IBRANIYIIN 9:3 - Uduk New Teatament and OT Portions

³ Dhali ibwamp̱o/ mo jin dhunu burrinye/ mmoshir ka maḵamp̱o/ mo tani gu’b burrinyeŋ kamu/ doshki’d mo jin yuḵkunu ki Mo jin Ḵoguwa Ḵogi ’baar mo,

IBRANIYIIN 9:3 Iomraidhean Croise

MAṮṮA 27:51

Dhali hili mo mo ma, burrinye/ gi gu’b gi mondheleladhelel mo a’di dherkunu bwa mo ka ’ban su/ mo ’peni buŋ’kup̱ mo ntagi bum’pen mo, dhali mony’cesh yiḵinki is mo, dhali aris woshi ’baar mo pwaṯẖkunu bwa mo be.

IBRANIYIIN 6:19

Ana takina gi a’di yansan mo mmomish mo ki isa duŋ gana/ mo dhali ṯelu sho’k mo ka ḵar ’kup̱ toŋḵuthu’d goma ḵashira/ mo dhali mo ma ’teŋ kap̱e/ c̱aan jin jidhirki’d mo dhali cic̱ mo e mo yan jin ḵogu mo ibwamp̱o/ burrinye/ jin karu ka yolol mo mmodiḵ mo e mo,

IBRANIYIIN 9:7

Hili ki mo jin ’kon ma p̱o/i su/ mo tani a’di ta jasi mo jin min ma gasiis jin ca’di ya mo, dhali hili a’di midi yaki jasi me’d ’de/ ki yil mo, dhali a’di midi ya ki dar ga bas yisa, jin mina a’di ’ciṯẖ ’kus gom is piti mo dhali gom mii kun thama ’kwani mii mo be.

IBRANIYIIN 9:8

Dhali ki mii gi wakan mo si’da/ tani Shi/in Dheleladhelel a’di ṯorki bway e mo jin ḵoguwa ḵo/ mo, ki a’di dinuki ’ka’d ’twa/ naskina/ mo me’d mii gi gu’b burrinye/ ma pije/ jin doshki’d naskina/ mo