ka ’kwaṯṯan ma Mamra mo, a’di jin ta wathi/ gi Pa Amuur mo, jin ta’da kam ma Ashkuul mo dhala Anir mo. Uni ta imangam gwo me’d mo nyaḵka Abraam mo.

ṮAKWIIN 17:12

Dhali a’diyin jin di’di bwaman um mo jin ta’d ga cim pekwara mo tani a’di iminu mii ’ciṯẖa/ munyjal yis piti mo, aris gwasani ’baar ka ’deṯe/ ’deṯe/ mo eya ris nyaḵum yil gi ’kwanim bum mo waḵki/ a’di dho’thkunu mo e gu’b pini mo walla a’di yolkunu mo ka guurush pini mo ’peni ’kwanin tiya kun ’koki ta ji gi emen pini mo.

ṮAKWIIN 40:15

Haali/ aha/ ka jiŋ gana/ ḵwalkunu mo ’peni Paŋ ’Kwani Ibraan mo dhali e mahan si’da/ mo tani aha/ dinaki mii toŋ kamu/ mo jin mina uni kar aha/ e jisa ’tum yan mo.

ṮAKWIIN 41:12

Dhuru’c wathi/ Ibraan yan diki’d nyaḵki aman imun mo a’di jin ta’da manmii wathi/ jin ca’da ṯu’c mo gom a’di jin ji’da ji mo. Dhali ki aman a’di ṯorkina a’di gwo mo tani a’di ṯorki ’pemen jan bam mo. A’di theke’thki ’pemen jan ṯor ki ’bore/ e ’kwani su/ gwan isi me’d jan buni mo be.

LUUKA 1:59

Dhali ka cim ’koni pekwara mo tani uni p̱u’dkin mo mmo’ciṯẖa/ ’ciya munyjal yis mo, dhali uni mini ’taki yer a’di gway ka Sakariyya ’ko’di gway gi com mo,

LUUKA 2:21

Dhali ki mo thimi’d mo ka cim pekwara mo tani ki a’di ’ciṯẖkunuwa munyjal yis piti mo tani a’di yerkunu gway ka Yesus mo, gway jin c̱ikin ma man’doyu gwo mo nṯwa/a/ ki a’di ’kokunu mo mmobwaa mo e bwa mo be.

LUUKA 5:38

Hili yimana mura’th this minu mii kar mo e ḵucaŋ this mo be.

MII GUN MIINU MO 22:3

Aha/ tana ji Yahuuda/ jin dhodhu mo e Pan Tharsuus gi Paŋ Kilikiyya mo dhali hili aha/ thip̱kunu e bampa/ yan em bwam sho’k ma Ghamala/iil mo be. Dhali aha/ ye’thkunu sho’k ki gwo mo gom mii gi gwoŋḵan jin c̱inu mo kun ta kuny ji sho’k mo ’peni ibabam bana mo be dhali aha/ shwanaa nyor mo goma Arumgimis si’da/ me’d umi ’baar mo kun ’kokin shwanetan mo.

MII GUN MIINU MO 23:6

Hili ka Buulus nyiṯẖki’d ki ’bana ’de/ ta ji gi ’Kwani Sadukiyiin mo dhali ’bana kamu/ ta ji gi ’Kwani P̱arisiyiin mo tani a’di cuuki’d mo e montul is yan mo ki: Iwaḵ pema aha/ tana Wathim P̱arisi mo jin ta ya/ gi ’Kwani P̱arisiyiin mo be dhali gom mo jin tanu ga ’teŋ kap̱e/ mo dhali gom mompinu ’peni mowu mo tani aha/ yuḵkunu mo gom gwondoṯ yan mo.

MII GUN MIINU MO 6:1

Dhali ka cim gwansan ki mondeŋu gi imanciḵ gwo ’kokunu mo mmomar is mo tani ’Kwani Yahuuda/ ’peni Paŋ Griḵi miikina gumgum ap̱o/ ’Kwani Ibraniyiin mo haali/ up̱ buni kun wuna ikaṯẖim buni mo tani miikunu ka p̱iny is mo e mo jin miinu to ka yempa/ mo.

RUUMIYA 11:1

A’di doṯka/ gwo doḵ/e mo ki: Arumgimis waḵki ’kwanim piti mo ’taa? Dhalku/ ki ṯosh kan. Aha/ ki is pem tana Wathi/ ma Israyiil mo, emen ma Ibrahiim mo, dhali aha/ tana jim ma waḵ ma Benyamiin mo be.

KURINṮH̱UUS SU/ 11:22

A/uni ta ’Kwani Ibraniyiina? Wakan aha/ garayi. A/uni ta ’Kwani ma Israyiila? Wakan aha/ garayi. A/uni ta emen ma Ibrahiima? Wakan aha/ garayi.