LUUKA 3:7 - Uduk New Teatament and OT Portions

⁷ Dhali a’di o gwo wakan si’da/ eya waambuhany ’kwani mo kun p̱u’dkin mo e mo jin minu miiya mii ki yi’de/ ki a’di mo ki: Um uc̱in tasha/ mo. Kaja rum um ki gwo mo mmoso mo ’pena nyor jin midi p̱u’du/ mo?

LUUKA 3:7 Iomraidhean Croise

ṮAKWIIN 3:15

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

MAṮṮA 12:34

Um uc̱i gi tasha/, um mishi gwo jin ’boro’d o kata mo? ki um ta kun ta thus ki thus kan mo? Haali/ ’peni mo jin isha to ḵumma/ eya du mo tani ’twa/ a’di c̱iki gwo mo be.

MAṮṮA 23:33

Um kun ta tasha/ mo, dhali um kun ta ushin tashan ’thi/ mo, um mini mish ye kata sa/, um kun ’dap̱a’dap̱ ki bway gi mo ma al o’d kan mo.

MAṮṮA 3:6

Dhali uni ’kokunu mo mmomii ki yi’de/ ki a’di mo e Yi’deŋ Ḵumma/ Uurdun mo mmopikina uni gwo gom miinthus buni mo be.

YOHAAN 8:44

Um ’pena babam bum jin ta tap̱a ma ruma ’cesh mo dhali bwam bum o’d ki mii me’d bwa ma babam bum mo. A’di ta’da man’kosha mee mo ’peni ka muŋ’kup̱ mo dhali a’di dar gi toŋ kamu/ mmomii gom gwoŋ gana/ mo haali/ gwoŋ ganaŋ kamu/ yisa di’da e a’di mo. Ki a’di ki ṯor gwo ka ṯor mo tani a’di ki o gwo mo me’d isi jin di’di a’diyi haali/ a’di ta’da ṯor mo dhali com jin cil ma ṯor mo.

MII GUN MIINU MO 13:10

dhali o gwo mo ki: Ayy /e jin ’tu’du/ mo ka maḵi ’baar mo dhali /e jin ta ṯẖuthu/ ki ṯẖuthu/ mo dhali /e jin ta ya/ ma Ibliis mo dhali /e jin ta ’kup̱ ki a’di jin ta mo ma ḵar/e ’baar mo tani mina /e diki daḵ mo mmosusa sus jin ta jim per mo ’taa ’peni miiŋ gana/ gi Tap̱a mowa?

TASALUNIIKI ’DE 1:10

dhali mmoc̱or Ya/m piti ’peni momis mo, a’di jin cukina a’di mis mo ’peni mowu mo, a’di jin ta’da Yesus jin midi ’cuḵ ana mo ’pena nyor jin midi p̱u’du/ mo be.

IBRANIYIIN 6:18

Wakan ki gwo kun ’koni su/ kun ’konuki aḵ e mo tani e mo jin moluwa Arumgimis nyo/ mo ki a’di ta thus mo tani ana kun takina gi mo jin sokina ana mo gom jwam bana jin sokina ana mo mmohur mo e a’di mo tani minu ’taki ’bitha du is mo mmobu’th mo ma ’teŋ kap̱e/ jin karkunuwa bori ana mo be.

YOHAAN ’DE/ 3:8

A’di jin di’d mo mmomii miinthus mo tani a’di ta ji gi tap̱a ma ruma ’cesh mo, haali/ tap̱a ma ruma ’cesh a’di miiki miinthus ’peni ka muŋ’kup̱ mo. A’di ta ’kup̱ gwo jin ṯoru Ya/ ma Arumgimis eya tente/ mo mmo’ce’d mii gi tap̱a ma ruma ’cesh sho’k mo be.