LUUKA 4:8 - Uduk New Teatament and OT Portions

⁸ Dhala Yesus thoḵ a’di gwo mo ki: A’di ’kwarkunu mo be ki: /E mini luŋ Tap̱a Arumgimis pini mo, dhali a’di a’di ’de/ mo tani a’di imina /e mmii to mo be.

LUUKA 4:8 Iomraidhean Croise

GWAY GI IDAWUU’D 83:18

Dhalki uni mish gwo ’ban mo ki /e a’di iṯal ’de/ mo jin tana gway pini Tap̱a mo, /e jin Caa e ki Ca ap̱o/ mony’ceshi ’baar mo.

MAṮṮA 16:23

Hili a’di ki ṯu’k mo dhali owa Buṯerus gwo mo ki: Seṯaan, yaku/ i’ko’di aha/ mo ma. /E noni aha/ ’kup̱ mo. Haali/ /e diki di ki ’ban ma Arumgimis mo, hili /e din ka ’ban gi ’kwani mo be.

MAṮṮA 4:10

Yan’ko’d Yesus ki o a’di gwo mo ki: Yaku/ mo ma, Seṯaan, haali/ a’di ’kwarkunu mo ki: /E mini luŋ Tap̱a Arumgimis pini mo, dhali a’di ’de/ mo tani mmina /e mii to mo be.

LUUKA 4:4

Dhala Yesus thoḵ a’di gwo mo ki: A’di ’kwarkunu mo ki: Wathi/ midi diki c̱a’b mo ki e mo gom jasi tonṯe/ ’te/ mo.

LUUKA 4:7

Waḵki/ /e mini luŋ aha/ kan mo tani uni ’baar mo mini ta kum pini mo be.

YAKUUB 4:7

C̱i is bum wakan ka Arumgimis mo ma. Roc̱i tap̱a ma ruma ’cesh mo ma dhali a’di midi gus mo ’peni um mo be.

BUṮERUS ’DE/ 5:9

Roc̱i a’di mo, dhali ṯeli sho’k mo e moŋgam gwo is bum mo, mmomisha um ki gwo jin wanu kani bwa gom isa nyor jin ’kosho’d mo tani a’di ’theḵkunu mo ’peni iwaḵ bum mo kun ’kon e mony’ceshi ’baar mo.

GWO JIN ’CEENU MO 19:10

Dhali yan’ko’d aha/ biṯkina ’cesh e sho’k piti mo dhali luŋ a’di mo, hili a’di ki o aha/ gwo mo ki: /E yisa mini mii mii kana. Aha/ tana garr jin nyaḵki’da ṯu’c mii ki /e mo dhali awaḵ pini mo, uni gun ṯelki gwonṯor goma Yesus mo. Luŋi /e Arumgimis mo. Haali/ gwonṯor ma Yesus mo tani a’di ta shi/in gi gwo jin c̱inu is mo be.

GWO JIN ’CEENU MO 22:9

Hili a’di ki o aha/ gwo mo ki: /E mini diki mii mii kan mo. Aha/ tana garr jin nyaḵki’da ṯu’c mii nyaḵki /e mo dhali awaḵ pini mo uni kun ta imanc̱i gwo mo, dhali nyaḵki uni gwansan kun dhuki gwo kun ’kwarkunu mo eya warka/ yansan mo. Luŋi /e Arumgimis mo.