Biblia Todo Logo
Bìoball air-loidhne

- Sanasan -




LUUKA 4:16 - Uduk New Teatament and OT Portions

16 Dhali a’di p̱u’dki’d mo e Pa Naasira mo e mo jin thip̱kunu a’di mo. Dhali a’di yaki’d mo e gu’b jin tulu is mo, me’d miim piti jin miikina a’di mo, ka cim ma pesu/ mo. Dhali a’di doshki’d ki mis mo dhali deŋ gwo e mo.

Faic an caibideil Dèan lethbhreac




LUUKA 4:16
14 Iomraidhean Croise  

Dhali a’di yaki’d mo mmoc̱a’b e ’peŋkuman bampa/ jin yuḵu ka Naasira mo. A’di jin ta gwo jin okin ma manc̱i gwo ma Arumgimis kadhamo/ mo ki a’di minu thim mo ki: A’di minu yuḵ ki wathi/ gi Pa Naasira mo be.


Dhali ki uni ’baarkina ris to mii mo me’d isi ki gwoŋḵan gi Tap̱a jin c̱inu mo tani uni doḵkin ka nyaŋ’ko’d mo e Pany Jaliil mo e ’peŋkuman bampam buniŋ gana/ mo e Pa Naasira mo.


Dhali ki a’di ’kona yili ’kume’d i’ce’dka su/ mo tani uni iikin mo me’d isi mii jin miinu mo be.


Dhali a’di ya’d ka luŋgu’b nyaḵki uni mo dhali p̱u’d mo e Pa Naasira mo dhali a’di haki gwom buni e mo, dhali ata’dam piti a’di kulumki’da ris to gwansan eya dum piti mo be.


Dhali a’di ṯorki gwo mo e gu’b gi montul is buni mo dhali a’di karkin ma ris ’kwani ’baar ki ca mo.


Dhali a’di c̱ikunu awarka/ gi gwo ma manc̱i gwo ma Arumgimis kadhamo/ jin ta’da Ishaya mo. A’di ḵa’dki’da warka/ mo dhali gam mo jin ’kwarkunu gwo nycine/ mo ki:


Dhali a’di ṯelki gwo ’pen mo dhali mmo/o uni gwo mo ki: Shwane/ Gwo ma Arumgimis yan jin ’kwarkunu mo tani a’di thimkunu mo e bwany’cem bum mo mmociḵ mo be.


Dhali a’di ki thoḵ uni gwo mo ki: Ka jiŋ gana/ um mini thoḵ aha/ gwo mo ’peni gwoŋ gwar ka ’bi’th/e ki: /e jin tana hakiim mo tani wac̱i is pini mo ma. Gwo jin ciḵa aman mo gom miim pini jin miikina /e mo e Paŋ Kap̱ranahuum mo tani miiyi a’di si’da/ mmahan mo e bampam piniŋ gana/ mo ma.


Yesus ki thoḵ a’di gwo mo ki: Aha/ ṯorkina ’kwaniny’cesh gwo eya tente/ isa yempa/ mo dhali aha/ ṯorkina gwo isa yempa/ e gu’b gi montul is mo dhali e gu’b gi mondheleladhelel mo, e mo yin jin tulkina ’Kwani Yahuuda/ isi ’baar mo mmonṯal ’de/ mo. Aha/ dinaki ṯor gwoŋ kamu/ ka ḵwal is mo.


Dhala Buulus me’d miim piti jin miina a’di mo tani a’di yaki’d e bwam uni mo dhali ka cim ma pesu/ ikwara mo tani a’di ṯorki’da ṯor ki uni ka ḵarambuye/ ’peni Gwo ma Arumgimis kun ’kwarkunu mo


Lean sinn:

Sanasan


Sanasan