LUUKA 7:2 - Uduk New Teatament and OT Portions

² Dhala mancil ma askar iss ’kwanimpa imudhe’d mo a’di ta’d gi c̱iŋkina/ jin kara a’di ki jiŋ ŋa/ mo tani a’di ’ba’thki’d mo dhali ’disha ’twa/ mmowu mo be.

LUUKA 7:2 Iomraidhean Croise

ṮAKWIIN 24:27

Dhali a’di ki o gwo mo ki: Mom’bor mii gom Tap̱a mo a’di jin ta’da Arumgimis gi tap̱am pem ka Ibrahiim mo, a’di jin diki dhal mo/en piti ’pen mo dhali mii ma isiŋ gana/ ’kup̱ ki tap̱am pem mo. Dhali gom aha/ tani Tap̱a ki shu aha/ bway gu’b gi ibas gi itap̱am pem mo.

ṮAKWIIN 35:8

Dhala Dabuurah jin ta’da manhila Rip̱ka mo a’di iwuki’d mo dhala yim a’di kankunu mo e ’peny cwa ma c̱aww e mo jin di’d ka luŋgu’b ki Pam Beeṯ/iil mo. Wakan a’di iyuḵkunu a’di gway mo ka Alluun Bakuut mo.

MAṮṮA 27:54

Dhali ka mancil ma askar iss ’kwanim pa mmudhe’d dhali uni gwansan kun nyaḵ ’ko ki a’di mo tani uni rashkina Yesus tim mo mmop̱ar mony’cesh e mo mmoyiḵin is mo dhali to gwansan kun bu’thki embul mo mo tani uni ’tu’dkunu mo ki moŋḵo/ is mo dhali o gwo mo ki: Ka jiŋ gana/ yansan ta Ya/ ma Arumgimis mo be.

LUUKA 23:47

Dhali ka mancil ma askar iss ’kwanimpa imudhe’d p̱arki a’di jin bu’thki mo e mo tani a’di maŋki’da Arumgimis mo dhali o gwo mo ki: Ka jiŋ gana/ wathi/ yansan a’di di’d ka p̱o/ mo be.

LUUKA 7:1

’Ko’di a’di ’baarki’da ris gwom piti jin okina a’di mo e bwany’ceŋ ’kwani kun ciḵ gwo mo tani a’di cic̱ki’d mo e Paŋ Kap̱ranahuum mo.

LUUKA 7:3

Dhali ki a’di ciḵki gwo goma Yesus mo tani a’di hashki a’di ’kwaniŋ gwanyjaḵa/ gi ’Kwani Yahuuda/ mo mmodoṯ a’di mo mmoyayu/ mo dhali mmowac̱ c̱iŋkinam piti mo be.

LUUKA 8:42

Haali/ a’di ta’d gi jasi ’bwa/ jin di’d ’deŋ gana/ mo. A’di ’kona yili ’kume’d i’ce’dka su/ mo ki cam piti mo dhali ayim muru’di wu mo be. Ki a’di yaki’d mo tani ’kwani ḵalki a’di ka bor mo be.

MII GUN MIINU MO 10:1

Dhali wathiŋ kamu/ diki’di Paŋ Kaysariyya jin yuḵu gway ka Karniliyuus mo jin ta’da mancil ma askar iss ’kwanim pa mudhe’d mo ki mo jin yuḵu ki mo jin jin ma askar aji eya Ithaliyaan mo be.

MII GUN MIINU MO 10:7

Dhali ka man’doyu gwo jin ṯor a’di gwo yaki’d ’peni a’di mo tani a’di yuḵki imanmiiya ṯu’c gi gu’b piti isu/ mo dhala askara kamu/ ’peni uni jin ta’da gayiin mo jin c̱or a’di ki sule/ mo tani

MII GUN MIINU MO 22:26

Dhali ka mancil ma askar iss ’kwanim pa imudhe’d ciḵki a’di mo tani a’di yaki’d eya mancil ma askar alip̱ mo dhali ṯorki a’di gwo mo mmo/o gwo mo ki: Ata mura /e imii mo? Haali/ wathi/ yan ta ji gi Pa Ruumiya mo be.

MII GUN MIINU MO 23:17

Dhala Buulus yuḵki jan ṯal ’de/ e a’di mo ’peni imancil ma askar iss ’kwanim pa imudhe’d mo dhali oki gwo mo ki: Susi washan dhuru’c yan eya mancil ma askar alip̱ mo ma haali/ a’di ta gi toŋ kamu/ mmoṯor a’di mo.

MII GUN MIINU MO 27:1

Dhali ki gwo gamu me’d mo jin mina amani ’taki ii eya ḵur yi’de/ jin bela ’tham ki bway gi Pa Ithaaliya mo tani uni c̱ikina Buulus mo dhali uni ahabuusa tiya e me’d ma mancil ma askar iss ’kwanim pa imudhe’d mo jin yuḵkunu gway ka Yuliyuus mo ’peni mo jin jin ma askara ji eya Ughusthus mo.

MII GUN MIINU MO 27:3

Dhali ka cim jiŋ ’ko’d mo tani am takina Pan Saydaa/ ki me’d mo. Dhala Yuliyuus mii’da Buulus me’d wathimpa mo dhali mmodhal a’di bway mo mmoya mo e ikam piti mo dhali a’di ta wathimpa ki is piti mo be.

MII GUN MIINU MO 27:43

Hila mancil ma askar iss ’kwanimpa imudhe’d mo tani a’di dina gwo ibwa mmokara Buulus ki ’dantar mo tani a’di nonki uni mo ’peni gwo kun ’ko uni ibwa mo dhali ḵanki gwo mo ki uni gun mishi yi’de/ kaŋ mo mini posh is buni eya dhan yi’de/ mo dhali p̱u’di mony’ceshi ṯwa/a/ mo.

KULUSSI 3:22

C̱iŋkina/ kun yoluwa, hayi gwo e eya ris to ’baar mo gi uni gwansan kun ta tap̱am bum mo e mony’cesh mo, yisa ki mii kun miinu e jis/eŋ ’kwani mo mmo’bor ’kwani bwa mo ’te/ yisa, hili ka dun ṯal ’de/ mo mmoḵo/ Tap̱a mo be.