LUUKA 1:2 - Uduk New Teatament and OT Portions

² jasi me’d uni kun c̱ikunu ana mo ki uni gwansan ’peni ka muŋ’kup̱ mo kun ta iman/o gwo ki e mo dhali imanmii gwo mo tani

LUUKA 1:2 Iomraidhean Croise

MARKUS 1:1

Monṯel ’pen gi gwom ’borga/ ma Yesus Ḵrisṯẖos jin ta Ya/ ma Arumgimis mo be.

MARKUS 16:20

Dhali uni iikin mo mmoc̱i gwo mo eya ris mo ’baar mo dhali Tap̱a diki’d mo mmonyaḵka ṯu’c mii ki uni mo dhali mmo’da/ki uni gwo kun c̱ina uni sho’k mo ki jamas mii kun baṯẖkunu mo be. Amen

MARKUS 4:14

Amanyeḵa ḵa’bany to mo tani a’di yeḵki gwo mo be.

LUUKA 24:48

Um ta iman/o gwo gom to gwansan mo be.

YOHAAN 15:27

Dhali um si’da/ mini ta iman/o gwo mo haali/ um nyaḵki ’ko ki aha/ ’peni ka muŋ’kup̱ mo be.

YOHAAN 16:4

Hili aha/ okina to gwansan e um mo, ki mom buni mini p̱u’du/ mo tani um ki ka gwo e ki aha/ ṯorkina um uni mo be. Aha/ dinaki o gwo gwansan ’peni ka muŋ’kup̱ mo haali/ aha/ dikina nyaḵki um mo be.

MII GUN MIINU MO 1:3

’Ko’di isa nyor piti mo tani Yesus ki ṯor uni is piti jin di’d ki e eya tente/ ka du’d miiŋ gana/ ka ris mo. A’di yayi’di pi uni i is ka cim ma issu/ mo be. A’di di’d mmoṯor gwo gom Bampa/ ma Arumgimis mo.

MII GUN MIINU MO 1:8

Hili um mini bu’th mom’bi’th gi Shi/in Dheleladhelel jin midi yayu/ ap̱o/ um mo dhali um mini ta iman/o gwom pem e Pa Urushaliim mo dhali e Bampa/ gi Pa Yahuudiyya ’baar mo dhali e Pan Saamira mo dhali ntagi mo e mony’cesh jin di’d isa dhana/ nnii mo be.

MII GUN MIINU MO 14:25

Dhali ki uni oki gwo e Pam Parja mo tani uni iikin ka luŋgu’b e Pa Aṯṯaaliya mo be.

MII GUN MIINU MO 16:6

Dhali uni iikin ki tur mo e mo ka kukul is mo e Pam P̱arijiyya mo dhali Paŋ Ghalathiyya mo mmononkina Shi/in Dheleladhelel uni ’kup̱ mo mmo/o gwo yan e Pa Asiyya mo be.

MII GUN MIINU MO 17:11

Hili uni gwansan bol uni gi Pan Tasaluniiki e ki yuḵ mo mmobu’thkina uni gwo mo ki mo/o bwa kagahara mmo’cunycur Gwo ma Arumgimis kun ’kwarkunu mo ka yempa/ mo waḵki/ to gwansan mini wakansan mo.

MII GUN MIINU MO 26:16

Hili cuyi /e mis mo dhali doshi ki sho’k pini mo haali/ gom ’pemen yan kan tan mo tani aha/ pina /e i is mo mmothoson /e mo mmota amanmii to mo dhali mmota aman/o gwo gom to gun mishkina /e aha/ mo dhali gom to gun miga/ pi /e i is mo

MII GUN MIINU MO 4:20

haali/ am mina mol gwo ush mmoṯor gom to kun mishkina aman mo dhali kun ciḵa aman mo.

MII GUN MIINU MO 8:4

Uni si’da/ kun c̱ekerki bwa mo tani uni iikin mo mmoṯor gwo ki lala’th mo be.

RUUMIYA 15:16

Mmota amanmii to goma Ḵrisṯẖos jin ta’da Yesus mo gom ’kwani kun ’koki ta ’Kwani Yahuuda/ mo mmota gasiis ma aṯu’c gi gwom ’borga/ ma Arumgimis mo. Wakan ki to jin isi’d gi ’kwani kun ’koki ta ’Kwani Yahuuda/ minu mish bu’th mo a’di jin dhagamkunu ki Shi/in Dheleladhelel mo be.

KURINṮH̱UUS ’DE/ 4:1

Dhalka aris ’kwani ’baar ka ’deṯe/ ’deṯe/ mo ibuḵ ana ka pije/ mo ki ana itana c̱iŋkina/ ma Ḵrisṯẖos mo dhali imandhu to mo gom gwo ma Arumgimis jin c̱inu mo ki jim bag mo.

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

BUṮERUS ’DE/ 5:1

Wakan aha/ malaskina jwahaŋ ’kwaniŋ ḵaniisa mo e bwam um mo, me’d jin taka/ garr jin ta jwaha/ si’da/ mo dhali ta aman/o gwo mo gom isa nyor ma Ḵrisṯẖos mo dhali me’d jin bu’thkika/ monycam piti si’da/ jin minu ṯor eya tente/ mo be.

BUṮERUS SU/ 1:16

Haali/ aman ’konaki baṯẖa gany gi gwo lolop̱ kun ta ku ma maḵi sho’k mo kun lolop̱u ki lolop̱ gwocon mo, me’d jin ṯora aman um eya tente/ mo mom’bi’th mo dhali momp̱u’d jin mina Tap̱a Yesus Ḵrisṯẖos bana p̱u’du/ mo, hili aman ’kokina mmota iman/o gwo ki e mo gom mo/eḵ piti mo.