LUUKA 8:3 - Uduk New Teatament and OT Portions

³ dhala Yuwanna jin ta ash ma Ḵusi jin ta’da mandhu to goma Hirodus mo dhala Susanna mo dhali unin tiya ka ris mo kun c̱i to ’peni tom buni kun mina uni mii ta mo.

LUUKA 8:3 Iomraidhean Croise

MAṮṮA 14:1

Dhali ka tee c̱aan mo tani Hirodus jin ta’da rub ra/iis ciḵki gwo goma Yesus mo be.

MAṮṮA 14:3

Haala Hirodus bu’thki’da Yohaan mo dhali deḵ a’di mo dhali kar a’di eya sijin mo gom gway ma Hirodiyya mo ash ma kam piti ka P̱ilibbus mo be.

MAṮṮA 14:6

Hili ka cim jin dhodhuwa Hirodus p̱u’dki’d mo tani ’bwa/ ma Hirodiyya saki’d mo mbwambori ’kwani mo dhali a’di ’boro’da Hirodus bwa mo be.

MAṮṮA 2:11

Dhali ki uni iiki bway bwaŋ gu’b mo tani uni p̱arkina ’ci e mo nyaḵka Mariyam jin ta kum mo dhali uni ṯa’kkina ’cesh mo dhali luŋ a’di mo. Dhali yan’ko’d uni ki ḵa’d tom buni gun ish ḵumma/ ’twa/ mo tani uni ki c̱i a’di to kun c̱inu ki me’d mo, ’dolkon gana/ mo dhala ’bicajwahar mo dhala ’bi’c cwa jin yuḵu ka murr mo be.

MAṮṮA 20:8

Dhali ki mom’pimpili/ p̱u’dki’d mo tani com gi monsinu o’da mandhu tom piti gwo mo ki: Yuḵi imanmiiya ṯu’c mo dhali c̱i uni tom buni gun miina uniya ṯu’c mo mmoṯel ’pen nyaḵki uni gun ’ko’d mo ntagi uni kun ’koni ṯwa/a/ mo be.

MAṮṮA 25:40

Dhali aMaliḵ ki thoḵ uni gwo mo ki: Ka jiŋ gana/ aha/ ṯora um gwo mo ki: Me’d jin miina um a’di gom a’din ’deŋ kamu/ jin p̱isi’d mo ’peni ushi uni gwansan kun tana waḵ pem mo tani um miiki a’di gom aha/ mo be.

MAṮṮA 26:11

Haali/ um isa yempa/ tan gi ’kwani kun hatha’ko’d kun ’kon e um mo. Hili um mini ’koki ta gi aha/ ki sule/ mo be.

MAṮṮA 27:55

Wakan si’da/ up̱ ’kokin ka ris mo mmun mmohil mo ’pena dhana/ mo, uni gun baṯẖkina Yesus nsho’k mo ’peni Pany Jaliil mo mmota imanmii a’di to mo be.

LUUKA 24:10

Dhala Mariyam Magdaliyya dhala Yuwanna dhala Mariyam jin ta KoYakuub dhali up̱a tiya mo nyaḵki ’ko ki uni mo uni gun ṯori to gwansan e uni gun dhunu ki she/ mo.

YOHAAN 12:6

Gwo yansan ona a’di, yisa mmotan ma du a’di pa yisa gom ’kwani kun hatha’ko’d mo, hili haali/ a’di ta’da ’di/ mo, dhali mmotana a’di ka jisilaan ma guurush mo tani a’di ki pil mo ki ’pen mo mmo’do uni mo.

MII GUN MIINU MO 13:1

Dhali kun tiya ’kon e Pa Anthaakiya eya ḵaniisa jin di’d imun kun ta imanc̱i gwo mo dhali imanṯor gwo mo: iBarnaaba dhala Simaan jin yuḵu ka Nijar mo dhala Luḵiyus gi Paŋ Kerawaan mo dhala Manaayin jin ta’da amannyaḵ c̱a’b ka Hirodus jin ta’da mudhiir dhala Shawuul mo.

KURINṮH̱UUS SU/ 8:9

Haali/ um mishkina ’the gi Tap̱a Yesus Ḵrisṯẖos bana mo, ba ki a’di ta pa ki pa mo tani a’di warki’d ka ha’th’ko’d gom gway bum mo. Wakan ki mo ma ha’th’ko’d piti mo tani um mini war ki uni gun ta pa ki pa mo be.

P̱ILIBBI 4:22

Aris uni kun dhunu ki she/ ki dhelel dhelel mo tani theki um me’d mo uni gun mumki ’ko mo e gu’b ma Kaysar mo be.

ṮIMUṮH̱AWUUS ’DE/ 5:10

Dhala yim minu mii o gwo maŋ mo gom miim ’borga/ ma yim mo me’d jan ’de/ jin thip̱ki uc̱i mo mmoṯor mii jin minu ta gu’b piti ŋal mo, mmolam uni kun dhunu ki she/ ki dhelel dhelel sho’k mo, mmowoṯẖa/ woṯẖ mo gom uni kun ṯoju ’kus mo, dhali is ma yim jin kara a’di ka gayiin mo mmomii mii kun ’boron eya ris ’twaŋkal kuku/ mo.