P̱ILIBBI 2:3 - Uduk New Teatament and OT Portions

³ Dhalka aŋkirre/ ki mii mo mmota ham ’kus mo walla mmodhu is ki ’kwanim pa mo. Hili mmodhu is ki gwa’d mo mmohil ci i e ki ’bore/ mmobol is bumi e mo.

P̱ILIBBI 2:3 Iomraidhean Croise

LUUKA 18:14

Aha/ ṯora um gwo mo ki: wathi/ yansan yaki’d ka luŋgu’b bway gu’b piti mo ki mo ma ḵar/e mo, ma mo dhalka kamu/ mo. Haali/ aris ’kwani ’baar mo ka ’deṯe/ ’deṯe/ mo kun dhu is buni ki ca mo tani uni minu dhu ki gwa’d mo, hili a’di jin karki is piti ki gwa’d mo tani minu kar ki ca mo be.

RUUMIYA 12:10

Eni ka rem ’kup̱ mo mmota ikam gana/ mo dhali tayi ashu/um bway mo mmotaḵa taḵ ka rem ’kup̱ mo mmoṯor montaḵ mo.

RUUMIYA 13:13

Dhalki ana miina ki is bana ki dher mo ma, me’d jin miinu e montee mo. Yisa mmomii ki ra’b e moŋ’kup̱a su mo dhali e mo jin ’kosh ma suwa ’kosh mo. Yisa e mo jin tanu dhora su dhali e mo jin kanuwa kanthi/ mo. Yisa e mo jin waluwa wal mo dhali e mo jin tanuwa ṯacum bwa mo.

RUUMIYA 2:8

Hili anyor midi di mo dhali mo jin ḵa/aḵa/ si’da/ mo gom uni gwansan kun ta ibiriŋ gwo mo dhali kun ush gwoŋ gana/ ha e mo mmomii mo hili uni ha gwon ton thus e mo mmomii mo be.

KURINṮH̱UUS ’DE/ 15:9

Haali/ aha/ tana a’di jin p̱isi’d ki uni gun dhunu ki she/ mo, mmodika/ ki ha me’d mo jin minu yuḵ aha/ ki a’di jin karu ki she/ mo haali/ aha/ ṯo’ckina aḵaniisa ma Arumgimis bwa mo be.

KURINṮH̱UUS ’DE/ 3:3

Haali/ um ’kon mmo’ko mo naskina/ gom buŋgwar is mo. Haali/ kan mo, mo jin tanu dhap̱an di’d naskina/ e um mo dhali mo jin biruwa bir e bwaman um mo tani ’kona um ki ta ku gi buŋgwar is mo ’taa? dhali mmomii to me’d ’kwani kun ’konuki aḵ mii e mowa?

KURINṮH̱UUS SU/ 12:20

Haali/ aha/ ḵo/kina is mo ki aha/ wari mina ’taki p̱u’dku/ mo dhali gam um me’d jin dika/ ki o bwayi, dhali ki um mini ’taki gam aha/ me’d jin mina um i’koki o bwa moyi. Wakan wari ki mo jin waluwa wal midi di mo walla bwan dhap̱an mo walla mo ma nyor mo walla mii jin miinu ka ham ’kus mo walla mo jin thudhuwa thu’th ’pen mo walla mo ma le’d jin tanu mo walla mo jin ’theḵu ’ba/ mmis mo walla mo ma dulaṯṯ jin miinu mo.

GALATHIYYA 5:15

Waḵki/ um ki shila shil ki she/ mo dhali losa los ka rem ’kup̱ mo tani hil ki ’bore/ ki um minu ’koki ’ce’d sho’k ka rem ’kup̱ mo be.

GALATHIYYA 5:26

Dhalki ana nona is bana mo ki c̱oṯ c̱oṯ mo walla rukunya rukuny ’kup̱ ka rem ’kup̱ mo walla ta dhap̱an ka rem ’kup̱ mo.

EP̱ASUS 4:2

ka ris mii kun dhunu is ki gwa’d mo dhali ki mii ma ’thup e mo, ki bwa jin ’kuc̱u ki ’kari’th mo, mmothonkina uma thon me’di ’ko’d ka rem ’kup mo e mo/en mo

EP̱ASUS 5:21

’Dap̱i ki me’d ka rem ’kup̱ mo ki moŋḵo/ ma Ḵrisṯẖos mo.

P̱ILIBBI 2:14

Miiyi aris to ’baar mo ki dar ga gumgum mo ma walla ki gwo jin doṯuwa doṯ mo.

KULUSSI 3:12

Wakan, hithi ma mii gwansan mo, me’d uniŋ gana/ kun kwanykin ma Arumgimis mo, um kun dhelelkin mo dhali kun enu mo, mii gi wakansan mo kun ta mii kun ḵwojuwa ḵwo’c e i is mo dhali mii kun miinu ki bwaŋkush mo dhali mii gun dhunu is ki gwa’d mo dhali mii kun miinu ka ’thup̱ e mo dhali mii kun ’kuc̱u bwa ki ’kari’th mo,

KULUSSI 3:8

Hili shwane/ dhuyi uni ’baar mo ’pen ka pije/ mo, mii ma nyor mo, dhali anyor jin deḵki’da deḵ mo, dhali mii gun dup̱a dup̱i e mo dhali mo ma thu’th ’pen jin thudhu ka sor gun walu mo dhali gwo nyogga/ ’peni ’twam bum mo.

ṮIMUṮH̱AWUUS ’DE/ 6:4

a’di yin seki’d ki ’pura/ ’pura/ mo, ki ’ba/ jin karu ki ca mo. A’di diki mish toŋ kamu/ mo. A’di ta’d gi ’ba’th jin ’kosh a’di mo mmo’kosh ’daŋ gwo mo mmodoṯa/ doṯ mo dhali gom gwo jin sugu ki gwo mo, a’di jin wagaski miin dhap̱an mo, dhali mii kun biruwa bir mo, dhali mii kun thudhuwa thu’th ’pen mo dhali mmoṯosh gwon thus eya du ap̱o/ ’kwanin tiya mo

BUṮERUS ’DE/ 3:8

Ḵwalany ’te/ be. Aris umi ’baar mo, tayi gi mo jin gamu gwo me’d e shi/in mo, dhali ḵoci e mo, dhali eni iwaḵ bum mo, dhali tayi ka duŋ ’ka’dga/ mo dhali bwa kun dhunu ki gwa’d mo.

BUṮERUS ’DE/ 5:5

Wakan si’da/ um gun ta dhuru’c mo ’dap̱i um ’twa/ mo e ’kwani kun ta gwanyjaḵa/ mo. Shumi is bum mo, aris umi ’baar mo, ki mo jin dhunu is ki gwa’d ka ḵarambuye/ ka rem ’kup̱ mo, haali/ Arumgimis ceshki mo mo gom uni gun dhu ’ba/ ki ca mo, hili a’di ki c̱iya ’the gom uni gun dhu is buni ki gwa’d mo be.