LUUKA 7:9 - Uduk New Teatament and OT Portions

⁹ Ka Yesus ciḵki gwo yansan mo tani a’di merki’d mo gom a’di mo dhali a’di ki ṯuka bor mo dhali owa waambuhany ’kwani gwo mo kun baṯẖi a’di nsho’k mo ki: Aha/ ṯora um gwo mo ki aha/ dinaki gam jan ’deŋ kamu/ e ’Kwani ma Israyiil jin ta’d gi moŋgam gwo is jin wakansan mo be.

LUUKA 7:9 Iomraidhean Croise

MAṮṮA 15:28

Yan’ko’d Yesus ki thoḵa yim gwo mo ki: Ayy, a’bom, dhan moŋgam gwo is pini caaca mo. Dhalki a’di miinu mo gom /e mo me’d jin dina a’di /e e bwa mo. Dhali ’bwa/m piti wac̱kunu hila/ mo be.

MAṮṮA 8:10

Ka Yesus ciḵki gwom piti mo tani a’di merki’d mo dhali o uni gwansan gwo kun baṯẖi a’di nsho’k gwo mo ki: Ka jiŋ gana/ aha/ ona um gwo mo ki: Jan ’deŋ kamu/ yisa di’da e ’Kwani ma Israyiil jin gamkika/ jin ta’d gi moŋgam gwo is gi wakansan mo be.

MAṮṮA 9:33

Dhali ka rum thus urkunu ka pije/ mo tani wathi/ jin ta’da ’diye/ oki gwo mo dhala waambuhany ’kwani merkin mo mmo/o gwo mo ki: Toŋ kamu/ yisa di’da jin p̱aru e mo wakansan ’thissa/ mo e ’Kwani ma Israyiil ki sule/ mo be.

LUUKA 7:10

Dhali uni gwansan kun hashkunu mo tani uni doḵki bway pa mo ka nyaŋ’ko’d mo tani uni gamki c̱iŋkina/ ’borkina is mo be.

LUUKA 7:50

Dhali a’di ki owa ’bom gwo mo ki: Moŋgam gwo is pini a’di woṯẖki /e mo be. Yaku/ ki moŋḵu’th is mo ma.

LUUKA 7:8

Haali/ aha/ tana wathi/ jin karkunu ’ko’d e moshirr mo dhali i/askar ’koni me’d pem mo dhali aha/ okina jan ’deŋ kamu/ gwo mo ki: Yaku/ mo ma tani, dhali a’di yaki’d mo be, dhali e jaŋ kamu/ ki: Yayu/ mo ma tani, dhali a’di yaki’d mo be. Dhali e c̱iŋkinam pem mo tani ki: Miiyi to yansan mo ma tani, dhali a’di miiki a’di mo be.