P̱ILIBBI 3:2 - Uduk New Teatament and OT Portions

² Jiyi a’ka ki e ki ’bore/ mo ma. Dhali jiyi uni gun mii tonthus ki e ki ’bore/ mo ma. Jiyi uni gwansan ki e ki ’bore/ mo ma kun ’ciṯẖi/ buŋgwar is is mo.

P̱ILIBBI 3:2 Iomraidhean Croise

GWAY GI IDAWUU’D 119:115

Iiku/ mo ’peni aha/ mo um kun mii to kun ta thus ki thus mo, ki aha/ mina ’taki dhu gwoŋḵan ma Arumgimis pem kun ’kwarkunu mo.

GWAY GI IDAWUU’D 22:16

Nye, arisa ’ka uni ’kamki aha/ mo. Imanŋali ’pen kun mii tonthus mo tani uni hamki aha/ mo. Uni su’kki me’d pem dhali sho’k pem mo.

GWAY GI IDAWUU’D 22:20

’Cuḵa ḵashiram pem ’pena ris gandal gun kaaka mo ma, dhali mondiki/em pem ’peni mom’bi’th ma ’ka mo.

MAṮṮA 24:10

Dhali yan’ko’d ’kwanin tiya ka ris mini ye gwo is mo dhali waṯ tiya gway ka rem ’kup̱ mo dhali shi/a ashim bwa i is ka rem ’kup̱ mo be.

MAṮṮA 7:15

Jiyi imanc̱i gwonthus ki e ki ’bore/ mo ma uni gun p̱u’dkin mo e um mo mmohitha mur ḵa’bali is mo, hili e bwaman ma du mo tani uni tana wu gun pitili to ki she/ mo be.

MAṮṮA 7:6

Dhalku/ ki c̱iya ’ka to jin ḵogu mo dhali dhalku/ ki biṯ dhemam bum mbwambori ḵuthar mo, hili isi ciki/ ki uni mini sa uni ki sho’k mo dhali ṯu’k mo mmo’kosh um mo be.

RUUMIYA 2:28

Haali/ a’di diki ta Wathi/ Yahuudaŋ gana/ jin ta’da p̱or ma pije/ mo be. Dhali mo ma munyjal yis jin ’ciṯẖuŋ gana/ mo diki ta jim p̱or ma pije/ mo dhali jim buŋgwar is mo be.

KURINṮH̱UUS SU/ 11:13

Haali/ ’kwani gi wakan ta uni gun dhunu ki she/ mo gun ta thus mo dhali imanmiiya ṯu’c gun he’kkina he’k e mo, kun warki is buniŋ gana/ ki uni ma Ḵrisṯẖos kun dhunu ki she/ mo.

GALATHIYYA 5:13

Haali/ um yuḵkunu mo mmo’ko ki ’kus mo iwaḵ mo. Dhali dhalku/ ki bu’th mom bum jin ’kona um ki ’kus mo mmota shi/ embula ’borga/ mo gom buŋgwar is mo. Hili e mo/en mo tani tayi imanmii to ka rem ’kup̱ mo ma.

GALATHIYYA 5:15

Waḵki/ um ki shila shil ki she/ mo dhali losa los ka rem ’kup̱ mo tani hil ki ’bore/ ki um minu ’koki ’ce’d sho’k ka rem ’kup̱ mo be.

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

P̱ILIBBI 3:19

’Pemen buni ta mony’ce’d sho’k mo dhali arum buni jin luŋa uni mo tani ta bwa mo dhali uni caki can thus e mon’the is buni mo ki bwa jin dhuna uni ki to ga ’cesh mo be.

P̱ILIBBI 3:3

Haali/ ana tana uni gun ’ciṯẖuwa munyjal yis gana/ mo ana gun luŋa Arumgimis ki shi/in mo dhali monyca eya Ḵrisṯẖos jin ta’da Yesus mo dhali mmo’koki dhu buŋgwar is e buŋgwar is mo.

ṮIMUṮH̱AWUUS ’DE/ 1:19

mmoṯel moŋgam gwo is sho’k mo dhali ’twa/ ma duŋ gana/ mo. Mmo/ush gwo ’peni ’twa/ ma du mo tani ’kwanin tiya pwaṯẖki moŋgam gwo is buni mo.

TIITHUS 1:16

Uni ṯorki gwo ki ’twa/ ki uni mishkina Arumgimis mo tani uni waṯki a’di gway ki miim buni mo be. Uni waḵkunu ki waḵ jin shi/ashi/ mo gom bul buni mo dhali uni ta iman/ush gwo ha e mo dhali uni ha me’d gom ari tom ’boro’da kamuwa?

BUṮERUS SU/ 2:22

A’di p̱u’dki’di uni mo isi ki gwoŋ gana/ mo jin onu ’pena dhamo/ mo ki: A’ka laḵki ya/ piti ka nyaŋ’ko’d jin ya/kina a’di mo, dhali kuman ḵuthar up̱kunu yi’de/ mo jasi mmo’daŋkali bwam boro’th jin ’dorotha’doro’th mo be.

YAHUUSA 1:4

Haali/ ’kwanin tiya ’kokin ka ḵwal is mo kun gam bway mo mmose mo, uni gun ’kokin kadhamo/ mo kun ’kawurkunu mo gom miiwaḵ yansan mo be, uni gun ta ’kwani gun ushkina Arumgimis mo, uni gun ṯu’kkina ’the ma Arumgimis bana mo mmota mii gun ’kanuwa ḵanthi/ mo dhali mmowaṯ gway gi Tap̱a jin di’d ’de/ mo, a’di jin ta Tap̱a Yesus bana mo be.

GWO JIN ’CEENU MO 2:9

Aha/ misha monṯo’c bwam pini mo dhali aha’th’ko’d pini mo tani (hili /e ta pa ki pa mo) dhali uni gwansan kun thu’thkina thu’th ’pen mo kun oki uni ta ’Kwani Yahuuda/ mo tani dhali uni yisa ta uniya, hili uni tan gi gu’b gi montul is ma Seṯaan mo be.

GWO JIN ’CEENU MO 21:8

Hili gom uni gun tana shi/iny jwa mo dhali uni gun dar gi moŋgam gwo is mo, dhali uni gun wali gwo sor mo, dhali uni gun ta iman’kosha mee mo, dhali uni gun ta imanha’k ’pen c̱eŋ gwas mo, dhali uni gun ta imanmii mii ma rum mo, dhali imanluŋ tomp̱inycon mo, dhali aris uni gun tana ṯor mo tani tom buni di’d jin midi ’bag uni e mo eya al o’d mo jin purki’d ki o’d mo dhali to jin si’du mo si’da/, a’di jin ta wu jin ’kon ma p̱o/i su/ mo be.

GWO JIN ’CEENU MO 22:15

Apije/ mo tani arisa ’ka ’kokin mo dhali uni kun mii mii ma rum mo dhali uni gun ha’k ’pen c̱eŋ gwas mo dhali iman’kosha mee mo dhali imanluŋ tomp̱inycon mo dhali aris ’kwani ’baar ka ’deṯe/ ’deṯe/ mo, uni kun enina en thus mo dhali boṯki mii gi imanc̱i gwonthus mo.

GWO JIN ’CEENU MO 3:9

Hili mo mo ma, aha/ mina dhu uni gwansan kun ta ku gi montul is ma Seṯaan mo, uni gun oki uni ta ku gi ’Kwani Yahuuda/ mo dhali uni ta uni yisa, hili uni tana ṯor mo – hili mo mo ma, aha/ mina dhu uni mmop̱u’dku/ mo dhali luŋ ki jiŋ ’kup̱a’dup̱uni bwambori sho’k pini mo, dhali da/ar gwo mo ki aha/ enkina /e mo be.