IBRANIYIIN 8:8 - Uduk New Teatament and OT Portions

⁸ Haali/ a’di gamki mii jin ’ko uni ’ba/ mo ki a’di oki gwo mo ki: Atee mini p̱u’du/ mo. A’di ta gwo jin ona Tap̱a mo. Ki aha/ mina ṯel gwo jin gamu me’d jin ta jin this mo nyaḵki kuŋ Gu’b ma Israyiil mo dhali nyaḵki kuŋ Gu’b ma Yahuuda/ mo tani

IBRANIYIIN 8:8 Iomraidhean Croise

MAṮṮA 26:28

haali/ a’di yansan ita’da bas pem ki gwo jin gamu me’d mo, a’di jin wolki’d ka pije/ mo gom ’kwani ka ris mo gom mogwama gwam gom miinthus mo be.

MARKUS 14:24

Dhali a’di ki o uni gwo mo ki: A’di yansan ta’da abas pem gi gwo jin gamu me’d jin ta jin this mo a’di jin wolki’d gom ’kwani ka ris mo be.

LUUKA 17:22

Dhali a’di ki o imanciḵ a’di gwo gwo mo ki: Atee mini p̱u’du/ mo ki um mina bwa o mo mmop̱ara tenteŋ kamu/ e jin ta ji gi Ya/ gi ’Kwani mo dhali um mini ’koki p̱ar a’di e mo be.

LUUKA 22:20

Dhali wakan si’da/ ’ko’di tonṯe/ mo tani a’di bu’thki’da ḵubbaaya mo mmo/o gwo mo ki: Ḵubbaaya yan ta ji gi wolo’d ka pije/ gom um mo a’di jin ta gwon this jin gamu me’d ka bas pem mo be.

LUUKA 5:38

Hili yimana mura’th this minu mii kar mo e ḵucaŋ this mo be.

KURINṮH̱UUS ’DE/ 11:25

E mii yan jin nyaḵki’d si’da/ mo tani a’di bu’thki’da ḵubbaaya mo i’ko’di tonṯe/ mo mmo/o gwo mo ki: Aḵubbaaya yan a’di ta gwon this jin gamu me’d goma bas pem mo. Miiyi mii yansan mo ma me’d gunn kun p̱ina um a’di mo tani e mii jin mina umi kayaa/ e mo be.

KURINṮH̱UUS SU/ 3:6

a’di jin thumki aman mo mmota ku gi mini mii to mo gom gwon this jin gamu me’d mo, yisa e gwoŋḵan jin ’kwarkunu mo, hili e Shi/in mo be. Haali/ gwoŋḵan jin ’kwarkunu mo tani a’di ’koshki’da ’kosh mo, hili Shi/in a’di c̱iki mondiki/e mo be.

IBRANIYIIN 12:24

dhali eya Yesus mo, a’di jin doshki’da galany mo gom gwo jin ta jin this jin gamu me’d mo, dhali e mo jin ḵukuskunuwa bas mo jin onu gwo ki o ma aane/ mo ka bas yan bol ji ma Habiil e mo be.

IBRANIYIIN 7:22

Mii yansan a’di ki c̱iya Yesus mo mmota to jin ’tashu ’twa/ mo gom gwom ’borga/ jin gamu me’d mo jin bolo’da kamu/ e mo.

IBRANIYIIN 8:13

Mmo/ona a’di gwo mo gom gwo jin gamu me’d mo jin ta jin this mo tani mmoṯu/ulkina a’di mo a’di jin ta jin ṯwa/a/ mo me’d jin dhamo/ jin p̱uu’d mo be. Dhali a’di jin ta jin dhamo/ jin warki’d ki jin p̱uuki’d mo dhali wuwa mashira/ mo tani a’di hila/ midi us ki jog mo be.

IBRANIYIIN 8:6

Hili me’d jin wana a’di kan mo tani aḴrisṯẖos a’di bu’thki mo jin miinu to mo, a’di jin ’boro’d ki isi ’bor jin shi/i’d mo mmobol jin dhamo/ e mo, me’d gwo jin gamu me’d mo jin doshkina a’di agalany mo mmomii mo jin bolki’da kamu/ e mo, haali/ a’di ruu’kkunu mo ki gwo kun onu is mo kun bolki tiyan dhamo/ e mo be.

IBRANIYIIN 9:15

Wakan a’di ta a’di jin doshki’da galany mo mmota gwon this jin gamu me’d mo. Wakan, ki uni gwansan kun yuḵkunu mo mini ’taki bu’th mal gi mo ma sule/ sule/ ya ye ’ba/ mo jin onu gwo is mo, haali/ mowuŋ kamu/ bu’thki mo mo, a’di jin wanki uni ’ba/ mo ’peni gwon dhaŋ mo e bwaŋ’kwariny gwo jin ṯwa/a/ jin gamu me’d mo.