P̱ILIBBI 3:3 - Uduk New Teatament and OT Portions

³ Haali/ ana tana uni gun ’ciṯẖuwa munyjal yis gana/ mo ana gun luŋa Arumgimis ki shi/in mo dhali monyca eya Ḵrisṯẖos jin ta’da Yesus mo dhali mmo’koki dhu buŋgwar is e buŋgwar is mo.

P̱ILIBBI 3:3 Iomraidhean Croise

GWAY GI IDAWUU’D 105:3

Cayi mo e gway piti jin ḵogu mo. Dhalka du gi uni gwansan kun simmki Tap̱a e mo tani ’kunya bwa mo.

RUUMIYA 1:9

Haali/ Arumgimis ta’da aman/o gwom pem mo a’di jin miiga/ to ki shi/in pem mo e gwom ’borga/ gi Ya/m piti mo, haali/ aha/ yera um gway ka yempa/ mo e mon’thom pem ki dar gi mondaḵ mo be.

RUUMIYA 15:17

Wakan eya Ḵrisṯẖos jin ta’da Yesus mo tani aha/ tana gi ’kup̱ gwo mo mmokar is ki ca mo goma ṯu’c pem goma Arumgimis mo be.

RUUMIYA 7:6

Hili shwane/ ana ’cuḵkunu mo ’peni gwoŋḵan jin c̱inu mo. Ana wukina mo gom a’di c̱aan jin bu’thki ana ki c̱iŋkina/ mo, ki ana mina ’koki mii to ki gwoŋḵana dhamo/ jin ’kwarkunu mo, hili ki ana mina mii to ki mondiki/en this gi Shi/in mo be.

RUUMIYA 8:15

Haali/ um ’koki bu’th shi/in mmota c̱iŋkina/ doḵ/e mmobiṯ mo e mo ma ḵo/ is mo. Hili um bu’thki shi/in mmota iya/ mo. Me’d jin gwokina ana mo ki: Abba Ababa.

RUUMIYA 8:39

walla montur walla moŋ’kul walla toŋ kamu/ ṯal ’de/ jin uḵu mo tani midi mol ana bwa ḵwa/ ’peni mo/en ma Arumgimis jin di’d eya Ḵrisṯẖos jin ta’da Yesus Tap̱am bana mo be.

RUUMIYA 9:6

Hili a’di yisa ta gwo ma Arumgimis jin ushki me’d mo yisa. Haali/ uni ’baar gun piyin ’peni uc̱i ma Israyiil mo tani ta uniŋ gana/ ma Israyiil yisa.

KURINṮH̱UUS SU/ 11:18

Me’d jin tana ’kwani aris ka ris kun dhu ’ba/ ki ca mo gom to ga ’cesh mo tani aha/ gara/ mina kar ’ba/ ki ca mo be.)

GALATHIYYA 5:25

Waḵki/ ana ’kona e Shi/in mo tani dhalki ana si’da/ iina e Shi/in mo.

GALATHIYYA 6:16

Moŋḵu’th is dhali momiimii mini ’ko ap̱o/ umi ’baar mo, um gun iikin mo e gwoŋḵan yansan mo, ap̱o/ um gun ta ’Kwani ma Israyiil kun ta ku ma Arumgimis mo be.

EP̱ASUS 6:18

Thoyi isa yempa/ e Shi/in ka risa ’tho mo dhali ka di’b is jin di’bu/ mo, ki um mini ’dim ’kup̱ mo ki montim mo mo mmodi’ba di’b is goma ris uni ’baar mo kun dhunu ki she/ ki dhelel dhelel mo be.

P̱ILIBBI 1:1

ABuulus dhala Ṯimuṯẖawuus kun ta c̱iŋkina/ goma Ḵrisṯẖos jin ta’da Yesus mo. E uni ’baar mo kun dhunu mo ki she/ ki dhelel dhelel eya Ḵrisṯẖos jin ta’da Yesus mo, e uni gun ’kon mo e Pam P̱ilibbi nyaḵki ’kwaniŋ gwanyjaḵa/ ma ḵaniisa dhali uni gun cila to hil mo.

P̱ILIBBI 3:12

Yisa mmobu’thkika/ to yansan mo hila/ walla mmowarki jim ’borgaŋ gana/ mo hila/, hili aha/ dina mmo/ur a’di mo mmomiga/ bu’th a’di jin bu’thkin ma Ḵrisṯẖos jin ta’da Yesus aha/ mo, mmokar aha/ mo mmota jim piti mo be.

P̱ILIBBI 3:14

aha/ gusa ur to i’ko’d mo e mo jin tanu gi ’kup̱ to mo mmogam ’kup̱a ŋwa ’pena yuḵ ma Arumgimis ’peni momis mo eya Ḵrisṯẖos jin ta’da Yesus mo be.

KULUSSI 2:11

Dhali e a’di mo si’da/ um ’kokunu mo mmo’ciṯẖa/ munyjal yis mo ka munyjal yis jin ’ciṯẖu/ ki dar gi me’d mo, ki mii jin dhalu buŋgwar is gi shuman is ’pen mo e mo ma munyjal yis jin ’ciṯẖu/ jin ta ji ma Ḵrisṯẖos mo.

YAHUUSA 1:20

Hili um gun enu mo tani nyaŋi is bum ap̱o/ moŋgam gwo is jin ḵoguwa ḵo/ mo dhali ’thoyi e Shi/in Dheleladhelel mo ma.