LUUKA 3:9 - Uduk New Teatament and OT Portions

⁹ Me’d gi shwane/ athurmany a’di ’thikunu mo hila/ eya birman cwa mo, ka ris cwa ’baar mo ka ’deṯe/ ’deṯe/ wakan kun ’koki dho’th mamana ’borga/ mo tani minu jep̱ ka ’cesh mo dhali minu ṯa’k mo e o’d mo be.

LUUKA 3:9 Iomraidhean Croise

MAṮṮA 3:10

Hili shwane/ athurmany a’di ’thikunu mo eya birman cwa mo. Wakan mo tani aris cwa ’baar mo ka ’deṯe/ ’deṯe/ kun ’koki dho’th maman mo tani uni jep̱kunu ka ’cesh mo dhali minu ṯaki o’d mo be.

MAṮṮA 7:19

Aris cwa ’baar mo ka ’deṯe/ ’deṯe/ kun ’koki dho’th maman kun ’boron mo tani uni jep̱u ka ’cesh mo dhali ṯaki o’d mo be.

LUUKA 13:6

Dhali a’di ki ṯor gwo gi gwom ’bi’th/e yan gom uni mo ki: Wathi/ jin ta’d gi cwamp̱u/ jin sikina a’di e bwaagoŋ piti mo dhali a’di p̱u’dki’d mo mmoŋap̱ maman ’peni a’di mo tani dhali a’di diki gam jan ’deŋ kamu/ mo be.

LUUKA 13:7

Dhali a’di ki owa manhil cwalman gwo mo ki: Hili mo mo ma. Yil ’koni kwara shwane/ jin yayika/ mo mmoŋap̱ maman ’pena pu/ yan mo tani dhali aha/ dinaki gam jan ’de/ mo. Jep̱i a’di ka ’cesh mo ma. Atinta mina a’di bu’th mony’cesh yan kan mo?

LUUKA 13:9

Dhali waḵki/ a’di midi dho’th maman ki yil jiŋ ’ko’d mo, ’boro’d be. Hili waḵki/ a’di diki dho’th maman mo tani /e mini mish a’di jep̱ ka ’cesh mo be.

YOHAAN 15:6

Waḵki/ wathi/ diki c̱a’b e aha/ mo tani a’di biṯu ka pije/ me’da biny cwa mo dhali a’di ki ḵu’th mo dhala binycwa tulkunu is mo mmoṯa’k i o’d mo, dhali o’d ki shwa mo be.

IBRANIYIIN 10:28

Wathi/ a’di jin ’ce’dki gwoŋḵan jin c̱inu ka Musa mo tani a’di wuki’d mo ki dar gi momiimii mo ki ’twa/ gi iman/o gwo kun ’koni su/ mo walla ikwara mo be.

IBRANIYIIN 12:29

Haali/ Arumgimis bana a’di shwa’d ki o’d ki bar bar mo be.