LUUKA 2:1 - Uduk New Teatament and OT Portions

¹ Dhali ka cim gwansan tani gwoŋḵan hashu mo ’pena Ughusthus Kaysar ki aris ’kwaniny’ceshi ’baar mo minu mii ’kwar gway buni mo.

LUUKA 2:1 Iomraidhean Croise

MAṮṮA 22:17

Ṯori aman gwo mo ma, gwo kuluma /e mbwa katinta mo? A’di ta gwoŋḵan ’taa? jin minu c̱iya Kaysara thulp̱a/ mo walla minu dhalku/ mo?

MAṮṮA 24:14

Dhali gwom ’borga/ gi Bampa/ gi Momis mo tani minu mii c̱ika pije/ e mony’ceshi ’baar mo me’d gwo jin c̱inu gom kal gi ’kwaniny’ceshi ’baar mo, idhali yan’ko’d mo tani ’pemen midi p̱u’du/ mo be.

MARKUS 14:9

Dhali ka jiŋ gana/ aha/ ṯora um gwo mo ki: E mo yin jin minu c̱i gwom ’borga/ e mony’ceshi ’baar mo tani a’di jin miikin ma yim mo tani minu ṯor mo mmokaa yim e mo be.

MARKUS 16:15

Dhali a’di ki o uni gwo mo ki: Iiku/ mo e mony’ceshi ’baar mo dhali c̱i gwom ’borga/ eya ris ’kwani ’baar mo kun uḵkunu mo.

LUUKA 2:3

Dhali uni ’baar mo iiki bway pu buniŋ gana/ mo ki she/ ki she/ mo mmo’kwar gway buni mo be.

LUUKA 2:5

A’di yaki’d mo mmo’kwar gway ki is piti mo uni ka Mariyam jin ta a’di jin onu a’di ki bu’th mo, dhali a’di si’da/ cana bwa mo be.

LUUKA 3:1

Dhali ki yil ta’da ḵarpa’c mo tani jin takin ma Thibariyuus Kaysar amaliḵ mo tani Punthi Bilaaṯus ta’da mudhiir gi Pa Yahuudiyya mo dhala Hirodus ta’da ra/iis rub gi Pany Jaliil mo dhala akam piti ka P̱ilibbus jin ta’da ra/iis rub gi Pa Ithuriyya mo dhala aTaraḵuniiṯis mo dhali Lisaniyuus ta’da ra/iis rub gi Pa Abiliyya mo be.

MII GUN MIINU MO 11:28

Dhali jamu/ ṯal ’de/ ’peni uni doshki’d ki mis mo jin yuḵu ka Aghabuus mo dhali ṯor gwo mo gom momer jin misha a’di ki Shi/in ki dhan ṯe/ caaca midi di ap̱o/ mony’ceshi ’baar mo jin bu’th mo mo ka tee ma Kuludiyuus mo.

MII GUN MIINU MO 25:11

Waḵki/ aha/ si’da/ tana amandiki mii miiŋḵar/e mo dhali waḵki/ aha/ miikina toŋ kamu/ jin midi gam ’pemen jin ta ji gi wu mo tani aha/ dinaki ush mmowu mo. Hili waḵki/ toŋ kamu/ ṯal ’de/ ’peni to gwahan kun yera gwahan aha/ is ki gway mo diki ta gwoŋ gana/ tani wathiŋ kamu/ yisa di’da jin midi mish c̱i aha/ e uni mo be. Aha/ mina yip̱ ’kup̱ pem ’kup̱ ka Kaysar mo be.

MII GUN MIINU MO 25:21

Hili ka Buulus yip̱ki ’kup̱ mo jin minu kar a’di mmohil mo mmotagi gwon dwall ’pena Ughusthus yan mo tani aha/ ḵankina gwo mo ki a’di minu kar mmohil mo ntagi aha/ mina ’taki hash a’di eya Kaysar mo be.

RUUMIYA 1:8

Nṯwa/a/ aha/ ’bora Arumgimis pem bwa i is mo eya Yesus Ḵrisṯẖos gom umi ’baar mo haali/ moŋgam gwo is bum ṯorkunu ki tur ka pije/ e mony’ceshi ’baar mo.

P̱ILIBBI 4:22

Aris uni kun dhunu ki she/ ki dhelel dhelel mo tani theki um me’d mo uni gun mumki ’ko mo e gu’b ma Kaysar mo be.