IBRANIYIIN 9:9 - Uduk New Teatament and OT Portions

⁹ (a’di jin ta’da shimpira/ mii gom she/ yil yan mo). Isi ki gwo yansan jin miinu ki jiŋ garr mo tani to gun c̱inu ki me’d mo dhali to gun c̱inu mo mmo’ciṯẖ ’kus mo mmomiiya basa ’cesh mo, a’di jin mol ’bor ’twa/ ma du ’bor ki ’bor gana/ mo goma luŋ jin luŋu mo,

IBRANIYIIN 9:9 Iomraidhean Croise

RUUMIYA 5:14

Dhali hili wu seki’da Aadama p̱o/ ntaga Musa mo, ap̱o/ uni gwansan si’da/ kun takin gi miinthus kun waki gwon dhaŋ ma Aadam yisa. Aadam ta’da shimpira/ mii gom a’di jin midi yayu/ mo be.

GALATHIYYA 3:21

A/dhali gwoŋḵan jin c̱inu mo a’di di’da p̱o/ gwo jin on ma Arumgimis is mowa? Dhalku/ ki ṯosh kan mo. Haali/ waḵki/ gwoŋḵan jin c̱inu mo minu ’taki c̱i mo mmokar mo jin ’konu ki e mo tani yan’ko’d mo ma ḵar/e midi ’taki di mo ka jiŋ ganayi ki gwoŋḵan jin c̱inu mo be.

IBRANIYIIN 10:11

Dhali igasiis kun cani ’baar ka ’deṯe/ ’deṯe/ mo doshkin isa yempa/ ap̱o/ momiin to mo, mmoc̱i to kun rashu mii ki rash rash mo mmo’ciṯẖa/ basa ’cesh mo kun nyaḵkin kan mo, uni kun moli miinthus gi ’kwaniny’cesh ḵal ki sule/ sule/ mo.

IBRANIYIIN 11:19

A’di nyiṯẖki’d ka Arumgimis mishki ’kwani ’de’k mo isi kani ’peni mowu mo. Wakan, ki gwo jin wayina e kan jin okunu mo ki a’di bu’thki a’di ka nyaŋ’ko’d mo be.

IBRANIYIIN 5:1

Haali/ iris igasiis kun can ka ’deṯe/ ’deṯe/ mo kun kwanykunu mo ’peni bwaŋ ’kwani mo tani uni dhukunu ’pen ka pije/ mo gom mii mo gom gway gi ’kwani mo mmo’disha uni Arumgimis is ki mii mo, mmoc̱i to gun c̱inu ki me’d mo dhali to kun ’ciṯẖuwa basa ’cesh mo gom miinthus gi ’kwani mo.

IBRANIYIIN 7:11

Waḵki/ mo jin tanu gu ki ’boron ki isi ’bor gana/ mo mishu jidhir mo ki mii gi ’Kwani Lawi ki mo jin tanuwa gasiis mo tani (Haali/ e bwaŋ’kwariny a’di mo tani ’kwani bu’thki gwoŋḵan jin c̱inu mo) gwo ki wakata iminu doḵ/e mii ta mo mmodoḵ sho’k mo goma gasiisa kamu/ mo mmocu mis mo mmothuḵ mii ma Malkisaadag i’ko’d mo, mmodhal jan ’deŋ kamu/ gway piti e i is mo, mmothuḵ mii ma Haruun i’ko’d mo?

IBRANIYIIN 8:4

Dhali waḵki/ a’di midi ’taki di e mony’cesh yan mo tani a’di midi ’taki diki ta agasiis moyi, haali/ igasiis uni ’kokin mo mmoc̱i to gun c̱inu ki me’d mo isi ki gwoŋḵan jin c̱inu mo.

IBRANIYIIN 9:24

Haala Ḵrisṯẖos a’di cic̱ki’d mo, yisa e mo jin ḵogu mo jin uḵu ki me’d gi ’kwani mo, a’di jin ta’da yinyjwa gi a’din ’deŋ gana/ mo, hili e momis ki is pitiŋ gana/ mo tani, hili a’di piki’d mo ibuŋ’kus ma Arumgimis mo gom gway bana mo be.

BUṮERUS ’DE/ 3:21

Mo ma cuc̱ jin cuc̱u/ jin ’dap̱a’d ki gwo yan mo tani a’di woṯẖki um shwane/ mo, yisa me’d mii jin ḵalkunuwa dihar ka pije/ ’peni buŋgwar is mo, hili me’d isi ’kup̱ jin yip̱kunu eya Arumgimis mo gom ’twa/ ma dun dhelelga/ mo ki mompi ma Yesus Ḵrisṯẖos mo,