IBRANIYIIN 9:16 - Uduk New Teatament and OT Portions

¹⁶ Haali/ waḵki/ gwo gi mal jin gamu me’d mo di’d mo tani jwa gi a’din ’de/ yan jin kar a’di mo tani a’di minu mii nyo/ mo be.

IBRANIYIIN 9:16 Iomraidhean Croise

RUUMIYA 5:12

Dhali me’d jin p̱u’dkina miinthus eya ’cesh ki wathim pan ’de/ mo tani dhali wu mo gom miinthus mo tani dhali wakan mo tani miinthus peperki’d eya ris ’kwani ’baar mo haala ris ’kwani ’baar mo miiki miinthus mo be.

RUUMIYA 6:23

Haali/ to jin gamu ki mii jin miinu miinthus mo tani ta mowu mo. Hili a’di jin c̱in ma Arumgimis ki me’d mo tani a’di ta mondiki/e ki sule/ ya ye ’ba/ eya Yesus Ḵrisṯẖos Tap̱am bana mo be.

KURINṮH̱UUS ’DE/ 15:22

Haali/ me’d jin wukina ’kwani ’baar mo eya Aadam mo tani wakan si’da/ eya Ḵrisṯẖos mo tani aris uni ’baar mo minu dhu ki e mo be.

IBRANIYIIN 1:3

A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

IBRANIYIIN 13:20

Shwane/ dhalka Arumgimis gi moŋḵu’th is, a’di jin guyi Tap̱a Yesus bana ’peni mowu mo doḵ/e, a’di jin ta’da Amanhil ḵa’bal, ka bas gi gwo jin gamu me’d jin midi di ki sule/ sule/ ya ye ’ba/ mo

IBRANIYIIN 9:15

Wakan a’di ta a’di jin doshki’da galany mo mmota gwon this jin gamu me’d mo. Wakan, ki uni gwansan kun yuḵkunu mo mini ’taki bu’th mal gi mo ma sule/ sule/ ya ye ’ba/ mo jin onu gwo is mo, haali/ mowuŋ kamu/ bu’thki mo mo, a’di jin wanki uni ’ba/ mo ’peni gwon dhaŋ mo e bwaŋ’kwariny gwo jin ṯwa/a/ jin gamu me’d mo.

IBRANIYIIN 9:17

Haali/ gwo gi mal jin gamu me’d mo tani a’di bu’thki mo jasi ’ko’di mowu mo, haali/ a’di yisa minu bu’th ki ’bidha, ki com pitin ’de/ yan jin kar a’di mo tani di’d ki e mo naskina/.

YAKUUB 2:10

Haali/ a’di yin jin dhuki gwoŋḵan jin c̱inu mo ka ’dan’dap̱ mo hili i/ush me’d mo gom jan ṯal ’de/ mo tani a’di wara’d ki wathi/ jin dina mii i’ba/ mo gom uni ’baar mo be.