LUUKA 3:3 - Uduk New Teatament and OT Portions

³ Dhali a’di ya’d mo e mo ’baar mo ka kukul is mo e Pa Uurdun mo mmoc̱i gwo gom mo jin minu miiya mii ki yi’de/ mo dhali mmorica du is mo gom gwo gi miinthus jin minu gwam ’kwani mo.

LUUKA 3:3 Iomraidhean Croise

MAṮṮA 3:11

Aha/ miikina um ki yi’de/ gom mo gi minu rica du is mo, hili a’di jin midi yayu/ i’ko’di aha/ mo tani a’di ca’d ki aha/ mo dhala p̱p̱am piti mo tani aha/ dinaki ha me’d mo mmoḵal uni mo. Hili a’di midi mii um ki Shi/in Dheleladhelel mo dhali ki o’d mo be.

LUUKA 1:16

Dhali a’di midi ṯu’k iya/ ma Israyiil ka ris mo e Tap̱a Arumgimis buni mo be,

LUUKA 1:77

mmoc̱i mo jin mishu mowoṯẖ bana mo e ’kwanim piti mo, dhali e modhal miinthus buni ’pen mo be.

LUUKA 4:1

Dhala Yesus ’tu’dkunu mo ki Shi/in Dheleladhelel mo dhali doḵki’d ka nyaŋ’ko’d mo ’peni Yi’deŋ Ḵumma/ Uurdun mo dhali a’di ura Shi/in mo ka pije/ mo.

YOHAAN 1:28

Mii yansan a’di bu’thki mo mo e Pam Beeṯaniya mo e bwamp̱o/ Yi’deŋ Ḵumma/ Uurdun mo e mo jin miikin ma Yohaana mii ki yi’de/ mo be.

YOHAAN 3:26

Dhali uni p̱u’dkina Yohaan mo dhali o a’di gwo mo ki: Rabbi, a’di jin nyaḵki di ki /e e bwamp̱o/ Yi’deŋ Ḵumma/ Uurdun mo tani a’di jin ṯorkina /e gwo mo tani a’di a’dani, miiki’da mii jin miinu ki yi’de/ mo, dhali aris ’kwani ’baar mo iikini a’di mo be.

MII GUN MIINU MO 13:24

me’dyin ṯor ma Yohaan gwo nṯwa/a/ mo mmodina a’di ki yayu/ naskina/ mo tani gwo mmomiiya mii ki yi’de/ gom mo jin minu rica du is goma ris ’Kwani ma Israyiili ’baar mo.

MII GUN MIINU MO 19:4

Dhala Buulus ki o gwo mo ki: aYohaan miiki’da mii jin miinuwa mii ki yi’de/ ki mo jin minu rica du is mo mmo/o ’kwani gwo jin mina uni ’taki gam a’di gwo is jin midi ’taki yayu i’ko’di a’di mo a’di yan jin ta’da Yesus mo.

MII GUN MIINU MO 22:16

Dhali shwane/ ata c̱a’ba /e mmomii mo? Cuyi /e mis mo ma dhali miiyi is pini ki yi’de/ mo mmolam miinthus pini mo mmoyer gway piti mo.